ՀՀԿ–ն անթույլատրելի է համարում «Լեռնային Ղարաբաղի տարածք» բառակապակցության  գործածումը

© Photo : Facebook / Screensfot / ՀՀ 3-րդ նախագահի գրասենյակ / Office of 3rd President of RA Серж Саргсян на встрече с представителями партии "Честь имею"
Серж Саргсян на встрече с представителями партии Честь имею - Sputnik Արմենիա, 1920, 28.07.2021
ՀՀԿ–ն իր միջազգային գործընկերներին պատշաճ կերպով կիրազեկի տարածաշրջանային լարվածության կտրուկ աճի և ադրբեջանական զինված ուժերի կողմից սանձազերծված ռազմական գործողությունների մասին։

ԵՐԵՎԱՆ, 28 հուլիսի – Sputnik. ՀՀԿ–ն անթույլատրելի է համարում ՀՀ ԱԳՆ-ի կողմից «Լեռնային Ղարաբաղի Հանրապետություն» հասկացության փոխարեն «Լեռնային Ղարաբաղի տարածք» բառակապակցության  գործածումը։ Նման եզրահանգման են եկել ՀՀԿ Գործադիր մարմնի հերթական նիստում, որը վարել է ՀՀԿ նախագահ, ՀՀ երրորդ նախագահ Սերժ Սարգսյանը, հայտնում է ՀՀԿ մամուլի ծառայությունը։

Սերբիայի արտգործնախարարի հետ համատեղ ասուլիսի ընթացքում Ադրբեջանի արտգործնախարար Ջեյհուն Բայրամովը Հայաստանին մեղադրել էր նոյեմբերի 9-ի եռակողմ հայտարարության իրականացման հարցում խոչընդոտներ առաջացնելու մեջ, ինչին ի պատասխան ՀՀ ԱԳՆ–ն ասել էր, որ «վերջին շրջանում Ադրբեջանը հանդես է գալիս Լեռնային Ղարաբաղի տարածքային միավոր լինելու ժխտման հայտարարություններով, ինչն իր հերթին խախտում է հայտարարության 7-րդ կետը, որտեղ կողմերը, այդ թվում Ադրբեջանը համաձայնվել է «Լեռնային Ղարաբաղի տարածք» եզրույթին»։

Здание Министерства иностранных дел Армении - Sputnik Արմենիա, 1920, 28.07.2021
Ի պատասխան Ադրբեջանի քայլերի`ՀՀ–ն գործի կդնի իր ռազմաքաղաքական ողջ գործիքակազմը. ՀՀ ԱԳՆ

ՀՀԿ ԳՄ նիստի ընթացքում քննարկվել է նաև Հայաստանի արևելյան սահմաններին, ինչպես նաև նախիջևանյան հատվածում ստեղծված իրավիճակը, որի մասին գնահատականներն արդեն հնչեցվել էին երկու ընդդիմադիր դաշինքների համատեղ հայտարարության մեջ։

«Հանձնարարվել է պատշաճ կերպով իրազեկել կուսակցության միջազգային գործընկերներին տարածաշրջանային լարվածության կտրուկ աճի և ադրբեջանական զինված ուժերի կողմից սանձազերծված ռազմական գործողությունների վերաբերյալ»,–ասվում է հայտարարության մեջ։

ՀՀԿ Գործադիր մարմնի հերթական նիստում խոսել են նաև ԱԺ առաջին նստաշրջանին կուսակցության կողմից առաջադրված պատգամավորների առաջիկա գործունեության հետ կապված հարցերի մասին, կարեորել Ազգային Ժողովում Արցախի հարցերով մշտական հանձնաժողովի ստեղծման և լիարժեք աշխատանքի հարցը։

Կրակի դադարեցման պայմանավորվածությունը հաստատել է ՀՀ ԱԳՆ- ն

Նշենք, որ ավելի վաղ «Պատիվ ունեմ» դաշինքի պատգամավորության թեկնածու, ԱԱԾ նախկին Արթուր Վանեցյանը հայտնել էր, որ դաշինքը նախատեսում է ԱԺ առաջին նիստում հանդես գալ Արցախի հարցերով մշտական հանձնաժողովի ստեղծման առաջարկով և այդ հարցի շուրջ լրացուցիչ հիմնավորումներով։

Հիշեցնենք, որ նորընտիր խորհրդարանի առաջին նստաշրջանը մեկնարկելու է օգոստոսի 2-ին` ժամը 10:00-ին։ Օրակարգում 7 հարց է ընդգրկված, որոնցից մեկն էլ մշտական հանձնաժողովների ստեղծման հարցն է լինելու։

«Հայաստան» և «Պատիվ ունեմ» դաշինքները ստեղծված իրավիճակի վերաբերյալ դիրքորոշում են հայտնել

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала