https://arm.sputniknews.ru/20210810/noracvac-vazquxi-u-nor-spasasrah-shirak-odanavakayan-veranorogvum-e-28622038.html

Նորացված վազքուղի ու նոր սպասասրահ. «Շիրակ» օդանավակայանը վերանորոգվում է

Նորացված վազքուղի ու նոր սպասասրահ. «Շիրակ» օդանավակայանը վերանորոգվում է

Sputnik Արմենիա

«Շիրակ» օդանավակայանի վազքուղին վերջին անգամ նորոգվել է 2007 թվականին՝ 14 տարի առաջ: 10.08.2021, Sputnik Արմենիա

2021-08-10T16:18+0400

2021-08-10T16:18+0400

2021-08-10T16:26+0400

հայաստան

հասարակություն

«շիրակ» օդանավակայան

վերանորոգում

https://cdn.am.sputniknews.ru/img/07e5/08/0a/28621192_0:0:2738:1550_1920x0_80_0_0_8cb152b91751c8b231a151f589fde643.jpg

ԵՐԵՎԱՆ, 10 օգոստոսի, Sputnik - Արմենուհի Մխոյան. «Արմենիա» միջազգային օդանավակայաններ» ՓԲ ընկերության մոտ 7,5 մլն ԱՄՆ դոլար ներդրումների շնորհիվ կառուցվում է նոր ժամանման սրահ ու ամբողջությամբ նորոգվում է վազքուղին: 3220 մետր երկարություն և 45 մետր լայնություն ունեցող վազքուղին վերջին անգամ հիմնանորոգվել է 14 տարի առաջ, մինչդեռ շահագործման համար ընդունված է 8-10 տարին:Չեխական ընկերությունն առաջարկում է վերակառուցել Ստեփանավանի օդանավակայանը«Թեև վազքուղու ասֆալտապատման ծածկույթի կյանքի միջին տևողությունը 10 տարի է, «Շիրակ» օդանավակայանի վազքուղին վերջին անգամ նորոգվել է 2007 թվականին՝ 14 տարի առաջ: 14 տարվա շահագործումից վազքուղու վրա առաջացել էին բազմաթիվ ճաքեր և վնասվածքներ: Կրիտիկական վիճակ էր»,-լրագրողների հետ ունեցած ճեպազրույցի ժամանակ նշեց «Արմենիա» միջազգային օդանավակայաններ» ՓԲ ընկերության տեխնիկական տնօրեն Աշոտ Միրզոյանը։Աշոտ Միրզոյան Նա տեղեկացրեց, որ ասֆալտային շերտի ամրության համար ավելացվում են հատուկ հավելանյութեր, որոնք օգտագործվում են նաև «Զվարթնոց» միջազգային օդանավակայանում: Ի դեպ, վազքուղին քաղավիացիայի ու ՀՀ ՊՆ համատեղ օգտագործման համար է:Նշենք, որ շինարարություն իրականացնելու համար հայտարարված բաց մրցույթում հաղթող էր ճանաչվել «Էյ ԲԻ ԲԻ» ընկերությունը, որն էլ իրականացնում է շինարարական աշխատանքները:Վազքուղու համար կառուցվում է նաև նոր ջրահեռացման համակարգ:Պատասխանատուն վստահեցնում է՝ այս անգամ է’լ ավելի բարձր որակով է նորոգվում վազքուղին:«Շնորհիվ հավելանյութերի, դրինաժային համակարգի և լավ կատարվող աշխատանքների՝ նախատեսում ենք 15 տարի սպասարկում»,- նշեց Աշոտ Միրզոյանը:Այս աշխատանքներին զուգահեռ կառուցվում է նաև ժամանման նոր սրահ:«Հին սրահը, որն ունի 400 քառակուսի մետր մակերես, բացարձակապես դուրս էր նորմերից, և ուղևորների համար առաջացնում էր խնդիրներ։ Նորը կունենա 870 քառակուսի մետր մակերես, որտեղ կգործի անձնագրային հսկողություն իրականացնող 8 խցիկ և կլինի ուղեբեռի փոխադրման ժապավեն»,-ներկայացնում է Սևակ Թահմասյանը՝ «Արմենիա» միջազգային օդանավակայանների ենթակառուցվածքների բաժնի շինղեկավարը:Սևակ Թահմասյան Նոր սրահը կունենա 1 ժամում 1 չվերթ սպասարկելու հնարավորություն, այդ թողունակությունը անհրաժեշտության դեպքում հնարավոր կլինի եռապատկել: «Շիրակ» օդանավակայանի փաստացի թողունակությունը տարեկան կազմում է 250000 ուղևոր, որը կհասցվի 700000-ի: Նոր ժամանման սրահը նախատեսվում է շահագործման հանձնել սեպտեմբերին։

«շիրակ» օդանավակայան

2021

Լուրեր

am_HY

հայաստան, հասարակություն , «շիրակ» օդանավակայան, վերանորոգում