Դիմորդները կարող են բուհերի թափուր մնացած տեղերի համար դիմել և մրցույթի մասնակցել

© Sputnik / Aram Nersesyan Единый экзамен по английскому языку в старшей школе № 29 им. Андраника Маргаряна (2 июля 2020). Еревaн
 Единый экзамен по английскому языку в старшей школе № 29 им. Андраника Маргаряна (2 июля 2020). Еревaн - Sputnik Արմենիա, 1920, 19.07.2021
Դիմորդները ընտրելու են մինչև 6 մասնագիտություն, կարող են նշել տարբեր բուհեր, և այդ 6 մասնագիտություններում առավելությունը տրվելու է միավորին։

ԵՐԵՎԱՆ, 19 հուլիսի - Sputnik. Այսօրվանից մինչև հուլիսի 26–ը ներառյալ դիմորդները կարող են բուհերի թափուր մնացած տեղերի համար դիմել և մասնակցել մրցույթի։ Այս մասին լրագրողների հետ զրույցում հայտարարեց Գնահատման և թեստավորման կենտրոնի փոխտնօրեն Կարո Նասիբյանը։

 Единый экзамен по английскому языку в старшей школе № 29 им. Андраника Маргаряна (2 июля 2020). Еревaн - Sputnik Արմենիա, 1920, 08.07.2021
ԿԳՄՍՆ-ն հերքում է. քանի՞ դիմորդ չի հաղթահարել հայերենի միասնական քննության անցողիկ շեմը

Խոսելով 2021 թվականի ընդունելության մրցույթի արդյունքներից, Նասիբյանը նշեց, որ եղել է 1800 անվճար և 21820 վճարովի տեղեր։

Միասնական քննություններին հայտագրված դիմորդների թիվը եղել է 11058, ընդունվածների թիվը` 8083։

«Մրցույթից դուրս մնացածների թիվը կազմել է 2935, որի մեջ մտնում են նաև նրանք, ովքեր կտրվել են քննությունից. 1546 դիմորդ։ Կտրվածների թիվը պետք է բաժանել 2 մասի, կան դիմորդներ, որոնք երկու քննություն են հանձնել, երկուսից էլ անբավարար են ստացել և կան դիմորդներ, որ հանձնել են 1 քննություն և անբավարար են ստացել։ Իսկ այն դիմորդները, որոնք երկու քննություններից մեկը բավարար են ստացել, կարող են մասնակցել թափուր մնացած տեղերի լրացուցիչ մրցույթին»,–ասաց նա։

Նասիբյանի խոսքով`թափուր մնացած տեղերի թիվը մեծ է, որովհետև բացի պետական բուհերից` ընդգրկված են նաև ոչ պետական բուհերը. մոտավորապես կա 15.000 թափուր տեղ։

«Եթե դիմորդները այսօր ժամը 18.00–ից բացեն մեր dimord.am կայքը և փորձեն գտնել թափուր մնացած տեղերն ըստ մասնագիտությունների և ըստ բուհերի` կտեսնեն նաև ոչ պետական բուհերում թափուր մնացած տեղերը։ Այսօրվանից մինչև հուլիսի 26–ը ներառյալ, այն դիմորդները, որոնք դրական միավորներով դուրս են մնացել բուհ ընդունվելուց, կարող են նորից հայտագրվել»,–ասաց նա։

Դիմորդները կարող են ընտրել մինչև 6 մասնագիտություն, նշել տարբեր բուհեր, և այդ 6 մասնագիտություններում առավելությունը տրվելու է միավորին, այլ ոչ թե նրանց, ովքեր առաջինն են նշել այս կամ այն մասնագիտությունը։

Эксперт в области образования Атом Мхитарян - Sputnik Արմենիա, 1920, 08.07.2021
ՌԱԴԻՈ
Քննությունների արդյունքներով` մեր կրթական համակարգը գտնվում է կազմաքանդման փուլում 

Հուլիսի 26–ից հետո կազմակերպվելու է մրցույթը, իսկ հուլիսի 30–ին կհրապարակվի թափուր տեղերի համար մրցույթի արդյունքները։

Նասիբյանի խոսքով` դիմորդների համար առաջին տեղում IT ոլորտի մասնագիտություններն են, պահանջված են նաև իրավագիտությունը, բժշկական մասնագիտությունները։

Եթե տարիներ առաջ շատ դիմորդներ ընտրում էին տնտեսագիտությունը` մասնավորապես ֆինանսներ և վարկ, կառավարում, ապա այս տարի այդ բաժիններում նույնիսկ ամենացածր միավորներով ընդունվել են, այսինքն համարյա մրցույթ չի եղել։

Քիմիային առնչվող մասնագիտություններում այս տարի էլ գրեթե դիմորդներ չկան։ Թափուր տեղերի թիվը մեծ է նաև կրոնագիտություն, աստվածաբանություն, արվեստաբանություն, մշակութաբանություն մասնագիտություններում։

Տուժել են ոչ միայն դիմորդները, այլև դասախոսները. ԵՊՀ–ում դժգոհ են տեղերի զգալի կրճատումից

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала