Фон для радио  - Sputnik Արմենիա, 1920
ՌԱԴԻՈ

Զանգեզուրի պղնձամոլիբդենային կոմբինատի աշխատակիցներից 2-ին ձերբակալել են. Վահե Հակոբյան

© Sputnik / Asatur YesayantsВаге Акопян на пресс-конференции лидеров блока "Айастан" (25 мая 2021). Еревaн
Ваге Акопян на пресс-конференции лидеров блока Айастан (25 мая 2021). Еревaн - Sputnik Արմենիա, 1920, 15.07.2021
«Վերածնվող Հայաստան» կուսակցության նախագահ Վահե Հակոբյանը մանրամասներ է հայտնել Զանգեզուրի պղնձամոլիբդենային կոմբինատի խուզարկության ընթացքից, նշել, որ փաստաբանները պատրաստվում են բողոքարկել կոմբինատի աշխատակիցների ձերբակալության իրավաչափությունը։
«Փաշինյանը գլխատում է Սյունիքը, որ հանձնի իր եղբայրներին` ադրբեջանցիներին և թուրքերին». Վահե Հակոբյան

ԱԱԾ հատուկջոկատայինները Զանգեզուրի պղնձամոլիբդենային կոմբինատի աշխատակիցներից 5-ին բերման են ենթարկել, նրանցից 2-ը ձերբակալվել են։ Տեղեկությունը Sputnik Արմենիայի հետ զրույցում հայտնեց Զանգեզուրի պղնձամոլիբդենային կոմբինատի գլխավոր տնօրենի նախկին առաջին տեղակալ, «Զանգեզուրի պղնձամոլիբդենային կոմբինատ» ՓԲԸ-ի խորհրդի անդամ, «Վերածնվող Հայաստան» կուսակցության նախագահ, «Հայաստան» դաշինքի անդամ Վահե Հակոբյանը։

«Կոմբինատի անվտանգության դեպարտամենտի պետին և արհմիության նախագահին գիշերը տեղափոխել են ձերբակալվածների պահման վայր։ Մեզ համար անհասկանալի է` ինչ հիմքով են նրանց բերման ենթարկել, հիմա փորձելու են մեղադրանք առաջադրել»,- ասաց նա։

Հակոբյանի խոսքով` փաստաբանները բողոքարկելու են ձերբակալության իրավաչափությունը։ Իսկ կոմբինատի, մասնավորապես հաշվապահության աշխատանքները խաթարված են, քանի որ ԱԱԾ աշխատակիցները առգրավել են համակարգիչները։

Ваге Акопян на пресс-конференции лидеров блока Айастан (22 июня 2021). Еревaн - Sputnik Արմենիա, 1920, 14.07.2021
ՌԱԴԻՈ
Հատուկջոկատայինները Զանգեզուրի կոմբինատից 3 հոգու բերման են ենթարկել. Վահե Հակոբյան

«Բոլոր աշխատասենյակները «պլոմբել» են, այնտեղ չի կարող մարդ մտնել։ Այսկերպ Նիկոլ Փաշինյանը գլխատում է Սյունիքը, թուլացնում է Հայաստանի տնտեսությունը, որպեսզի հանձնի Սյունիքն իր եղբայրներին` ադրբեջանցիներին և թուրքերին»,- նշեց Հակոբյանը։

«Վերածնվող Հայաստան» կուսակցության նախագահի կարծիքով`անհասկանալի է ԶՊՄԿ-ում և ընդհանրապես Սյունիքում տեղի ունեցող իրադարձությունների վերաբերյալ Հայաստանում օտարերկրյա դեսպանների ու միջազգային կառույցների լռությունը։

«Ոչ միայն դեսպաններից, այլև միջազգային որևէ կառույցից այսօր արձագանք չկա, իրենք լուռումունջ ընդունում են` ինչ անում է Նիկոլ Փաշինյանը, իսկ ո՞ւր մնաց այդ միջազգային կառույցների գովաբանած ժողովրդավարական սկզբունքները։ Մենք դարձել ենք բռնապետություն, դա պետք է փաստենք և սկսենք պայքարել դրա դեմ»,- հավելեց Հակոբյանը։

Նա հույս հայտնեց, որ խորհրդարանում ամենամեծ ընդդիմադիր ուժը, որի ներկայացուցիչն է նաև ինքը, կկարողանա արդյունավետ պայքարի շնորհիվ հասնել բռնատիրական բարքերի չեղարկմանը։

Հիշեցնենք` երեկ առավոտյան համացանցում տեսանյութեր տարածվեցին, որոնցում երևում էր, որ ԱԱԾ հատուկ «Ալֆա» ջոկատի ներկայացուցիչները Զանգեզուրի պղնձամոլիբդենային կոմբինատի տարածքում էին։

Նրանք արգելում էին տեսանկարահանումը, սակայն համացանցում կարճ կադրեր էին հայտնվել։ Տեսանյութերից մեկում երևում էր, թե ինչպես են հատուկջոկատայինները բերման ենթարկում կոմբինատի անվտանգության աշխատակցին։

Ավելի վաղ Վահե Հակոբյանը հայտարարել էր, որ Հայաստանի իշխանություններն արդեն ավելի քան 12 օր Զանգեզուրի պղնձամոլիբդենային կոմբինատին թույլ չեն տալիս խտանյութ արտահանել։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала