https://arm.sputniknews.ru/20210810/jamanakavorapes-kasecvume-bnakaranneri-dzerqberman-gorcyntacy-stepanakertum-beglaryan-28627072.html
Ժամանակավորապես կասեցվում է բնակարանների ձեռքբերման գործընթացը Ստեփանակերտում. Բեգլարյան
Ժամանակավորապես կասեցվում է բնակարանների ձեռքբերման գործընթացը Ստեփանակերտում. Բեգլարյան
Sputnik Արմենիա
Պետնախարարի խոսքով՝ անշարժ գույքի շուկայում ակտիվություն է, այդ թվում՝ արհեստական գնաճ, ինչի հետևանքով վարձով ապրող արցախցիները ստիպված են լինում ազատել... 10.08.2021, Sputnik Արմենիա
2021-08-10T20:05+0400
2021-08-10T20:05+0400
2021-08-10T20:17+0400
արցախ
ստեփանակերտ
բնակարան
արտակ բեգլարյան
https://cdn.am.sputniknews.ru/img/07e5/08/0a/28626925_0:80:1200:759_1920x0_80_0_0_402b48576ef455e0d1a5072ea83ed91d.jpg
ԵՐԵՎԱՆ, 10 օգոստոսի - Sputnik. Արցախի կառավարության կողմից մեկնարկած բնակարանային ծրագրերն ակտիվություն են մտցրել անշարժ գույքի շուկայում՝ երբեմն հանգեցնելով ոչ նախընտրելի դրսևորումների, ներառյալ՝ արհեստական գնաճի: Նշել է ԱՀ պետական նախարար Արտակ Բեգլարյանը՝ բնակարանային ապահովության ծրագրերի շուրջ խորհրդակցության ընթացքում։ Տեղեկությունը հայտնում է ԱՀ կառավարության մամուլի ծառայությունը։Բեգլարյանի խոսքով՝ այս գործընթացում մեկ այլ խնդիր է առաջանում վարձակալած բնակարաններում ապրող արցախցիների համար։ Նրանք ստիպված են լինում ազատել վաճառվող բնակարանը: Բեգլարյանը շեշտել է, որ խնդիրների մի մասը նաև պետական կարգավորումների բացակայության կամ ոչ ամբողջական լինելու պատճառով է:«Հաշվի առնելով այս ու մի շարք այլ խնդիրներ բնակարանային ոլորտում՝ պետական նախարարը հանձնարարել է ժամանակավորապես կասեցնել բնակարանների ձեռքբերման գործընթացը Ստեփանակերտում՝ մինչև ոլորտի լրիվ կարգավորումը, լիազոր մարմնի՝ բնակարանային հարցերի կոմիտեի վերջնական ձևավորումը և առաջնային շուկայում էական առաջընթացի ապահովումը»,- նշված է հաղորդագրության մեջ։Ստեփանակերտում նոր թաղամաս է կառուցվելու, որը 15 մասնաշենք կունենա. լուսանկարԽորհրդակցության ընթացքում քննարկվել ն են նաև ծրագրերի իրականացման ընթացքում վերհանված մի շարք այլ հարցեր։ Դրանց լուծման նպատակով պետնախարարը տվել է կոնկրետ հանձնարարականներ:Նշենք, որ ԱՀ քաղաքաշինության նախարար Արամ Սարգսյանը Spuntik Արմենիայի հետ զրույցում հայտնել էր, որ արցախցի ավելի քան 7 հազար ընտանիք բնակարանի կարիք ունի։ Նախատեսվում է շինարարական բոլոր ծրագրերն ավարտել 2,5-3 տարվա ընթացքում։ Բնակարանաշինության ամբողջ ծրագրի արժեքը գնահատվում է ավելի քան 200 մլն դոլար։Ավելի վաղ Արցախի Հանրապետության նախագահ Արայիկ Հարությունյանը հայտարարել էր, որ ավելի քան 1000 բնակարան շահագործման կհանձնվի երկու տարվա ընթացքում: Տների բաշխման ժամանակ առաջնահերթությունը կտրվի Շուշիի և Հադրութի բնակիչներին (Ադրբեջանի վերահսկողության տակ անցած տարածքներ), ինչպես նաև սոցիալական խոցելի խմբերին: Առաջին բնակարանները շահագործման կհանձնվեն արդեն այս տարվա վերջին։
https://arm.sputniknews.ru/20210809/stepanakerti-jri-xndirn-adrbejani-het-kap-chuni-28609211.html
ստեփանակերտ
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
արցախ, ստեփանակերտ, բնակարան, արտակ բեգլարյան
արցախ, ստեփանակերտ, բնակարան, արտակ բեգլարյան
Ժամանակավորապես կասեցվում է բնակարանների ձեռքբերման գործընթացը Ստեփանակերտում. Բեգլարյան
20:05 10.08.2021 (Թարմացված է: 20:17 10.08.2021) Պետնախարարի խոսքով՝ անշարժ գույքի շուկայում ակտիվություն է, այդ թվում՝ արհեստական գնաճ, ինչի հետևանքով վարձով ապրող արցախցիները ստիպված են լինում ազատել վաճառվող բնակարանները։
ԵՐԵՎԱՆ, 10 օգոստոսի - Sputnik. Արցախի կառավարության կողմից մեկնարկած բնակարանային ծրագրերն ակտիվություն են մտցրել անշարժ գույքի շուկայում՝ երբեմն հանգեցնելով ոչ նախընտրելի դրսևորումների, ներառյալ՝ արհեստական գնաճի: Նշել է ԱՀ պետական նախարար Արտակ Բեգլարյանը՝ բնակարանային ապահովության ծրագրերի շուրջ խորհրդակցության ընթացքում։ Տեղեկությունը
հայտնում է ԱՀ կառավարության մամուլի ծառայությունը։
Բեգլարյանի խոսքով՝ այս գործընթացում մեկ այլ խնդիր է առաջանում վարձակալած բնակարաններում ապրող արցախցիների համար։ Նրանք ստիպված են լինում ազատել վաճառվող բնակարանը: Բեգլարյանը շեշտել է, որ խնդիրների մի մասը նաև պետական կարգավորումների բացակայության կամ ոչ ամբողջական լինելու պատճառով է:
«Հաշվի առնելով այս ու մի շարք այլ խնդիրներ բնակարանային ոլորտում՝ պետական նախարարը հանձնարարել է ժամանակավորապես կասեցնել բնակարանների ձեռքբերման գործընթացը Ստեփանակերտում՝ մինչև ոլորտի լրիվ կարգավորումը, լիազոր մարմնի՝ բնակարանային հարցերի կոմիտեի վերջնական ձևավորումը և առաջնային շուկայում էական առաջընթացի ապահովումը»,- նշված է հաղորդագրության մեջ։
Խորհրդակցության ընթացքում քննարկվել ն են նաև ծրագրերի իրականացման ընթացքում վերհանված մի շարք այլ հարցեր։ Դրանց լուծման նպատակով պետնախարարը տվել է կոնկրետ հանձնարարականներ:
Նշենք, որ ԱՀ քաղաքաշինության նախարար Արամ Սարգսյանը Spuntik Արմենիայի հետ զրույցում հայտնել էր, որ արցախցի ավելի քան 7 հազար ընտանիք բնակարանի կարիք ունի։ Նախատեսվում է շինարարական բոլոր ծրագրերն ավարտել 2,5-3 տարվա ընթացքում։ Բնակարանաշինության ամբողջ ծրագրի արժեքը գնահատվում է ավելի քան 200 մլն դոլար։
Ավելի վաղ Արցախի Հանրապետության նախագահ Արայիկ Հարությունյանը հայտարարել էր, որ ավելի քան 1000 բնակարան շահագործման կհանձնվի երկու տարվա ընթացքում: Տների բաշխման ժամանակ առաջնահերթությունը կտրվի Շուշիի և Հադրութի բնակիչներին (Ադրբեջանի վերահսկողության տակ անցած տարածքներ), ինչպես նաև սոցիալական խոցելի խմբերին: Առաջին բնակարանները շահագործման կհանձնվեն արդեն այս տարվա վերջին։
