Հայ դպրոցականները մեդալներ են նվաճել կիրառական կենսաբանության միջազգային օլիմպիադայում

© Photo : official site of the MESCS of RAАрмянские школьников на международной олимпиаде по прикладной биологии
Армянские школьников на международной олимпиаде по прикладной биологии - Sputnik Արմենիա, 1920, 19.07.2021
Երկրորդ փուլ անցած 30 մասնակիցներից 5-ը ՀՀ դպրոցականներն էին: Հաղթահարելով երկրորդ փուլը՝ բոլորն արժանացել են մեդալների։

ԵՐԵՎԱՆ, 19 հուլիսի – Sputnik. Կիրառական կենսաբանության միջազգային օլիմպիադայում հայ դպրոցականներն արժանացել են 5 մեդալի։ Տեղեկությունը հայտնում է ՀՀ կրթության, գիտության, մշակույթի և սպորտի նախարարությունը։

Օլիմպիադան, որի կազմակերպիչ երկիրն էր Ինդոնեզիան, անցկացվել է առցանց ձևաչափով․ առաջին փուլը տեղի է ունեցել հունիսի 23-30-ը, իսկ երկրորդ փուլը՝ հուլիսի 4-ին։ Մրցույթին մասնակցել են աշխարհի 30 երկրների ավելի քան 300 աշակերտներ: Հայաստանի Հանրապետությունը ներկայացրել են 10 աշակերտներ: Երկրորդ փուլ անցած 30 մասնակիցներից 5-ը ՀՀ դպրոցականներն էին: Հաղթահարելով երկրորդ փուլը՝ բոլորն արժանացել են մեդալների:

«Հերացի» ավագ դպրոցի 11-րդ դասարանի աշակերտուհի Մանե Կուրղինյանն արժանացել է ոսկե, «Քվանտ» վարժարանի և Ա.Շահինյանի անվան ֆիզմաթ դպրոցի 10-րդ դասարանցիներ Լեոնիդ Ասատրյանը և Համլետ Կարայանը՝ արծաթե, իսկ Արմավիրի թիվ 4 ավագ դպրոցի և «Հերացի» ավագ դպրոցի սաներ Ալլա Ավետիսյանը և Արման Հայրապետյանը՝ բրոնզե մեդալների։

Դիմորդները կարող են բուհերի թափուր մնացած տեղերի համար դիմել և մրցույթի մասնակցել

Թիմի աշխատանքները ղեկավարել են ԵՊՀ դասախոսներ Գայանե Ղուկասյանը և Սեդա Մարությանը:

ԿԳՄՍ նախարարությունը շնորհավորում է թիմի անդամներին և ղեկավարներին՝ նրանց մաղթելով նորանոր հաջողություններ:

«Պապիկն էլ այդպես կաներ». ինչ արեցին Վիկտոր Համբարձումյանի թոռները արցախցի երեխաների համար

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала