«Նարեկին հանգստացրեք հլը»․ ԱԺ նիստերի դահլիճ անվտանգության աշխատակիցներ են հրավիրվել

© Photo : Screenshot // Youtube / Parliament of ArmeniaСотрудники правоохранительных органов на заседании Парламента (11 августа 2021). Еревaн
Сотрудники правоохранительных органов на заседании Парламента (11 августа 2021). Еревaн - Sputnik Արմենիա, 1920, 11.08.2021
ԱԺ խոսնակ Ալեն Սիմոնյանի և «Հայաստան» դաշինքի ներկայացուցիչների միջև վեճ տեղի ունեցավ։
ԵՐԵՎԱՆ, 11 օգոստոսի - Sputnik. Ազգային ժողովի նիստի ուղիղ եթերը խոսնակ Ալեն Սիմոնյանի կարգադրությամբ ընդհատվեց, երբ նա նիստերի դահլիճ հրավիրվեց ԱԺ անվտագնության աշխատակիցներին։ Պատճառը «Հայաստան» դաշինքի ներկայացուցիչների հետ նրա վեճն էր։
«Պատիվ ունեմ» դաշինքի պատգամավոր Աննա Մկրտչյանին դահլիճից դուրս հրավիրելուց հետո ընդդիմության ներկայացուցիչները սկսեցին դժգոհել այդ որոշումից։ Այսօր խոսնակ Ալեն Սիմոնյանը նրան դուրս էր հրավիրել ԱԺ նիստերի դահլիճից «կապիտուլյանտ Նիկոլ» արտահայտությունն անելու համար։
Փոխխոսնակ, «Հայաստան» դաշինքի ներկայացուցիչ Իշխան Սաղաթելյանը ելույթ ունեցավ, որում նշեց, որ Ալեն Սիմոնյանը չարաշահել է իր լիազորությունները՝ Աննա Մկրտչյանին դուրս հանելով։
Люди у штаба партии Гражданский договор после завершения досрочных выборов в Парламент Армении (21 июня 2021). Еревaн - Sputnik Արմենիա, 1920, 11.08.2021
«Իրենց պաստառներին գրված է «Նիկոլ», ինչի՞ մասին է խոսքը»․ Աննա Մկրտչյան
Դրանից հետո Սիմոնյանը նախազգուշացում տվեց «Հայաստան» դաշինքի պատգամավորներ Արմեն Ռուստամյանին ու Ագնես Խամոյանին՝ տեղից խոսելու համար։
«Չես կարա», արձագանքեց Ռուստամյանը, Սիմոնյանն էլ ասաց՝ կարամ։ Դրանից հետո դաշինքի պատգամավոր Աննա Գրիգորյանը վեր կացավ ու դուրս եկավ դահլիճից, նրան փորձեցին հետևել մի քանի ընդդիմադիրներ ևս, զուգահեռաբար ՔՊ որոշ ներկայացուցիչներ սկսեցին բուռն արձագանքել ամեն ինչին։
«Նարեկին հանգստացրեք հլը, Նարեկ, տեղից չհելնես», - ասաց Սիմոնյանը՝ դիմելով ՔՊ պատգամավոր Նարեկ Գրիգորյանին։
Դրանից հետո, տեսնելով որ իրավիճակը պայթյունավտանգ է ու Նարեկը «չի հանգստանում», Սիմոնյանը ներս հրավիրեց ԱԺ անվտանգության աշխատակիցներին ու կարգադրեց անջատել եթերը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала