Ապրիլյան պատերազմի ժամանակ ի՞նչ է արել Փաշինյանի ստորաբաժանումը. մանրամասնում է Օհանյանը

© Sputnik / Aram NersesyanСейран Оганян на заседании Парламента (4 августа 2021). Еревaн
Сейран Оганян на заседании Парламента (4 августа 2021). Еревaн - Sputnik Արմենիա, 1920, 04.08.2021
Սեյրան Օհանյանը հայտարարեց, որ Նիկոլ Փաշինյանի ստորաբաժանման արածը մարտական գործողությունների մասնակցություն չի համարվում։
ԵՐԵՎԱՆ, 4 օգոստոսի – Sputnik. ՀՀ վարչապետ Նիկոլ Փաշինյանի գլխավորած ստորաբաժանումն Ապրիլյան պատերազմի ժամանակ կոնկրետ մարտական գործողությունների չի մասնակցել։ Ազգային ժողովի 8-րդ նստաշրջանի այսօրվա նիստի ժամանակ այս մասին հայտարարեց «Հայաստան» խմբակցության ղեկավար, ՀՀ պաշտպանության նախկին նախարար Սեյրան Օհանյանը` պատասխանելով «Հայաստան» դաշինքի պատգամավոր Արեգնազ Մանուկյանի հարցին, թե ի վերջո Փաշինյանը մասնակցե՞լ է Ապրիլյան պատերազմին։
«Փաշինյանի գլխավորած ստորաբաժանումը մասնակցել է ինժեներական աշխատանքների։ Դա չի համարվում մարտական գործողությունների մասնակից։ Այսինքն` ինչպես շատ-շատ մեր հայրենակիցներ` համակողմանի ապահովման խնդիրներով իրենց պատրաստակամությունն են հայտնել»,–ասաց Օհանյանը։
Նրա խոսքով`նույնիսկ շատ զինվորականների զինգրքույկներում, որոնք մարտական կետերում չեն եղել, չի նշվել, որ մարտական գործողությունների են մասնակցել։
Второй Президент Армении Роберт Кочарян в Карабахе (2002 год) - Sputnik Արմենիա, 1920, 13.06.2021
Քոչարյանը ավտոմատը ձեռքին մասնակցել է Շուշիի ազատագրմանը․ Սեյրան Օհանյան
Օհանյանը հավելեց, որ Փաշինյանի գլխավորած ստորաբաժանումն իր կատարած աշխատանքների համար բանակի հրամանատարության կողմից գնահատվել է` պատվոգիր են ստացել։
«Ես այդ պատվոգիրը ստորագրել եմ, հիմա հո հետ չե՞մ վերցնելու»,–ասաց Օհանյանը։
Իսկ թե ինչու են գլուխ գովում իշխանության ներկայացուցիչներն ու ասում` մասնակցել են պատերազմին, Օհանյանը նշեց` քաղաքական թիմի մեծամասնության մոտ PR–ի աստիճանը բարձր է։
Ի պատասխան Արեգնազ Մանուկյանը նշեց, որ եթե այդպես է, ապա ինչո՞ւ էին «Նիկոլենք պնդում, թե մասնակցել են ապրիլյանին»։
Դրանից հետո ԱԺ դահլիճում մի փոքր իրարանցում եղավ, քանի որ իշխանական պատգամավորներին դուր չէր եկել Մանուկյանի արտահայտվելու ձևը վարչապետի մասին։ ԱԺ նախագահ Ալեն Սիմոնյանը նշեց, որ հաջորդ անգամ կարգապահական տույժ կկիրառի, եթե վարչապետի մասին այդպես խոսեն։
Ինչպե՞ս է ՔՊ–ն մայիսին մասնակցել Ապրիլյան պատերազմին. Հակոբ Արշակյանի մեկնաբանությունը
Հիշեցնենք, որ երեկ «Հայաստան» դաշինքի պատգամավորի Արթուր Խաչատրյանը նշեց, որ ՔՊ–ական Հակոբ Արշակյանի կենսագրության մեջ նշվում է` 2016-ին ապրիլյան պատերազմում ծառայել է առաջնագծում։
Կայքերից մեկի հարցմանը ՊՆ–ն պատասխանել է, որ ՔՊ–ի կամավորական ջոկատը 2016-ի մայիսի 14-ից գործուղվել է պաշտպանության բանակ` Մարտակերտի շրջանի Ճանկաթաղ բնակավայր։
Ի պատասխան Արշակյանը նշել էր, որ Սեյրան Օհանյանն էլ, որն ապրիլյանի ժամանակ պաշտպանության նախարար էր, ԱԺ–ում ներկա է և կարող են նրանից ճշտումներ անել։
Ապրիլյանի հանձնաժողովը չի ցանկացել կրկին անհարմար վիճակի մեջ ընկնել. Կարեն Հովհաննիսյան 
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала