Գյումրու «Զիլ ուստաները», կամ հին ու նոր շինարարների տարբերությունն ըստ Սուրեն Խաչատրյանի
© Sputnik / Armenuhi MkhoyanСтроитель-каменщик с 60-летним стажем Сурен Хачатрян из Гюмри
© Sputnik / Armenuhi Mkhoyan
Բաժանորդագրվել
Գյումրիում դեռ կան ընտանիքներ, որոնք արհեստը սերնդեսերունդ են փոխանցում՝ հորից որդի:Վարպետ Սուրիկն իր հորից է ժառանգել քարտաշ-շինարարի «ոսկե բիլազուկը», հայրն էլ՝ պապից:
Հպարտությամբ թերթելով ընտանեկան ալբոմը՝ գյումրեցի վարպետ Սուրեն Խաչատրյանը մեկառմեկ ցույց է տալիս այն բոլոր շենք-շինությունները, որոնք կառուցվել են իր ու իր հարազատների կողմից: Մատների վրա հաշվում է՝ նախ երրորդ, հետո ապա չորրորդ սերնդին է հիշում. 8, թե՞ 10 շինարար են ունեցել Խաչատրյան-Չախալյանները՝ հաշիվը հա ավելանում է: Ինքն էլ վարպետ-շինարար է:
Մասնագիտությունը պապից անցել է իր հորը՝ քարտաշ որմնադիր Իշխանին, ում գյումրեցիները «Զիլ-ուստա» են կոչել, ապա` հորեղբայրներին, նրանցից էլ` իրեն ու եղբայրներին, հետո էլ` որդուն: Շինարարության հանդեպ հետարքրքություն ունի նաև թոռը, թեև այլ՝ տնտեսագետի մասնագիտություն է ընտրել:
© Photo : provided by Suren KhachatryanСурен Хачатрян с коллегами на архивной фотографии
Сурен Хачатрян с коллегами на архивной фотографии
© Photo : provided by Suren Khachatryan
Արդեն 60 տարի է, ինչ 76-ամյա Սուրեն Խաչատրյանը շենքեր է կառուցում: 16 տարեկանից հայրիկին է օգնել, հետո էլ հմտացել ու եղբայրների հետ է շարունակել կառուցել:
© Photo : provided by Suren KhachatryanСтроитель-каменщик Сурен Хачатрян на архивной фотографии
Строитель-каменщик Сурен Хачатрян на архивной фотографии
© Photo : provided by Suren Khachatryan
Մտածել այլ մասնագիտության կամ բարձրագույն կրթություն ստանալու մասին՝ նույնիսկ ժամանակ չի եղել: «Չորս եղբայր էինք, մեկը շատ փոքր հասակում մահացավ, մյուս երեքս շինարարներ ենք: Որդիս էլ է շինարար, հիմա արդեն ընդունվել է պետական աշխատանքի, երբեմն-երբեմն նաև թոռս է մեզ միանում»,-ասում է վարպետը:
© Photo : provided by Suren KhachatryanСурен Хачатрян с внуком на строителкьстве в Гюмри
Сурен Хачатрян с внуком на строителкьстве в Гюмри
© Photo : provided by Suren Khachatryan
Առաջին մեծ կառույցը, որի շինարարությանը մասնակցել է, իրենց թաղամասի դպրոցն է եղել, հետո արդեն եղբայրների հետ մասնակցել է Գյումրու օդանավակայանի, «Հոկտեմբեր» կինոթատրոնի, «Ասլամազյան քույրերի պատկերասրահ»-ի, դրամատիկ թատրոնի, քաղաքապետարանի, Տեքստիլագործների ակումբի, «Ոսկե բլուր» համալիրի շինարարություններին:
© Photo : provided by Suren KhachatryanСтроитель-каменщик Сурен Хачатрян на архивной фотографии
Строитель-каменщик Сурен Хачатрян на архивной фотографии
© Photo : provided by Suren Khachatryan
«Ուղարկեցին նաև Խարկով՝ կրկեսի շենքի կառուցմանը մասնակցելու: Երեք եղբայրով գնացինք: «ԼԵՆՇԻՆ» տրեստում էինք աշխատում. լավագույն արդյունք ունենալու համար Խորհրդային Միության շինարարական դրոշը մեզ էին տվել»,- Sputnik Արմենիային պատմում է վարպետ Սուրիկը՝ հպարտությամբ ցույց տալով իր ու Վաչիկ և Թորոս եղբայրների լուսանկարը` Խարկովի կրկեսի շինարարությունից հետո:
© Photo : provided by Suren KhachatryanСурен Хачатрян с братьями на архивной фотографии
Сурен Хачатрян с братьями на архивной фотографии
© Photo : provided by Suren Khachatryan
Ծիծաղով ասում է, թե շինարարն էն տարիներին էր, հիմա ինչ, աշխարհը զարգացել է։ «Գործիքները հեշտացրել են շինարարի աշխատանքը, բայց հլը նոր շինարարների ձեռքից գործիքները առ՝ վզերը ծուռ կմնան»:
Ինչպես երեխաներին չի կարող առանձնացնել, այդպես էլ կառուցված շինությունները. ասում է`բոլորն են սիրելի: Ցավով է նշում, որ հիմա ով գործ չի գտնում, շինարար է դառնում, բայց այս մասնագիտությունը այդպես հեշտ չի տրվում։ «Լավ շինարարը աշխատասեր ու ազնիվ պետք է լինի՝ մարդկանց չխաբի»,- ասում է վաստակաշատ շինարարը ու ցույց տալիս պատվոգրերը և ունեցած վաստակի համար 2001 թվականին ՀՀ նախագահ Ռոբերտ Քոչարյանի կողմից ստացած «Անանիա Շիրակացի» մեդալը:
© Sputnik / Armenuhi MkhoyanПочетные грамоты Сурена Хачатряна
Почетные грамоты Сурена Хачатряна
© Sputnik / Armenuhi Mkhoyan
Վաստակաշատ շինարարի պատգամը սերունդներին մեկն է՝ կառուցեն ու շենացնեն հայրենի երկիրը՝ պահելով ու պահպանելով ունեցածը: Չնայած տարիքին` վարպետ Սուրիկը այսօր էլ է շարունակում իր սիրած գործով զբաղվել՝ քարը քարին դնելով ծննդավայր Գյումրին շենացնել: