ԵՐԵՎԱՆ, 16 հուլիսի – Sputnik. Այսօր Երևան-Սևան-Իջևան ավտոճանապարհի 80 կմ հատվածում տեղի է ունեցել ՃՏՊ. դեպի Երևան ընթացողբեռնատար «Գազել» մակնիշի ավտոմեքենան Դիլիջանի թունելից դուրս գալիս դուրս է եկել երթևեկելի գոտուց, բախվել երկաթե արգելապատնեշներին և մասամբ հայտնվել ձորակում։ Տեղեկությունը հայտնում է shamhsyan.com-ը։
Վթարի հետևանքով ավտոմեքենան վերածվել է մոխրակույտի, 2 հոգի տարբեր աստիճանի այրվածքներով տեղափոխվել են «Սևան» բժշկական կենտրոն, քանի որ բախման հետևանքով ավտոմեքենայում հրդեհ է բռնկվել։
Այնուհետև վիրավորները Սևանի բժշկական կենտրոնից տեղափոխվել են Երևան. նրանցից մեկը գտնվում է ծայրահեղ ծանր, մյուսը` կայուն ծանր վիճակում։
Ոստիկանությունը պարզում է վարորդի և վիրավորների ինքնությունը։ Փաստի առթիվ նյութեր են նախապատրաստվում։
Վթար Երևան-Սևան ավտոճանապարհի 1-ին կիլոմետրում. կա մեկ զոհ, մեկ տուժած
