Վեթինգը սկսված է. Անդրեասյանն ասաց` ինչպես են հեռացվելու կաշառակեր դատավորները

© Sputnik / Aram NersesyanМинистр юстиции Карен Андреасян на заседании правительства (6 августа 2021). Еревaн
Министр юстиции Карен Андреасян на заседании правительства (6 августа 2021). Еревaн - Sputnik Արմենիա, 1920, 06.08.2021
Արդարադատության նորանշանակ նախարարը պնդում է, որ Փաշինյանի բոլոր խոստումներն իրականացման ճանապարհին են։
ԵՐԵՎԱՆ, 6 օգոստոսի – Sputnik. Կոռումպացված դատավորները համակարգից զտվելու, հեռացվելու են։ Արդարադատության նորանշանակ նախարար Կարեն Անդրեասյանը խոստանում է, որ այս գործընթացն իրականացնելու համար ինտենսիվ քննարկումներ և հանդիպումներ են լինելու տարբեր հասարակական կառույցների, նաև պետական մարմինների հետ, այդ թվում՝ ԱԱԾ, Քննչական կոմիտե և այլն։
Председатель Высшего судебного совета Рубен Вардазарян отвечает на вопрос депутата во время очередного заседания Парламента (3 марта 2021). Еревaн - Sputnik Արմենիա, 1920, 01.04.2021
ԲԴԽ նախագահը` վեթինգի, վնգստացող դատավորների և դրածո լինելու մասին. բացառիկ հարցազրույց
«Կոռումպացված, կաշառակեր, անարդար դատավորները և համակարգի այլ մարդիկ պետք է դուրս մղվեն, զտվեն համակարգից, սա միանշանակ է ինձ և կառավարության համար»,- նշել է նախարարը։
Անդրադառնալով վարչապետ Նիկոլ Փաշինյանի խոստացած դատավորների վեթինգին՝ նախարարը նշեց, որ  բոլոր խոստումներն իրականացման ճանապարհին են։
«Վեթինգն արդեն իսկ սկսված է, դուք կարող եք տեսնել, որ արդեն իսկ կան համակարգից դուրս մղված դատավորներ»,- նշեց նախարարը։
Պնդում է՝ այն, ինչ խոստացվել է կա՛մ արված է, կա՛մ արվում է։
Հիշեցնենք, որ Երևանի ընդհանուր իրավասությունների Ավան և Նոր Նորք վարչական շրջանների դատարանը՝ դատավոր Դավիթ Գրիգորյանի նախագահությամբ, 2019թ.–ի մարտի 18-ին որոշեց ՀՀ 2–րդ նախագահ Ռոբերտ Քոչարյանին անձնական երաշխավորությամբ ազատ արձակել։
Նոր բացահայտումներ կլինեն, քրգործով անցնում է Դատական դեպարտամենտի ղեկավարը. «Ժողովուրդ»
Դրանից հետո մայիսի 19–ին Նիկոլ Փաշինյանը ժողովրդին կոչ արեց մայիսի 20–ի առավոտյան փակել հանրապետության բոլոր դատարանների մուտքերը։ Ապա հանդես եկավ հայտարարությամբ, որտեղ նշեց, որ Հայաստանում հեղափոխությունը պետք է իր ավարտին մոտեցնել և բարեփոխել դատական համակարգը` վեթինգ իրականացնելով։
Բայց դատավորների վեթինգն այդպես էլ մինչև հիմա չի իրականացվել։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала