Ապագայում կորոնավիրուսն ընդամենը մրսածության տեսակ կդառնա. պրոֆեսոր

© Sputnik / Павел Львов / Անցնել ֆոտոբանկАппарат искусственной вентиляции легких в палате интенсивной терапии
Аппарат искусственной вентиляции легких в палате интенсивной терапии - Sputnik Արմենիա, 1920, 10.08.2021
Պրոֆեսոր Փոլ Հանթերի կարծիքով` «Դելտա» մանրէահիմքը կորոնավիրուսի վերջնակետն է, ինչը թույլ է տալիս հուսալ, որ համավարակի վատագույն շրջանն անցյալում է։
ԵՐԵՎԱՆ, 10 օգոստոսի – Sputnik. Ապագայում Covid-19–ը մրսածության ևս մեկ տեսակ կլինի, կարծում է Արևելյան Անգլիայի համալսարանի Նորիջի բժշկական դպրոցի պրոֆեսոր Փոլ Հանթերը։ Գիտնականի հետ զրույցը հրապարակվել է The Spectator–ում։
Միևնույն ժամանակ բրիտանացի պրոֆեսորը նշում է, որ SARS-CoV-2–ը չի վերանա և ամենայն հավանականությամբ դեռ բազմաթիվ անգամ կվարակի մարդկությանը։
Зимняя погода в Санкт-Петербурге - Sputnik Արմենիա, 1920, 31.05.2021
Գիտնականներն ասել են, թե որ հյութն է 97%–ով ճնշում կորոնավիրուսը
Հանթերը կարծում է, որ աշխարհին չի հաջողվի կորոնավիրուսի դեմ կոլեկտիվ իմունիտետ ձեռք բերել, սակայն հավասարակշռություն կգտնվի անվարակունակության և վարակների միջև։ Ուսումնասիրության արդյունքների համաձայն` Covid-19–ի ախտանշանները աստիճանաբար կմոտենան կորոնավիրուսի թեթև ընթացք ունեցող հիվանդների ախտանշաններին։ Արդեն այսօր «Դելտա» մանրէահիմքն առավել հաճախ արտահայտվում է կոկորդի ցավով և հարբուխով։
«Նոր մանրէահիմքերը կա՛մ ավելի վարակիչ են, կա՛մ շրջանցում են ձևավորված իմունիտետը։ Սակայն ողջամիտ հիմքեր կան կարծելու, որ «Դելտա» մանրէահիմքը կարող է վարակի վերջնակետը դառնալ», – կարծում է Հանթերը։
Գիտնականն ասել է, թե որքան ժամանակ կպահանջվի COVID-ի առաջացման բնույթը պարզելու համար
Այնպես որ, ըստ պրոֆեսորի, համավարակի վատագույն շրջանն անցյալում է` համենայնդեպս Մեծ Բրիտանիայում։ Սակայն բնակչությունն ամեն դեպքում նորից պատվաստվելու կարիք կունենա։
Ավելի վաղ Գամալեայի անվան համաճարակաբանության և միկրոկենսաբանության ազգային հետազոտական կենտրոնի տնօրեն Ալեքսանդր Գինցբուրգը հայտարարել էր, որ ապագայում կորոնավիրուսը նույնքան կառավարվող հիվանդություն կդառնա, ինչպես գրիպը, քանի որ դրա դեմ պայքարելու համար արդեն իսկ պատվաստանյութ են մշակել։ Նա ընդգծել էր, որ Ռուսաստանում պայքարի ադեկվատ միջոցներ կհայտնվեն, որոնք վերահսկելի կդարձնեն վարակը։
COVID-ը բացասաբար է ազդում ինտելեկտի վրա․ հետազոտություն
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала