https://arm.sputniknews.ru/20210810/petutyun-petq-e-gorcararneri-het-ashxati-voch-te-jamanak-ar-jamanak-ayl-mshtapes-28627330.html
Պետությունը պետք է գործարարների հետ աշխատի ոչ թե ժամանակ առ ժամանակ, այլ մշտապես. Պարսյան
Պետությունը պետք է գործարարների հետ աշխատի ոչ թե ժամանակ առ ժամանակ, այլ մշտապես. Պարսյան
Sputnik Արմենիա
ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը Sputnik Արմենիայի եթերում անդրադարձել է սեպտեմբերի 20-ին Երևանում... 10.08.2021, Sputnik Արմենիա
2021-08-10T23:59+0400
2021-08-10T23:59+0400
2021-08-10T23:28+0400
ռադիո
գործարար
իշխանություն
համաժողով
https://cdn.am.sputniknews.ru/img/07e5/03/0b/26767863_0:89:1601:994_1920x0_80_0_0_c8b0ea01d4e48a9e9669819a7cfe2674.jpg
Պարսյան. «Զուտ ցանկությամբ գործարարները Հայաստանում չեն կարող բիզնես ստեղծել»
Sputnik Արմենիա
Պարսյան. «Զուտ ցանկությամբ գործարարները Հայաստանում չեն կարող բիզնես ստեղծել»
Եթե նպատակ ունենք համախմբել համահայկական գործարար ներուժը, ապա անհրաժեշտ է առաջին հերթին ՀՀ–ում ստեղծել այնպիսի ինստիտուտներ, որոնք կախված չեն տվյալ պահի իշխանությունից, նախարարից, գերատեսչության ղեկավարից, հակառակ դեպքում կստացվի, որ անընդհատ նման համաժողովների կարիք է լինելու, մարդիկ պետք է նոր հանդիպումներ կազմակերպեն, նոր ծանոթություններ հաստատեն, Sputnik Արմենիայի հետ զրույցում նման տեսակետ արտահայտեց Սուրեն Պարսյանը։«Օրինակ` Հայկ Չոբանյանը ՏՏ նախարարն էր, հնգամյա մեծ ծրագրեր էր նախանշել, գործարարների հետ հանդիպում էր, բայց շատ արագ ամեն ինչ փոխվեց, և Հայաստանում ու արտերկրում նախապես հնչած գաղափարները մնացին թղթի վրա։ Նրանից հետո եկած նախարարն առհասարակ տեղյակ չէր նշված ծրագրերից, այսինքն` մեզ մոտ չկա ինստիտուցիոնալ մոտեցում, գործի շարունակություն, ինչի արդյունքում անընդհատ կապը կորչում է»,– ասաց տնտեսագետը։Պարսյանի կարծիքով` Հայաստանում գործարարներն իրենց տնտեսական գործունեությունն իրականացնելու համար պետք է ունենան ենթակառուցվածքներ, անհրաժեշտ տեղեկատվություն և համարժեք կադրեր, որոնց պետք է պատրաստի պետությունը, կրթական համակարգը, հետևաբար զուտ ցանկությամբ գործարարները ՀՀ–ում չեն կարող բիզնես ստեղծել, եթե չունեն մարդկային կապիտալ։ «Մարդկային կապիտալն ու ներուժը հաստատ դրսից չեն բերվելու, այլ պետք է տեղում ստեղծվի, վերաորակավորվի։ Այստեղ պետություն–մասնավոր հատված համագործակցությունը շատ կարևոր է։ Չէի ցանկանա, որ գործարարների նման համաժողովները վերածվեն ուղղակի կերախմության ու այդպես անցնեն։ Պետք է լինեն կոնկրետ քայլեր, որպեսզի պետությունն ու հանրությունը ստանան որոշակի օգուտներ, մինչդեռ այս պայմաններում միայն հավաքներ կազմակերպելը ճիշտ չէ»,– նշեց տնտեսագետը։Ինչո՞վ է պայմանավորված տնտեսական ակտիվությունը, և իրատեսակա՞ն է նախարարի խոստացած աճըՊարսյանի դիտարկմամբ`պետական կառավարման տարբեր մակարդակներում որոշումների կայացման մեջ գործարարների մասնակցությունը նույնպես կարևոր է, տարբեր օրինագծերի վերաբերյալ նրանց կարծիքները պետք է լսելի լինեն, այսինքն` պետությունը պետք է նրանց հետ աշխատի ոչ թե ժամանակ առ ժամանակ, այլ մշտապես։ Ըստ նրա` երկրի վարչապետն իր հերթին պետք է ողջունի, խրախուսի գործարարների աշխատանքը, իսկ ՀԴՄ կտրոն չտպելու դեպքում ոչ թե պիտակավորի, անվանարկի կամ թիրախ դարձնի, այլ տուգանի օրենքի շրջանակներում։ Տնտեսագետի համոզմամբ` բիզնես աշխարհի ներկայացուցիչները պետք է հեռու մնան քաղաքական ազդեցություններից ու ճնշումներից, չհալածվեն քաղաքական հայացքների համար։ Ըստ նրա` նման հող ներկայումս չկա, երկրում իրավիճակը դեռ մնում է լարված, համախոհություն չի ձևավորվում, մինչդեռ երկիրը ճգնաժամային վիճակից հանելու համար անհրաժեշտ են արմատական քայլեր։ Գնաճը Հայաստանում դուրս է եկել վերահսկողությունից. տնտեսագետ Նշենք, որ Armenian Business Forum-ի կազմկոմիտեի տեղեկատվության համաձայն` 2021 թվականի սեպտեմբերի 20–ին Երևանում տեղի կունենա խոշոր համաժողով, որին կմասնակցի մի քանի հարյուր գործարար:
https://arm.sputniknews.ru/20210714/xachatur-suqyasyan-aviaynkerutyun-grzo-28284337.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
գործարար, իշխանություն, համաժողով
գործարար, իշխանություն, համաժողով
Պետությունը պետք է գործարարների հետ աշխատի ոչ թե ժամանակ առ ժամանակ, այլ մշտապես. Պարսյան
ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը Sputnik Արմենիայի եթերում անդրադարձել է սեպտեմբերի 20-ին Երևանում կայանալիք հայ գործարարների խոշոր համաժողովին և պատասխանել այն հարցին, թե ինչ կարելի է ակնկալել:
Եթե նպատակ ունենք համախմբել համահայկական գործարար ներուժը, ապա անհրաժեշտ է առաջին հերթին ՀՀ–ում ստեղծել այնպիսի ինստիտուտներ, որոնք կախված չեն տվյալ պահի իշխանությունից, նախարարից, գերատեսչության ղեկավարից, հակառակ դեպքում կստացվի, որ անընդհատ նման համաժողովների կարիք է լինելու, մարդիկ պետք է նոր հանդիպումներ կազմակերպեն, նոր ծանոթություններ հաստատեն,
Sputnik Արմենիայի հետ զրույցում նման տեսակետ արտահայտեց Սուրեն Պարսյանը։
«Օրինակ` Հայկ Չոբանյանը ՏՏ նախարարն էր, հնգամյա մեծ ծրագրեր էր նախանշել, գործարարների հետ հանդիպում էր, բայց շատ արագ ամեն ինչ փոխվեց, և Հայաստանում ու արտերկրում նախապես հնչած գաղափարները մնացին թղթի վրա։ Նրանից հետո եկած նախարարն առհասարակ տեղյակ չէր նշված ծրագրերից, այսինքն` մեզ մոտ չկա ինստիտուցիոնալ մոտեցում, գործի շարունակություն, ինչի արդյունքում անընդհատ կապը կորչում է»,– ասաց տնտեսագետը։
Պարսյանի կարծիքով` Հայաստանում գործարարներն իրենց տնտեսական գործունեությունն իրականացնելու համար պետք է ունենան ենթակառուցվածքներ, անհրաժեշտ տեղեկատվություն և համարժեք կադրեր, որոնց պետք է պատրաստի պետությունը, կրթական համակարգը, հետևաբար զուտ ցանկությամբ գործարարները ՀՀ–ում չեն կարող բիզնես ստեղծել, եթե չունեն մարդկային կապիտալ։
«Մարդկային կապիտալն ու ներուժը հաստատ դրսից չեն բերվելու, այլ պետք է տեղում ստեղծվի, վերաորակավորվի։ Այստեղ պետություն–մասնավոր հատված համագործակցությունը շատ կարևոր է։ Չէի ցանկանա, որ գործարարների նման համաժողովները վերածվեն ուղղակի կերախմության ու այդպես անցնեն։ Պետք է լինեն կոնկրետ քայլեր, որպեսզի պետությունն ու հանրությունը ստանան որոշակի օգուտներ, մինչդեռ այս պայմաններում միայն հավաքներ կազմակերպելը ճիշտ չէ»,– նշեց տնտեսագետը։
Պարսյանի դիտարկմամբ`պետական կառավարման տարբեր մակարդակներում որոշումների կայացման մեջ գործարարների մասնակցությունը նույնպես կարևոր է, տարբեր օրինագծերի վերաբերյալ նրանց կարծիքները պետք է լսելի լինեն, այսինքն` պետությունը պետք է նրանց հետ աշխատի ոչ թե ժամանակ առ ժամանակ, այլ մշտապես։ Ըստ նրա` երկրի վարչապետն իր հերթին պետք է ողջունի, խրախուսի գործարարների աշխատանքը, իսկ ՀԴՄ կտրոն չտպելու դեպքում ոչ թե պիտակավորի, անվանարկի կամ թիրախ դարձնի, այլ տուգանի օրենքի շրջանակներում։
Տնտեսագետի համոզմամբ` բիզնես աշխարհի ներկայացուցիչները պետք է հեռու մնան քաղաքական ազդեցություններից ու ճնշումներից, չհալածվեն քաղաքական հայացքների համար։ Ըստ նրա` նման հող ներկայումս չկա, երկրում իրավիճակը դեռ մնում է լարված, համախոհություն չի ձևավորվում, մինչդեռ երկիրը ճգնաժամային վիճակից հանելու համար անհրաժեշտ են արմատական քայլեր։
Նշենք, որ Armenian Business Forum-ի կազմկոմիտեի տեղեկատվության համաձայն` 2021 թվականի սեպտեմբերի 20–ին Երևանում տեղի կունենա
խոշոր համաժողով, որին կմասնակցի մի քանի հարյուր գործարար:
