Կառավարությունը 2 նոր օրինագիծ է բերելու խորհրդարան. ընդդիմությանը հայտնի է` ինչ են դրանք

© Sputnik / Aram NersesyanГегам Манукян беседует с коллегой на заседании Парламента (4 августа 2021). Еревaн
Гегам Манукян беседует с коллегой на заседании Парламента (4 августа 2021). Еревaн - Sputnik Արմենիա, 1920, 12.08.2021
Գեղամ Մանուկյանից հետո արտահերթ ձայնի իրավունքով ելույթ ունեցավ ՀՀ ԱԺ նախագահ Ալեն Սիմոնյանը։
ԵՐԵՎԱՆ, 12 օգոստոսի – Sputnik. Իշխանությունը շարունակում է ԱԺ–ի պատգամավորների աշխատանքը հանրությունից թաքցնելու գործընթացը։ Այսօր ԱԺ ամբիոնից հայտարարեց «Հայաստան» խմբակցության պատգամավոր Գեղամ Մանուկյանը` անդրադառնալով լրագրողների աշխատանքի սահմանափակումների ու լրագրողների նկատմամբ պետական պաշտոնյաների բացասական վերաբերմունքի վերջին դեպքերին։
Выступление омбудсмена Армана Татояна на Международной конференции, посвященной 15-летию офиса омбудсмена в Армении (27 ноября 2019). Еревaн - Sputnik Արմենիա, 1920, 11.08.2021
Լրագրողին չի կարելի զրկել «առաջին ձեռքից» «տաք» տեղեկություններ ստանալու իրավունքից. ՄԻՊ
Գեղամ Մանուկյանը հայտարարեց, որ առաջիկայում իշխանությունը նախատեսում է երկու նոր օրինագիծ ներկայացնել խորհրդարան, որոնց նպատակը, ըստ նրա, իշխանավորների քայլերը հանրությունից թաքցնելն է։
«Շուտով բերելու է կառավարությունը 2 նման խայտառակ բան. գործուղումները գաղտնի են ուզում իրականացնել, մեկ անձից գնումների ամբողջ թղթածրարն ուզում են «գաղտնի» գրիֆի տակ մտցնել», –ասաց նա։
Գեղամ Մանուկյանից հետո արտահերթ ձայնի իրավունքով ելույթ ունեցավ ՀՀ ԱԺ նախագահ Ալեն Սիմոնյանը։
Խոսելով լրատվության ազատության մասին` Սիմոնյանը շեշտեց, որ Հայաստանում երբևէ այնքան ընդդիմադիր հեռուստաալիք չի եղել, որքան կա այսօր։
«Վերջիվերջո, պարո՛ն Մանուկյան, երբ որ դուք հանդիսանում էիք «Երկիր Մեդիայի» լրագրող դուք չէիք խորշում վիրավորանքներ հնչեցնել սոցիալական ցանցերում, և ձեր օրինակով բազմաթիվ լրագրողներ, տարբեր ուղղություններով ամենավերջին վիրավորանքներ էին հնչեցնում։ Առնվազն այս դահլիճում հիմա երկու նախկին լրագրող կա, որ վիրավորանքներ է գրել և սփռել սոցիալական ցանցերում։ Հետո ասում եք` ատելությունը մենք տարածեցինք»,– ասաց նա։
«Երևանի կեսի հետ կարող է լինել». Սեդրակյանի որդին` հոր և լրագրողների «բախումների» մասին
Սիմոնյանը նաև հայտարարեց, որ ԱԺ–ի շենքում լրագրողների տեղաշարժի սահմանափակումներից հրաժարվելու մտադրություն իշխող քաղաքական ուժը չունի։ Ըստ նրա` լրագրողները հնարավորություն են ունենալու պատգամավորներին մոտենալու, բայց իրավունք չեն ունենալու բացել պատգամավորի աշխատասենյակի դուռը, չեն վազելու պատգամավորի հետևից, քանի որ իր դիտարկմամբ, դա անհարգալից վերաբերմունք է թե՛ պատգամավորի և թե՛ հենց լրագրողի նկատմամբ։
Խոսքի ազատությունը բացարձակ արժեք չէ․ Անդրեասյանը՝ լրագրողների տեղաշարժի մասին
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала