Երևանում հիփոթեքային վարկով գնվող բնակարանների համար եկամտահարկի վերադարձը կվերացվի

© Sputnik / Asatur YesayantsСтройка
Стройка - Sputnik Արմենիա, 1920, 12.08.2021
Մինչև 2025 թվականը եկամտահարկն այլևս չեն վերադարձնի հենց Երևանում բնակարան գնողներին։ Մարզերի համար պայմանները չեն փոխվի։
ԵՐԵՎԱՆ, 12 օգոստոսի – Sputnik. Երևանի սահմաններում, ըստ գոտիականության և ըստ տարիների, աստիճանաբար կկրճատվի հիփոթեքային վարկի սպասարկման համար եկամտային հարկի վերադարձի համակարգը։ Կառավարությունն այսօր հավանություն տվեց «Հարկային օրենսգրքի» փոփոխություն կատարելու նախագծին։
Посетители реабилитационного центра для военных инвалидов - Sputnik Արմենիա, 1920, 12.08.2021
Պատերազմում վիրավորված զինծառայողներին աշխատանքի ընդունող գործատուն աջակցություն կստանա
Ֆինանսների նախարար Տիգրան Խաչատրյանը հայտնեց` նախագծով առաջարկվում է սահմանել, որ եկամտային հարկը չի վերադարձվի 4 դեպքում` եթե գույքը գտնվում է Երևան քաղաքի առաջին գոտում (2022 թվականի հուլիսի 1-ից), եթե գույքը գտնվում է Երևան քաղաքի երկրորդ գոտում (2023 թվականի հունվարի 1-ից), եթե գույքը գտնվում է Երևան քաղաքի երրորդ գոտում (2023 թվականի հուլիսի 1-ից), եթե գույքը գտնվում է Երևան քաղաքի այլ գոտիներում (2025 թվականի հունվարի 1-ից)։
Նախարարը հիշեցրեց, որ այս արտոնությունը գործում է ավելի քան 5 տարի։
Առաքումներ առանց ուշացման. ինչպես են Հայաստանում արագացնելու առցանց առևտուրը
«Արտոնության կիրառության տարիների ընթացքում, հատկապես վերջին երկու տարիներին կառավարության ֆինանսական աջակցությունից օգտվողների քանակը կտրուկ աճել է։ Եթե 2015-17-ին ծրագրի նոր շահառուների թիվը 800 է եղել, ապա 2020-ին 5200 շահառու է եղել։ Կտրուկ աճել է պետբյուջեից մեր քաղաքացիներին վերադարձվող եկամտահարկի գումարները` 2020-ին 5.4 մլրդ դրամ»,–ասաց Խաչատրյանը։
Ինչպես են Հայաստանի իշխանությունները «սպանում» տնտեսությունը՝ հետապնդելով ընդդիմադիրներին
Նրա խոսքով` այժմ ծրագրի շահառուների քանակը գերազանցում է 17 000-ը, որոնց միայն 7 տոկոսն է բնակարաններ գնել մարզերում։ Ըստ Խաչատրյանի` օրենքի փոփոխությամբ կառուցապատման աշխատանքները կսկսեն թափ առնել Երևանից դուրս։
ՀՀ վարչապետ Նիկոլ Փաշինյանն էլ նշեց, որ Հայաստանում կան բնակավայրեր, որտեղ վերջին 30 տարիներին որևէ բնակելի շենք չի կառուցվել։
Հանքարդյունաբերությունից տուժող համայնքներն արդարացի փոխհատուցում կստանան
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала