ԵՐԵՎԱՆ, 29 հուլիսի – Sputnik. Տոկիոյի ամառային 32-րդ օլիմպիական խաղերում իր առաջին մենամարտն անցկացրեց 75 կգ քաշային բռնցքամարտիկ Արման Դարչինյանը:
1/8 եզրափակչում Դարչինյանի մրցակիցը Սլովակիան ներկայացնող Անդրեյ Շեմեկն էր: Եվրոպական խաղերի փոխչեմպիոն սլովակ բռնցքամարտիկի հետ մենամարտում Արման Դարչինյանը միայն առաջին ռաունդում խնդիրներ ունեցավ։ Առաջին ռաունդում մրցավարները հաղթանակը շնորհեցին սլովակին։ Բայց հաջորդ երկու ռաունդներում Դարչինյանը պրեսինգի ու դիպուկ հարվածների շնորհիվ բեկեց մենամարտի ընթացքը, ու իվերջո բոլոր հինգ մրցավարները ընդհանուր հաղթանակը շնորհեցին Արման Դարչինյանին։
Քառորդ եզրափակիչում Դարչինյանը մրցելու է ֆիլիպինցի Էումիր Մարցիալիի հետ։
Հաղթելու դեպքում հայ բռնցքամարտիկը կապահովի օլիմպիական բրոնզե մեդալը։ Հավելենք, որ հուլիսի 31–ին Դարչինյանն իր երկրորդ մենամարտը օլիմպիական ռինգում կանցկացնի ադրբեջանցի Ջավիդ Չալաբիևի հետ
Հիշեցնենք` Տոկիոյի 32–րդ օլիմպիական խաղերը մեկնարկել են հուլիսի 23–ին և կավարտվեն օգոստոսի 7–ին։ Օլիմպիական խաղերն անցկացվում են մեկ տարի ուշացումով կորոնավիրուսի համավարակի պատճառով:
«Չի փոշոտվի». Արթուր Դալալոյանը պատմել է՝ ինչ է անելու օլիմպիական մեդալը
Օլիմպիադային մասնակցում է 206 երկրի 12500 մարզիկ։ Նրանք մրցում են 33 մարզաձևում՝ պայքարելով 339 մեդալի համար։
Սպորտային այս տոնին Հայաստանը ներկայացնում են 17 մարզիկներ 8 մարզաձևերում:
Հովհաննես Բաչկովը հաղթանակով սկսեց Տոկիոյի օլիմպիական խաղերը. լուսանկարներ
