Արմեն Սարգսյանը ճարտարապետ Սաշուր Քալաշյանին հանձնել է Անանիա Շիրակացու անվան մեդալը

© Photo / official site of the President of RAПрезидент Армен Саркисян наградил архитектора Сашура Калашяна медалью Анании Ширакаци (15 июля 2021). Еревaн
Президент Армен Саркисян наградил архитектора Сашура Калашяна медалью Анании Ширакаци (15 июля 2021). Еревaн - Sputnik Արմենիա, 1920, 15.07.2021
Բաժանորդագրվեք
Yandex newsTelegram
Սաշուր Քալաշյանը շնորհակալություն է հայտնել ՀՀ նախագահին գնահատանքի և իր անցած ճանապարհն արժևորելու համար:

ԵՐԵՎԱՆ, 15 հուլիսի – Sputnik. ՀՀ նախագահ Արմեն Սարգսյանը հյուրընկալել է ճարտարապետ Սաշուր Քալաշյանին և հանձնել Անանիա Շիրակացու անվան մեդալը։ Տեղեկությունը հայտնում են ՀՀ նախագահի մամուլի ծառայությունից։

Նշենք, որ հուլիսի 5–ին ՀՀ նախագահի հրամանագրով ճարտարապետության և քաղաքաշինության զարգացման գործում ներդրած նշանակալի ավանդի համար, ճարտարապետ Սաշուր Քալաշյանը պարգևատրվել էր Անանիա Շիրակացու մեդալով:

«Ինձ համար մեծ պատիվ է մեր ժողովրդի և պետության կողմից ձեզ այս մեդալը հանձնելը, որովհետև ձեր ներդրումը մեր մշակույթի, ճարտարապետության մեջ հսկայական է»,- նշել է Սարգսյանը։

Սաշուր Քալաշյանը շնորհակալություն է հայտնել նախագահին գնահատանքի և իր անցած ճանապարհն արժևորելու համար:

«Ճարտարապետությունն ազգային մշակույթի դիմագիծն է, և այդ մշակույթի, ճարտարապետական ժառանգության պահպանումը մեզ համար առաջնային է»,-ասել է նա:

Սաշուր Քալաշյանը պարգևատրվել է Անանիա Շիրակացու մեդալով

Նախագահ Սարգսյանն ու Սաշուր Քալաշյանն անդրադարձել են պատմամշակութային ժառանգության, այդ թվում ճարտարապետական հուշարձանների պահպանմանը, դրանց նկատմամբ հոգածության կարևորությանը՝ hամակարծիք լինելով, որ ազգային յուրօրինակ ժառանգության պահպանումը նույնպես մշակույթ է:

85–ամյա Սաշուր Քալաշյանն ավարտել է Երևանի Պոլիտեխնիկական ինստիտուտը: 1961-72թթ. աշխատել է Հայպետնախագիծ, 1972-75թթ՝ Երևաննախագիծ ինստիտուտներում: 1976-94թթ եղել է Գյումրիի գլխավոր ճարտարապետը, 1995-2000թթ՝ Հայնախագիծ ինստիտուտի նախագծի գլխավոր ճարտարապետ, 2000թ-ից՝ փոխտնօրենը:

Церемония вручения государственных наград президентом РФ В. Путиным в Кремле - Sputnik Արմենիա, 1920, 16.03.2021
Վլադիմիր Պուտինը պատվավոր կոչում է շնորհել Արթուր Չիլինգարովին

1964-1966թթ դասավանդել է Երևանի պոլիտեխնիկական ինստիտուտում:
Մի շարք նախագծերի հեղինակ և համահեղինակ է։ Երևանում նախագծել և կառուցել է Մեծ եղեռնի հուշահամալիրը, Հայոց ցեղասպանության թանգարան-ինստիտուտը:

Գյումրիում «Կումայրի» պետական պատմաճարտարապետական արգելոց-թանգարանը, Սերգեյ Մերկուրովի, Ասլամազյան քույրերի թանգարանների, մանկական ստեղծագործության կենտրոնի, տիկնիկային թատրոնի պատմաճարտարապետական հուշարձանները, Ձիթողցյանների տունը, Ծաղիկյանների գարեջրի գործարանը և այլն:

Անանիա Շիրակացի․ իր ժամանակից հազար տարի առաջ անցած գիտնականը

Լրահոս
0