Միանգամից սկսեցին կրակել. Գեղարքունիքում վիրավորված տղաները մանրամասներ են հայտնել

Բաժանորդագրվեք
Ժամկետային զինծառայողները վստահեցնում են, որ թշնամուն համարժեք պատասխան են տվել։

«Զինուժ մեդիան» զրույցել է այս գիշեր Գեղարքունիքում ադրբեջանական հարձակման հետևանքով վիրավորում ստացած ժամկետային զինծառայողներից 2–ի հետ։

«Մութ էր, մառախուղ էր, իրենց «բլինդաժը» մեզնից 10 մետր էր ներքև ու իրենց «կառաուլը» մեր կողմ էր նայում, որ չգնանք այդ կողմ։ Հետո միանգամից սկսեցին կրակել, էլ չհասկացանք՝ ինչ կատարվեց, «գրանատամյոտով» որ խփեցին` աչքերիս դեմը սևացավ։ Կրակում էի, բայց շատ չհասցրեցի, որովհետև ի վիճակի չէի, չէի կարողանում քայլել»,–պատմում է Դավիթ Ղազարյանը։

Վիրավորում ստացած մյուս ժամկետային զինծառայող Անդրանիկ Ալեքսանյանն էլ շեշտում է, որ թշնամուն համարժեք պատասխան են տվել։

«Ապաքինվելուց հետո պատրաստ եմ մեկնել զորամաս ու ծառայությունս շարունակել, «պոստեր» բարձրանալ ու մեր սահմանները պաշտպանել»,– ասել է Ալեքսանյանը։

Губернатор Гегаркуника Гнел Саносян у здания муниципалитета города Варденис (28 июля 2021). Варденис - Sputnik Արմենիա, 1920, 28.07.2021
Կողմերն ինչպես դիրքավորված էին, հիմա նույն դիրքով կանգնած են. Գեղարքունիքի մարզպետ

ՀՀ զինված ուժերի ռազմաբժշկական վարչության պետ Սահակ Օհանյանն էլ պատմում է վիրավորում ստացած զինծառայողների վիճակի մասին։

«Մտահոգում է Վաչագան Մարտիրոսյանի վիճակը, որը բժիշկների կողմից գնահատվում է ծայրահեղ ծանր։ Երկու անգամ է վիրավորում ստացել. մեկև ազդրի շրջանում, մյուսը` հակառակորդի կիրառած ականանետի պայթյունի հետևանքով, վնասվել է դեմքն ու պարանոցը»,–ասում է Օհանյանը։

Հիշեցնենք` հուլիսի 28-ին, ժամը 03:40-ի սահմաններում, ադրբեջանական ԶՈւ ստորաբաժանումները հերթական անգամ դիմել են սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել են Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, չորս վիրավոր։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала