Իշխան Սաղաթելյանն Ազգային ժողովի փոխխոսնակ չընտրվեց. նոր ընտրություն կանցկացվի

© Sputnik / Aram NersesyanԻշխան Սաղաթելյան
Իշխան Սաղաթելյան - Sputnik Արմենիա, 1920, 05.08.2021
Իշխան Սաղաթելյանն Ազգային ժողովի նիստում հայտարարել էր` եթե չընտրվի, ոչ միայն չի տխրի, այլ նաև կուրախանա։
ԵՐԵՎԱՆ, 5 օգոստոսի – Sputnik. Իշխան Սաղաթելյանը չընտրվեց Ազգային ժողովի փոխխոսնակի պաշտոնում։ Սաղաթելյանի թեկնածությունն առաջադրել էր ընդդիմադիր «Հայաստան» դաշինքը։
Ишхан Сагателян во время первого заседания парламента Армении 8-го созыва (2 августа 2021). Еревaн - Sputnik Արմենիա, 1920, 05.08.2021
Ի՞նչ կլինի, եթե 30 պատգամավոր չմիանա ընդդիմությանն ու Իշխան Սաղաթելյանը չընտրվի
Հաշվիչ հանձնախմբի նախագահ Նարեկ Բաբայանը հայտնեց, որ Սաղաթելյանը չի ընտրվել։
«104 պատգամավոր է մասնակցել քվեարկությանը և ձայները բաշխվել են հետևյալ կերպ` 1 անվավեր, 53 կողմ, 50 դեմ»,–ասաց նա։
Ընտրությունը կայանալու համար անհրաժեշտ էր 54 ձայն։
ԱԺ նախագահ Ալեն Սիմոնյանը հայտնեց, որ ԱԺ կանոնակարգ օրենքի համաձայն` եթե ԱԺ տեղակալը չի ընտրվում, ապա անցկացվում է նոր ընտրություն։
Նշենք, որ իշխող ուժի առաջադրած երկու փոխխոսնակները` Ռուբեն Ռուբինյանը և Հակոբ Արշակյանը, արդեն իսկ ընտրվել են այդ պաշտոններում։ Ընդդիմությունը, սակայն, չէր մասնակցել քվեարկություններին։
Ի դեպ, մամուլում լուրեր էին շրջանառվում, որ Սաղաթելյանի թեկնածությունն իշխանության «սրտով չէ»։ Օգոստոսի 4–ին ԱԺ նիստի ժամանակ Սաղաթելյանը հայտարարել էր` եթե չընտրվի, ապա ոչ միայն չի տխրի, այլ նաև կուրախանա։
Սակայն իշխող ուժի որոշ պատգամավորներ, ինչպես և խոստացվել էր, մասնակցել են քվեարկությանը։
Նշենք, որ ՔՊ խմբակցության քարտուղար Նազելի Բաղդասարյանն այսօր` օգոստոսի 5–ին, ԱԺ նիստի ժամանակ հայտարարել էր, որ չուզենալով խոչընդոտել ԱԺ մարմինների ձևավորման բնականոն ընթացքը` ՔՊ-ն կապահովի անհրաժեշտ նվազագույն ձայների քանակը, որ Իշխան Սաղաթելյանն ընտրվի։
«Սևանի ափին հյուրանոց ունեմ». Իշխան Սաղաթելյանը խոսեց իր բիզնեսի և ծառայած չլինելու մասին
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала