https://arm.sputniknews.ru/20210810/gyumru-naxkin-qaxaqapet-qaxaqapet-vardan-xukasyanin-mexadranq-e-arajadrvel-28620997.html
Գյումրու նախկին քաղաքապետ Վարդան Ղուկասյանին մեղադրանք է առաջադրվել
Գյումրու նախկին քաղաքապետ Վարդան Ղուկասյանին մեղադրանք է առաջադրվել
Sputnik Արմենիա
Ըստ դատախազության` Ղուկասյանը որոշ դեպքերում անձամբ է մասնակցել հողամասերի օտարման աճուրդներին և ճանաչվել հաղթող, օտարել նույնիսկ պատմամշակութային արժեք... 10.08.2021, Sputnik Արմենիա
2021-08-10T15:52+0400
2021-08-10T15:52+0400
2021-08-10T16:06+0400
հայաստան
գյումրի
վարդան ղուկասյան
https://cdn.am.sputniknews.ru/img/1760/35/17603503_0:0:1601:901_1920x0_80_0_0_79df242a97792a0fdf91b05e3fd8d9a0.jpg
ԵՐԵՎԱՆ, 10 օգոստոսի - Sputnik. Գյումրու նախկին քաղաքապետ Վարդան Ղուկասյանին մեղադրանք է առաջադրվել։ Տեղեկությունը հայտնում է ՀՀ գլխավոր դատախազության մամուլի ծառայությունը։Ըստ հաղորդագրության՝ նա պաշտոնավարման ժամանակահատվածում Գյումրու համայնքապետարանի մի քանի պաշտոնատար անձանց օժանդակությամբ կեղծել է պաշտոնեական փաստաթղթեր հանդիսացող համայնքապետարանի տեղեկանքներ, աճուրդային հանձնաժողովի արձանագրություններ, սակարկությունների մասին օրենսդրության պահանջների խախտմամբ երբեմն անձամբ մասնակցել է հողամասերի օտարման աճուրդներին և ճանաչվել հաղթող։Խոսքը մասնավորապես վերաբերում է Գյումրու քաղաքային զբոսայգու առանձին տարածքներին, Գյումրի քաղաքի Ֆուրմանով, Ռուսթավելու, Սայաթ-Նովա, Գարեգին Նժդեհ փողոցների, Մարմաշենի խճուղու հարևանությամբ գտնվող հողամասերին, Մարմաշենի խճ. 13 հասցեում գտնվող հողամասին, Տիգրան Մեծ 31 հասցեի, Տ. Ճարտարապետ փող. մի քանի հողամասերին, նախկին զինվորական սովխոզի տարածքի մի քանի հողամասերին, Մուշ 2 թաղ. 11/11 հողամասին, «Գյումրու Տեքստիլ» ԲԲԸ-ին պատկանող հողամասի մի հատվածին, Գյումրու Աբովյան 262 հասցեում գտնվող պատմամշակութային արժեք ունեցող շինությանը։«Արդյունքում համայնքապատկան կամ պետական սեփականության գույքն օտարվել է առանձին դեպքերում անձամբ իրեն, ինչպես նաև այլ անձանց, սուբյեկտների, և ՀՀ Անշարժ գույքի կադաստրի կոմիտեի տարածքային ստորաբաժանում ներկայացված կեղծ փաստաթղթերի հիման վրա դրանց նկատմամբ գրանցվել է վերջիններիս սեփականության իրավունքը»,- տեղեկացնում են դատախազությունից։Այս հանցավոր արարքների հետևանքով պետության և համայնքի շահերին պատճառվել է էական վնաս՝ որոշ դեպքերում անզգուշությամբ առաջացնելով նաև ծանր հետևանքներ:Այսօր Վարդան Ղուկասյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով (9 դրվագ), 308-րդ հոդվածի (պաշտոնեական լիազորությունները չարաշահելը) 1-ին մասով (10 դրվագ) և 314-րդ հոդվածի (պաշտոնեական կեղծիքը) 1-ին մասով (19 դրվագ):Նրա նկատմամբ որպես խափանման միջոց է ընտրվել ստորագրություն չհեռանալու մասին: Նախաքննությունը շարունակվում է:Հիշեցնենք` Ղուկասյանը Գյումրու քաղաքապետ է ընտրվել 1999թ.–ին, իսկ 2002թ., 2005թ. և 2008թ.–ին վերընտրվել է և պաշտոնավարել մինչև 2012 թվականը։«Բանտում մարդիկ մերն են, Լենինն էլ է դատվել». Վարդան Ղուկասյանը պատրաստ է «նստել»
https://arm.sputniknews.ru/20210810/dataxazn-asac-inchpese-petq-berman-entarkvi-patgamavor-armen-gevorgyany-28620787.html
գյումրի
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, գյումրի, վարդան ղուկասյան
հայաստան, գյումրի, վարդան ղուկասյան
Գյումրու նախկին քաղաքապետ Վարդան Ղուկասյանին մեղադրանք է առաջադրվել
15:52 10.08.2021 (Թարմացված է: 16:06 10.08.2021) Ըստ դատախազության` Ղուկասյանը որոշ դեպքերում անձամբ է մասնակցել հողամասերի օտարման աճուրդներին և ճանաչվել հաղթող, օտարել նույնիսկ պատմամշակութային արժեք ունեցող շինություն։
ԵՐԵՎԱՆ, 10 օգոստոսի - Sputnik. Գյումրու նախկին քաղաքապետ
Վարդան Ղուկասյանին մեղադրանք է առաջադրվել։ Տեղեկությունը հայտնում է ՀՀ գլխավոր դատախազության
մամուլի ծառայությունը։
Ըստ հաղորդագրության՝ նա պաշտոնավարման ժամանակահատվածում Գյումրու համայնքապետարանի մի քանի պաշտոնատար անձանց օժանդակությամբ կեղծել է պաշտոնեական փաստաթղթեր հանդիսացող համայնքապետարանի տեղեկանքներ, աճուրդային հանձնաժողովի արձանագրություններ, սակարկությունների մասին օրենսդրության պահանջների խախտմամբ երբեմն անձամբ մասնակցել է հողամասերի օտարման աճուրդներին և ճանաչվել հաղթող։
«2001-2011 թվականների ընթացքում ուղղակի վաճառքով կամ աճուրդով օտարել է ՀՀ հողային օրենսգրքի 60-րդ հոդվածով սահմանված՝ քաղաքացիներին և իրավաբանական անձանց սեփականության իրավունքով փոխանցելն արգելված պետական կամ համայնքային սեփականություն հանդիսացող բազմաթիվ հողատարածքներ»,- նշված է հաղորդագրության մեջ։
Խոսքը մասնավորապես վերաբերում է Գյումրու քաղաքային զբոսայգու առանձին տարածքներին, Գյումրի քաղաքի Ֆուրմանով, Ռուսթավելու, Սայաթ-Նովա, Գարեգին Նժդեհ փողոցների, Մարմաշենի խճուղու հարևանությամբ գտնվող հողամասերին, Մարմաշենի խճ. 13 հասցեում գտնվող հողամասին, Տիգրան Մեծ 31 հասցեի, Տ. Ճարտարապետ փող. մի քանի հողամասերին, նախկին զինվորական սովխոզի տարածքի մի քանի հողամասերին, Մուշ 2 թաղ. 11/11 հողամասին, «Գյումրու Տեքստիլ» ԲԲԸ-ին պատկանող հողամասի մի հատվածին, Գյումրու Աբովյան 262 հասցեում գտնվող պատմամշակութային արժեք ունեցող շինությանը։
«Արդյունքում համայնքապատկան կամ պետական սեփականության գույքն օտարվել է առանձին դեպքերում անձամբ իրեն, ինչպես նաև այլ անձանց, սուբյեկտների, և ՀՀ Անշարժ գույքի կադաստրի կոմիտեի տարածքային ստորաբաժանում ներկայացված կեղծ փաստաթղթերի հիման վրա դրանց նկատմամբ գրանցվել է վերջիններիս սեփականության իրավունքը»,- տեղեկացնում են դատախազությունից։
Այս հանցավոր արարքների հետևանքով պետության և համայնքի շահերին պատճառվել է էական վնաս՝ որոշ դեպքերում անզգուշությամբ առաջացնելով նաև ծանր հետևանքներ:
Այսօր Վարդան Ղուկասյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով (9 դրվագ), 308-րդ հոդվածի (պաշտոնեական լիազորությունները չարաշահելը) 1-ին մասով (10 դրվագ) և 314-րդ հոդվածի (պաշտոնեական կեղծիքը) 1-ին մասով (19 դրվագ):
Նրա նկատմամբ որպես խափանման միջոց է ընտրվել ստորագրություն չհեռանալու մասին: Նախաքննությունը շարունակվում է:
Հիշեցնենք` Ղուկասյանը Գյումրու քաղաքապետ է ընտրվել 1999թ.–ին, իսկ 2002թ., 2005թ. և 2008թ.–ին վերընտրվել է և պաշտոնավարել մինչև 2012 թվականը։
