ԱԺ-ն արգելել է Panorama.am-ի լուսանկարչի մուտքը խորհրդարան

© Photo : Facebook / Лилиан ГалстянФотограф Лилиан Галстян
Фотограф Лилиан Галстян - Sputnik Արմենիա, 1920, 05.08.2021
Բաժանորդագրվեք
Panorama.am-ի լուսանկարիչը Sputnik Արմենիային հայտնեց, որ ոչ մի խնդրահարույց լուսանկար չի արել, պահպանել է էթիկայի բոլոր կանոնները։
ԵՐԵՎԱՆ, 5 օգոստոսի – Sputnik. Panorama.am-ի լուսանկարիչ Լիլիան Գալստյանին արգելել են մուտք գործել ԱԺ։ Նման որոշում է կայացրել ԱԺ աշխատակազմի ղեկավարի տեղակալ Աննա Գրիգորյանն ու իրազեկող նամակ ուղարկել խմբագրության էլեկտրոնային փոստին։ Տեղեկությունը հայտնում է Panorama.am-ը:
Шушан Дойдоян - Sputnik Արմենիա, 1920, 03.08.2021
ՌԱԴԻՈ
Իշխանականներ vs լրագրողներ, կամ Հայաստանի պատմության մեջ աննախադեպ բան է կատարվում
Կայքը նշում է, որ Լիլիան Գալստյանի՝ Panorama.am-ում հրապարակած լուսանկարների շարքը անվտանգության միջոցառումների վերաբերյալ մեծ տարածում է գտել սոցցանցում, դրան հետևել են իշխանություններին ուղղված բազմաթիվ քննադատություններ։
ԱԺ-ից տեղեկացնում են, որ լուսանկարիչն իր մասնագիտական գործունեությունն իրականացնելիս «խախտել է ԱԺ տարածքում և շենքում գործող կանոնները հաստատելու մասին ԱԺ նախագահի որոշման հավելված 1-ի 2.8 կետը, ըստ որի արգելվում է պահպանվող օբյեկտի տարածքում, այդ թվում հսկիչ անցագրային կետերում պահպանության ծառայության աշխատակիցներին իրենց մասնագիտական գործունությունն իրականացնելիս ձայնագրելը, տեսանկարահանելը, լուսանկարելը»։
Panorama.am-ի լուսանկարիչը Sputnik Արմենիային հայտնեց, որ ոչ մի խնդրահարույց լուսանկար չի արել։ Ավելին` պահպանել է էթիկայի բոլոր կանոնները։
«Ես նմա՞ն եմ մարդու, որ վախենում է լրագրողներից». Ալեն Սիմոնյան
Նշենք, որ լուսանկարներից մի քանիսն արված են ԱԺ միջանցքներում ու նիստերի դահլիճում, որտեղ, ըստ Գալստյանի, լուսանկարելու արգելք չի եղել, բայց ինքը պատգամավորներին մի քանի անգամ զգուշացրել է, որ նկարում է ու լուսանկարներում նրանց դեմքերը չեն երևա։
Panorama.am-ը լուսանկարչի մուտքը խորհրդարան արգելելու փաստի վրա հրավիրում է այն լրագրողական կազմակերպությունների ուշադրությունը, որոնք իրապես մտահոգված են Հայաստանում խոսքի ազատությամբ, լրագրողների մասնագիտական գործունեության, տեղաշարժի սահմանափակումներով։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала