Եկեղեցին կշարունակի իր աջակցությունը. Կաթողիկոսը շնորհավորել է Փաշինյանին

© Photo / official site of the Prime minister of RAПремьер-министр Никол Пашинян посетил Первопрестольный Святой Эчмиадзин и встретился с участниками Высшего духовного совета (1 ноября 2019). Эчмиадзин
Премьер-министр Никол Пашинян посетил Первопрестольный Святой Эчмиадзин и встретился с участниками Высшего духовного совета (1 ноября 2019). Эчмиадзин - Sputnik Արմենիա, 1920, 02.08.2021
Նրա խոսքով` առկա մարտահրավերների հաղթահարման և հայրենական ապահով կյանքի կերտման աստվածահաճո ուղին ներքաղաքական լարվածության լիցքաթափումն է ազգային անդաստանում համերաշխության ու միաբանության մթնոլորտի հաստատումը:
ԵՐԵՎԱՆ, 2 օգոստոսի – Sputnik. Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսը շնորհավորական ուղերձ է հղել Նիկոլ Փաշինյանին՝ ՀՀ վարչապետ նշանակվելու կապակցությամբ: Տեղեկությունը հայտնում են կառավարության մամուլի ծառայությունից։
«Մեծարգո վարչապետ, խորհրդարանական արտահերթ ընտրությունների արդյունքում Հայաստանի Հանրապետության վարչապետի պատասխանատու պաշտոնում նշանակվելու առիթով հղում ենք Ձեզ արդյունավետ աշխատանքի մեր մաղթանքները»,–գրել է կաթողիկոսը:
Встреча премьер-министра Армении Никола Пашиняна и президента Казахстана Касыма-Жомарта Токаева (29 мая 2019). Нур-Султан - Sputnik Արմենիա, 1920, 02.08.2021
Փաշինյանի գործունեությունը կնպաստի Հայաստանի զարգացմանը. Տոկաևը շնորհավորել է վարչապետին
Գարեգին Բ–ն նշել է, որ Արցախյան 44-օրյա պատերազմի հետևանքով մեր ժողովրդի կյանքում և մեր երկրի շուրջ ստեղծված իրավիճակն այսօր հրամայական է դարձնում ՀՀ սահմանների անվտանգության ապահովումը, Արցախի կարգավիճակի հստակեցումը և մեր հայրենիքում սոցիալ-տնտեսական խնդիրների լուծումը: Նրա խոսքով` առկա մարտահրավերների հաղթահարման և հայրենական ապահով բարօր կյանքի կերտման աստվածահաճո ուղին ներքաղաքական լարվածության լիցքաթափումն է ազգային անդաստանում համերաշխության ու միաբանության մթնոլորտի հաստատումը:
«Հայաստանյայց Առաքելական Սուրբ եկեղեցին՝ հավատարիմ իր կոչմանը, պիտի շարունակի իր աջակցությունը բերել մեր պետականության զորացմանը՝ իր կարողություններն ի սպաս դնելով նաև հայրենիք-սփյուռք կապերի առավել արդյունավորմանը, աշխարհասփյուռ մեր ժողովրդի ազգային ինքնության գիտակցության ամրապնդմանը և հոգևոր կյանքի առաջընթացին»,–ասված է կաթողիկոսի ուղերձում:
ՀՀ նախագահը համաձայնել է. Փաշինյանի առաջարկած թեկնածուները նոր պաշտոններ ստացան
Վերջում Գարեգին Բ–ն մաղթել է, որ երկնավոր Տերն իր օրհնության ներքո խաղաղ ու անվտանգ պահի Հայաստան ու Արցախ մեր հայրենին, բարեշեն կյանք շնորհի մեր ժողովրդին, իսկ վարչապետին`հայրենաշահ ձեռքբերումներ:
Նշենք, որ այսօր ԱԺ 8–րդ գումարման անդրանիկ նիստում իշխող «Քաղաքացիական պայմանագիր» կուսակցությունը վարչապետի պաշտոնում առաջադրեց Նիկոլ Փաշինյանի թեկնածությունը։ Ապա նախագահ Արմեն Սարգսյանը ստորագրեց Փաշինյանին կրկին ՀՀ վարչապետի պաշտոնում նշանակելու հրամանագիրը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала