Հենց այս վայրում ադրբեջանական զինված ուժերը կրակոցներ արձակեցին. Թաթոյան

© Photo : Tatev Duryan / press office of the Human Rights Defender of ArmeniaОмбудсмен Арман Татоян во время сбора фактов по обстрелу со стороны Азербайджана в районе села Верин Шоржа (29 июля 2021). Гегаркуник
Омбудсмен Арман Татоян во время сбора фактов по обстрелу со стороны Азербайджана в районе села Верин Шоржа (29 июля 2021). Гегаркуник - Sputnik Արմենիա, 1920, 30.07.2021
Բաժանորդագրվեք
НовостиTelegram
Նորաբակ գյուղում բնակիչները տեղեկացրել են, որ նոյեմբերի 28–ին և 29–ին ադրբեջանական զինված ուժերը կրակոցներ են արձակել:

ԵՐԵՎԱՆ, 30 հուլիսի – Sputnik. ՀՀ գյուղերի հարևանությամբ ադրբեջանական զինված ուժերի ներկայությունն ինքնին մարդկանց կյանքի իրավունքի խախտում է: Այս մասին Facebook–ի իր էջում գրել է ՀՀ ՄԻՊ Արման Թաթոյանը, նշելով, որ անձամբ է համոզվել դրանում։

«Այսօր (նոյեմբերի 29–ին, խմբ.), երբ բնակիչների հետ հանդիպումներ էինք ունենում Վերին Շորժայի սարատեղիում` հենց այս վայրում ադրբեջանական զինված ուժերը կրակոցներ արձակեցին (մի դիրք էլ հենց մեր գլխավերևում էր): Այդ պահին ստիպված էինք ժամանակավորապես դադարեցնել աշխատանքները, բայց հետո վերսկսեցինք»,–գրել է Թաթոյանը:

Նա նշել է` Նորաբակ գյուղում բնակիչները տեղեկացրել են, որ նոյեմբերի 28–ին և 29–ին ադրբեջանական զինված ուժերը կրակոցներ են արձակել:

Նշենք, որ Թաթոյանը Գեղարքունիքի մարզ էր մեկնել փաստահավաք աշխատանքներ կատարելու նպատակով։

Հիշեցնենք` հուլիսի 28-ին ադրբեջանական ԶՈւ ստորաբաժանումները հերթական անգամ դիմել էին սադրանքի և խախտել հրադադարը հայ-ադրբեջանական սահմանի հյուսիսարևելյան հատվածում: Հայաստանն ու Ադրբեջանը համաձայնել էին Մոսկվայի միջնորդությամբ դադարեցնել կրակը։

Ադրբեջանական ստորաբաժանումները, տալով կորուստներ, հետ են շպրտվել. ՊՆ

Հայկական կողմն ունի երեք զոհ, հինգ վիրավոր։

Հուլիսի 29-ին` ժամը 03:00-ի սահմանում, հայ-ադրբեջանական սահմանի Գեղարքունիքի հատվածում, Քարվաճառի ուղղությամբ ադրբեջանական ԶՈւ ստորաբաժանումները, խախտելով նախորդ օրը ձեռք բերված` կրակի դադարեցման վերաբերյալ պայմանավորվածությունը, կրկին դիմել էին սադրանքի ու կրակ բացել հայկական դիրքերի ուղղությամբ։

Լրահոս
0