«Լևոն Տեր-Պետրոսյանին չեմ պատասխանի»․ ԲՏԱ նախարարը խոսել է իր նշանակման մասին

© Sputnik / Aram NersesyanМинистр высокотехнологичной промышленности Ваагн Хачатрян на заседании правительства (6 августа 2021). Еревaн
Министр высокотехнологичной промышленности Ваагн Хачатрян на заседании правительства (6 августа 2021). Еревaн - Sputnik Արմենիա, 1920, 06.08.2021
Նորանշանակ նախարարը հիշել է խորհրդային տարիների իր կենսագրությունը, երբ աշխատում էր առաջատար արտադրական միավորումներում։
ԵՐԵՎԱՆ, 6 օգոստոսի - Sputnik․ Բարձր տեխնոլոգիական արդյունաբերության նորանշանակ նախարար Վահագն Խաչատուրյանը լրագրողների հետ զրույցում հրաժարվել է մեկնաբանել ՀԱԿ առաջնորդ Լևոն Տեր-Պետրոսյանի «առնետավազք» բնորոշումը։
«Որովհետև Լևոն Տեր-Պետրոսյանն է»,- շեշտել է նախարարը՝ նշելով չմեկնաբանելու պատճառը։
ՀՀ առաջին նախագահը դեռ նախընտրական շրջանում, անդրադառնալով ՀԱԿ-ի շարքերից դեպի ներկա իշխանություն քաղաքական դեմքերի անցումը, անվանել էր «առնետավազք»։
ԲՏԱ նախարարն այսօր անդրադարձել է հնչող քննադատություններին, թե ինչ տրամաբանությամբ է այդ պաշտոնում ինքը նշանակվել։ Հայտնի է, որ լավ տնտեսագետ է, բայց ի՞նչ կապ ունի բարձր տեխնոլոգիաների հետ։
«Մոտեցումների հարց է»,- նշել է նախարարը։
Հանդիպել են ՀՀ պաշտպանության նախարարն ու Արցախի նախագահը
Նրա խոսքով՝ կառավարությունը երկու ձևով է կազմվում։ Մի դեպքում գործադիրի կազմում ընդգրկվում են քաղաքական դեմքեր, որոնք իրականացնում են քաղաքականություն, կառավարում։ Մյուս դեպքում նշանակումներն արվում են զուտ մասնագիտական հատկանիշներից ելնելով։
Премьер-министр Никол Пашинян во время очередного заседания правительства Армении (26 ноября 2020). Еревaн - Sputnik Արմենիա, 1920, 06.08.2021
Նիկոլ Փաշինյանը հայտարարեց` որն է լինելու նորընտիր կառավարության առաջին անելիքը
«Չեմ կարծում, որ իմ նշանակումը խիստ տարանջատվում է այս սկզբունքներից: Եթե իմ կենսագրությունը ավելի մանրամասն կարդան, կարծում եմ՝ կմեղմացնեն իրենց գնահատականները։ Ես 1982 թվականին` բանակից վերադառնալուց հետո, աշխատել եմ «Հրազդան ՄԱՇ» արտադրական միավորում, հետո «ՄԱՐՍ» արտադրական միավորումում։ Այսինքն՝ դրանից հետո է երևի իմ կենսագրությունն ավելի հայտնի»,- նշել է նախարարը։
Նրա խոսքով՝ իր նշած ձեռնարկությունները խորհրդային տարիներին առաջատար էին ու զբաղվում էին բարձր տեխնոլոգիաների արդյունաբերությամբ։
Խաչատուրյանը հավելել է, որ իր անձնական մոտեցմամբ՝ նախարարը պետք է լինի լավ կառավարիչ։
Հիշեցնենք` ՀՀ նախագահ Արմեն Սարգսյանը նրան բարձր տեխնոլոգիական արդյունաբերության նախարար նշանակեց օգոստոսի 4-ին։
Իշխան Սաղաթելյանն ԱԺ փոխխոսնակ ընտրվեց երրորդ փորձից
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала