Խորհրդարանը միաձայն որոշեց մեկ ու կես ժամ ավելի աշխատել

© Sputnik / Aram NersesyanПервое заседание парламента Армении 8-го созыва (2 августа 2021). Еревaн
Первое заседание парламента Армении 8-го созыва (2 августа 2021). Еревaн - Sputnik Արմենիա, 1920, 10.08.2021
ԱԺ 12 մշտական հանձնաժողովների նախագահներից խորհրդարանն առ այսօր որևէ մեկին չի ընտրել։ Առաջադրվել են միայն 3 հանձնաժողովների նախագահների թեկնածուներ։
ԵՐԵՎԱՆ, 10 օգոստոսի - Sputnik. ԱԺ նախագահ Ալեն Սիմոնյանն այսօր խորհրդարանին առաջարկեց հիմնական աշխատանքային օրվա ավարտին ևս մեկ լրացուցիչ նիստ գումարել` 1.5 ժամ տևողությամբ։
«Հաշվի առնելով, որ մեր քննարկումները բավական երկար են տևում, և մենք ունենք դեռ 10 հանձնաժողովների ղեկավարների ընտրություն, ես առաջարկում եմ օգտվենք 37-րդ հոդվածի 2-րդ կետի հնարավորություններից և այսօր ևս մեկ նիստ գումարենք` 1.5 ժամ տևողությամբ»,– ասաց Սիմոնյանը` իր առաջարկը դնելով քվեարկության։
Վահե Հակոբյանը պատմում է կնոջ օժիտի Սարյանի ու Այվազովսկու նկարների մասին - Sputnik Արմենիա, 1920, 10.08.2021
Վատ օժիտ չէ. ՔՊ–ին հետաքրքրել են Վահե Հակոբյանին պատկանող Սարյանի ու Այվազովսկու կտավները
Խորհրդարանը 68 միաձայն կողմ ձայներով ընդունեց ԱԺ խոսնակի առաջարկը։ Նիստը որոշվեց գումարել հիմնական նիստի ավարտից հետո, ժամը 18։ 30-ից մինչև 20։00-ն։
Հիշեցնենք` ԱԺ 12 մշտական հանձնաժողովների նախագահներից խորհրդարանն առ այսօր որևէ մեկին չի ընտրել։ Առաջադրվել են միայն 3 հանձնաժողովների նախագահների թեկնածուներ. ԱԺ օգոստոսի 9-ի նիստում  «Քաղաքացիական պայմանագիրը» պետական-իրավական հարցերի մշտական հանձնաժողովի նախագահի պաշտոնում առաջադրել է Վլադիմիր Վարդանյանի, պաշտպանության և անվտանգության հարցերի հանձնաժողովի նախագահի պաշտոնում` Անդրանիկ Քոչարյանի թեկնածությունը։ Օգոստոսի 10-ի նիստում «Հայաստան» խմբակցությունը տնտեսական հարցերի հանձնաժողովի նախագահի պաշտոնում առաջադրեց Սյունիքի նախկին մարզպետ Վահե Հակոբյանի թեկնածությունը։ Հարցի քննարկումն այս պահին էլ դեռ շարունակվում է` պատգամավորների ելույթների տեսքով։
Նշենք, որ խորհրդարանը 12 հանձնաժողովների նախագահներից 9-հանձնաժողովների առաջադրման իրավունքը բաշխել է «Քաղաքացիական պայմանագիր» խմբակցությանը, 3-ինը՝ «Հայաստան» խմբակցությանը:
Ես ուղղաթիռ չեմ ունեցել. Վահե Հակոբյանը պարզաբանեց աղմուկ հանած լուրերը
Ընդ որում, «Քաղաքացիական պայմանագիրը» կառաջադրի պետական-իրավական հարցերի, պաշտպանության և անվտանգության հարցերի, արտաքին հարաբերությունների, ֆինանսավարկային և բյուջետային հարցերի, տարածքային կառավարման, տեղական ինքնակառավարման, գյուղատնտեսության և բնապահպանության հարցերի, գիտության, կրթության, մշակույթի, սփյուռքի, երիտասարդության և սպորտի հարցերի, եվրոպական ինտեգրման հարցերի, աշխատանքի և սոցիալական հարցերի և առողջապահության հարցերի մշտական հանձնաժողովների նախագահներին։
Դատախազն ասաց` ինչպես պետք է բերման ենթարկվի պատգամավոր Արմեն Գևորգյանը
«Հայաստան» խմբակցությունը հանձնաժողովների նախագահների թեկնածուներ կառաջադրի Տնտեսական հարցերի, Տարածաշրջանային և եվրասիական ինտեգրման հարցերի,  Մարդու իրավունքների պաշտպանության և հանրային հարցերի մշտական հանձնաժողովների կազմերում:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала