https://arm.sputniknews.ru/20210803/rusastanic-amn-ic-trasfertneri-nerhosqy-gerazancele-spasumnery-28538200.html
Ռուսաստանից ու ԱՄՆ-ից տրանսֆերտների ներհոսքը գերազանցել է սպասումները. ԿԲ
Ռուսաստանից ու ԱՄՆ-ից տրանսֆերտների ներհոսքը գերազանցել է սպասումները. ԿԲ
Sputnik Արմենիա
ԿԲ-ի կանխատեսումները փոխվել են. սպասվում է, որ ԱՄՆ-ից դրամական փոխանցումները կսկսեն կրճատվել միայն 2022 թվականի սկզբին: 03.08.2021, Sputnik Արմենիա
2021-08-03T18:06+0400
2021-08-03T18:06+0400
2021-08-03T18:15+0400
տնտեսություն
հայաստան
ամն
կենտրոնական բանկ (կբ)
https://cdn.am.sputniknews.ru/img/07e4/09/0a/24411370_0:0:1600:900_1920x0_80_0_0_7e960370f197e030fad995c4b150740f.jpg
ԵՐԵՎԱՆ, 3 օգոստոսի - Sputnik. Ռուսաստանից ու ԱՄՆ-ից տրանսֆերտների ներհոսքը գերազանցել է կանխատեսվող ցուցանիշները։ Տեղեկությունը ՀՀ Կենտրոնական բանկում մամուլի ասուլիսի ժամանակ հայտնեց ԿԲ դրամավարկային քաղաքականության վարչության պետ Հայկ Ավետիսյանը։Փաստացի ներհոսքը և՛ Ռուսաստանից, և՛ ԱՄՆ-ից ավելի շատ էր, քան ակնկալում էր ԿԲ-ն։ ԱՄՆ-ից ստացվող մուտքերի կրճատում սպասվում է միայն 2022 թվականի սկզբից, երբ կավարտվեն տնային տնտեսությունների դրամական աջակցության ծրագրերը (COVID relief):ԿԲ նախագահ Մարտին Գալստյանն իր հերթին նշեց, որ դեռևս հայտնի չէ, թե երբ է ԱՄՆ-ն ուզում «փակել» իր ընդլայնողական դրամավարկային քաղաքականությունը, սակայն ակնհայտ է, որ այդ մասին խոսակցություններն ավելի հաճախակի են դառնում, առավել ևս, որ ԱՄՆ-ում գնաճը գերազանցում է 5 տոկոսը. նման բան վաղուց չի եղել:Նշենք, որ տարեսկզբից տրանսֆերտների ներհոսք է արձանագրվում ոչ միայն Ռուսաստանից (հիմնական աղբյուրը) ու ԱՄՆ-ից, այլև Ղազախստանից ու Ֆրանսիայից (մյուս երկու համեմատաբար խոշոր աղբյուրները)։Նշենք, որ Կենտրոնական բանկի վիճակագրության համաձայն՝ Հայաստանի արտաքին վճարային հաշվեկշիռը 2021-ի առաջին եռամսյակում (վերջին հասանելի տվյալները) կազմել է մինուս 82 մլն դոլար՝ 2020-ի առաջին եռամսյակի մինուս 233 մլն դոլարի համեմատ: Դրան նպաստել է նաև տրանսֆերտների ներհոսքը: Մասնավորապես, առաջին եռամսյակի ներհոսքը նույնիսկ ավելի բարձր է եղել, քան 2020 թվականի առաջին եռամսյակում (303 մլն դոլար՝ 235 մլն դոլարի համեմատ):Գնաճը Հայաստանում դուրս է եկել վերահսկողությունից. տնտեսագետ
https://arm.sputniknews.ru/20210803/mterq-gner-KB-bardzr-28537160.html
ամն
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տնտեսություն, հայաստան, ամն, կենտրոնական բանկ (կբ)
տնտեսություն, հայաստան, ամն, կենտրոնական բանկ (կբ)
Ռուսաստանից ու ԱՄՆ-ից տրանսֆերտների ներհոսքը գերազանցել է սպասումները. ԿԲ
18:06 03.08.2021 (Թարմացված է: 18:15 03.08.2021) ԿԲ-ի կանխատեսումները փոխվել են. սպասվում է, որ ԱՄՆ-ից դրամական փոխանցումները կսկսեն կրճատվել միայն 2022 թվականի սկզբին:
ԵՐԵՎԱՆ, 3 օգոստոսի - Sputnik. Ռուսաստանից ու ԱՄՆ-ից տրանսֆերտների ներհոսքը գերազանցել է կանխատեսվող ցուցանիշները։ Տեղեկությունը ՀՀ Կենտրոնական բանկում մամուլի ասուլիսի ժամանակ հայտնեց ԿԲ դրամավարկային քաղաքականության վարչության պետ Հայկ Ավետիսյանը։
Փաստացի ներհոսքը և՛ Ռուսաստանից, և՛ ԱՄՆ-ից ավելի շատ էր, քան ակնկալում էր ԿԲ-ն։ ԱՄՆ-ից ստացվող մուտքերի կրճատում սպասվում է միայն 2022 թվականի սկզբից, երբ կավարտվեն տնային տնտեսությունների դրամական աջակցության ծրագրերը (COVID relief):
ԿԲ նախագահ Մարտին Գալստյանն իր հերթին նշեց, որ դեռևս հայտնի չէ, թե երբ է ԱՄՆ-ն ուզում «փակել» իր ընդլայնողական դրամավարկային քաղաքականությունը, սակայն ակնհայտ է, որ այդ մասին խոսակցություններն ավելի հաճախակի են դառնում, առավել ևս, որ ԱՄՆ-ում գնաճը գերազանցում է 5 տոկոսը. նման բան վաղուց չի եղել:
Նշենք, որ տարեսկզբից տրանսֆերտների ներհոսք է արձանագրվում ոչ միայն Ռուսաստանից (հիմնական աղբյուրը) ու ԱՄՆ-ից, այլև Ղազախստանից ու Ֆրանսիայից (մյուս երկու համեմատաբար խոշոր աղբյուրները)։
Նշենք, որ Կենտրոնական բանկի վիճակագրության համաձայն՝ Հայաստանի արտաքին վճարային հաշվեկշիռը 2021-ի առաջին եռամսյակում (վերջին հասանելի տվյալները) կազմել է մինուս 82 մլն դոլար՝ 2020-ի առաջին եռամսյակի մինուս 233 մլն դոլարի համեմատ: Դրան նպաստել է նաև տրանսֆերտների ներհոսքը: Մասնավորապես, առաջին եռամսյակի ներհոսքը նույնիսկ ավելի բարձր է եղել, քան 2020 թվականի առաջին եռամսյակում (303 մլն դոլար՝ 235 մլն դոլարի համեմատ):
