ԼՂ բյուջեի մուտքերը նվազել են 90 տոկոսով. արցախցիներին հերթական աջակցությունը տրամադրվեց

© Sputnik / Илья Питалев / Անցնել ֆոտոբանկКадры из Степанакерта после ночного обстрела ВС Азербайджана (4 ноября 2020). Карабах
Кадры из Степанакерта после ночного обстрела ВС Азербайджана (4 ноября 2020). Карабах - Sputnik Արմենիա, 1920, 15.07.2021
Բաժանորդագրվեք
Բնակարաններից զրկված շուրջ 104 000 արցախցիներ արդեն 4-րդ անգամ են օգտվում Հայաստանի բյուջեից ֆինանսավորվող սոցիալական միջոցառումից։

ԵՐԵՎԱՆ, 15 հուլիսի - Sputnik. 2020թ–ի պատերազմից տուժած արցախցիներին առ այսօր Հայաստանի բյուջեից 68 մլրդ դրամի սոցիալական աջակցություh է տրամադրվել։ Այս մասին այսօր կառավարության նիստում հայտնեց ՀՀ փոխվարչապետի պաշտոնակատար Մհեր Գրիգորյանը` հավելելով, որ Արցախի բյուջեի հարկային մուտքերը 90 տոկոսով նվազել են, հետևաբար, սոցիալական միջոցառումներն իրականացվում են հայաստանյան պետական բյուջեից։

Лаврент Хачатрян - Sputnik Արմենիա, 1920, 10.05.2021
Ողջ, բայց անտուն․ ինչպես են սոցիալական խնդիրները «սպանում» արցախյան պատերազմի մասնակցին

«Շուրջ 104 000 շահառու արդեն 4-րդ անգամ է օգտվում միջոցառումից։ Այդ իմաստով այսօր փաստացի սոցիալական բլոկը 68 մլրդ դրամ է, բայց ընթացքում հասնելու է 80 մլրդ–ի, որովհետև մենք սկզբունք ունենք, որ վարձավճարների մատուցման միջոցառումը կգործի այնքան, մինչև մենք կապահովենք մեր հայրենակիցներին բնակարաններով»,– ասաց Գրիգորյանը։

Տարեկան 10 մլրդ դրամ ՀՀ բյուջեից կհատկացվի նաև Արցախի կառավարության ֆինանսական պարտավորությունների ու իրավաբանական անձանց նյութական կորուստների փոխհատուցման համար։ Շուրջ 52 մլրդ դրամ էլ կհատկացվի արցախցիներին բնակարանով ապահովելու համար։

«Արցախի կառավարությունը նաև առանձին է սոցիալական ծրագրեր իրականացնում, իհարկե, ոչ այսքան մեծ ծավալի։ Այնուամենայնիվ, մենք և Արցախի կառավարությունը արել և անում ենք ամեն ինչ, որպեսզի մաքսիմալ հատուցված լինեն մեր հայրենակիցների սոցիալական պետքերը և կարիքները»,– ասաց Գրիգորյանը։

Արցախում 500 000 դրամ կտրամադրվի այն վիրավորներին, որոնք աջակցություն չեն ստացել ՀՀ–ում

Կառավարության այսօրվա նիստում ևս ավելի քան 7 մլրդ դրամ հատկացվեց արցախցիներին ամսական 68 000 դրամ աջակցություն տրամադրելու ծրագրի շրջանակներում։

Բանն այն է, որ աջակցության ծրագրի ժամկետը պարբերաբար թարմացվում է՝ կապված ցուցակներում անհրաժեշտ ճշգրտումների հետ։ Վերջին ծրագիրը ՀՀ կառավարությունը հաստատել էր 2020թ–ի դեկտեմբերի վերջին 6 ամիս ժամկետով։ Այսօր ընդունված որոշմամբ ծրագիրը երկարացվեց ևս 3 ամսով։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала