Համայնքային հողը որդուն է վաճառել. Ջրաշենի ղեկավարին մեղադրանք է առաջադրվել

© ИравабанГенеральная прокуратура Армении
Генеральная прокуратура Армении - Sputnik Արմենիա, 1920, 16.07.2021
Բաժանորդագրվեք
Նույն հողամասը վարձակալության է հանձնել հեռահաղորդակցության օպերատոր ընկերությանը և մինչև 2021թ. հունիսի 30-ն ընկած ժամանակահատվածը ստացել ավելի քան 17 մլն դրամ շահույթ:

ԵՐԵՎԱՆ, 16 հուլիսի – Sputnik. Մեղադրանք է առաջադրվել Լոռու մարզի Ջրաշեն համայնքի ղեկավարին` պաշտոնեական լիազորությունները չարաշահելու համար. տեղեկանում ենք դատախազությունից։

Город Спитак - Sputnik Արմենիա, 1920, 04.05.2021
Չարաշահումներ` ՀՀԿ-ական նախկին պատգամավորի եղբոր օրոք. քրեական գործ է հարուցվել

«Պարզվել է, որ Ջրաշեն համայնքի ղեկավարը համայնքային սեփականություն հանդիսացող հողամասի տարածքում օրենսդրության պահանջների խախտմամբ անցկացրել է համայնքային սեփականություն հանդիսացող հողամասն օտարելու վերաբերյալ ձևական աճուրդ. հաղթող է ճանաչվել իր որդին: Արդյունքում 2006թ. հոկտեմբերի 2-ին 0,1 հա հողամասը 76 590 դրամով օտարվել և սեփականության իրավունքով հատկացվել է համայնքի ղեկավարի որդուն»,–նշված է հաղորդագրության մեջ։

Դրանից մեկ ամիս անց վերջինս ամսական 100 000 դրամ վարձավճարով նույն հողամասը վարձակալության է հանձնել հեռահաղորդակցության օպերատոր ընկերությանը և մինչև 2021թ. հունիսի 30-ն ընկած ժամանակահատվածo ստացել 17.260.000 դրամ շահույթ:

Նշված արարքը կատարելու համար Ջրաշեն համայնքի ղեկավարին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով (պաշտոնեական լիազորությունները չարաշահելը) և որպես խափանման միջոց է ընտրվել ստորագրություն չհեռանալու մասին։

Շինծու է ու անլուրջ․ Առուշանյանը` իրեն առաջադրված մեղադրանքի մասին

Գործով նախաքննությունը շարունակվում է, միջոցներ են ձեռնարկվում համայնքին պատճառված վնասը վերականգնելու ուղությամբ:

Հավելենք, որ Ջրաշեն համայնքի ղեկավարը Վահան Ուռուսյանն է։ Նա համայնքը ղեկավարում է 1999-ից։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала