Փաշինյանը գերիների շուտափույթ վերադարձի կարևորությունը ներկայացրել է ԿԽՄԿ նախագահին

© Photo / official site of the Prime minister of RAСовещание по макроэкономическим и налогово-бюджетным программам во главе с и.о. премьер-министра Николом Пашиняном (19 мая 2021). Еревaн
Совещание по макроэкономическим и налогово-бюджетным программам во главе с и.о. премьер-министра Николом Пашиняном (19 мая 2021). Еревaн - Sputnik Արմենիա, 1920, 30.07.2021
Բաժանորդագրվեք
Նիկոլ Փաշինյանը Փիթըր Մաուրերի հետ է խոսել` ներկայացնելով, թե ինչ շինծու քրգործեր են հարուցում Բաքվում պահվող հայ գերիների դեմ։

ԵՐԵՎԱՆ, 30 հուլիսի – Sputnik. ՀՀ վարչապետի պաշտոնակատար Նիկոլ Փաշինյանը Կարմիր խաչի միջազգային կոմիտեի նախագահ Փիթըր Մաուրերին որպես հրատապ խնդիր ներկայացրել է հայ ռազմագերիների, պատանդների և այլ պահվող անձանց շուտափույթ վերադարձի կարևորությունը։ Տեղեկությունը հայտնում է վարչապետի մամուլի ծառայությունը` հավելելով, որ Փաշինյանը հեռախոսազրույց է ունեցել Փիթըր Մաուրերի հետ։

Встреча и.о. министра иностранных дел Армена Григоряна с руководителем делегации МККК в Армении Тьери Рибоном (30 июля 2021). Еревaн - Sputnik Արմենիա, 1920, 30.07.2021
Արմեն Գրիգորյանը Կարմիր խաչի ղեկավարի հետ քննարկել է սահմանային խնդիրն ու գերիների հարցը

«Փաշինյանը զրուցակցի ուշադրությունն է հրավիրել Ադրբեջանի կողմից հայ գերիների նկատմամբ շինծու քրեական գործեր հարուցելով դատական գործընթացներ սկսելու փաստի, գերության մեջ պահվող անձանց ճշգրիտ թիվը թաքցնելու հանգամանքի վրա։ Փաշինյանն անթույլատրելի է համարել Ադրբեջանի գործելակերպը՝ համարելով այն միջազգային հումանիտար իրավունքի ակնհայտ և կոպիտ խախտում»,–նշված է հաղորդագրության մեջ։

Մաուրերը հավաստիացրել է, որ իր ղեկավարած կազմակերպությունը կշարունակի գործադրել բոլոր ջանքերը` հումանիտար բնույթի խնդիրների կարգավորման ուղղությամբ։

Զրուցակիցները կարևորել են երկու կողմերի միջև ինստիտուցիոնալ հիմունքներով համագործակցության ամրապնդումն ու խորացումը։

Հիշեցնենք, որ հուլիսի 3-ին հայրենիք վերադարձան ևս 15 գերի. հայ գերիների վերադարձի դիմաց հայկական կողմն Ադրբեջանին է փոխանցել Վարանդայի (Ֆիզուլի) և Կովսականի (Զանգելանի) ականապատ դաշտերի քարտեզները։

Այսպիսով, Հայաստան վերադարձած գերիների ընդհանուր թիվը 103-ն է։ Ի դեպ, երբ Հայաստան վերադարձած գերիների թիվը 88-ն էր, վարչապետի պաշտոնակատար Նիկոլ Փաշինյանը հայտարարել էր, որ Ադրբեջանում պահվող հայ գերիների ճշտված թիվը 60 է, չճշտվածը՝ 110։

Ոչ պաշտոնական տվյալներով՝ Ադրբեջանում շարունակում են մնալ մոտ 200 հայ գերիներ։

 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала