Արմավիրում բոլոր թունավորվածներն օգտագործել են շրջիկ ցիստեռնից գնված ջուր

© Sputnik / Aram NersesyanКарета скорой помощи у медицинского центра “Эребуни”
Карета скорой помощи у медицинского центра “Эребуни” - Sputnik Արմենիա, 1920, 13.08.2021
Օգոստոսի 12-ին մասնագետների կողմից իրականացված բակային համայցերի արդյունքում՝ աղիքային հիվանդությանը բնորոշ գանգատներով հայտնաբերվել է 31 անձ։
ԵՐԵՎԱՆ, 13 օգոստոսի – Sputnik. Արմավիրի մարզում օրերս թունավորման հետևանքով հիվանդանոց բոլոր տեղափոխվածներն էլ օգտագործել են օգոստոսի 9-ին շրջիկ ցիստեռնից գնված ջուր։ Տեղեկությունը հայտնում է ՀՀ առողջապահության նախարարությունը` մանրամասներ հայտնելով թունավորման դեպքից։
Օգոստոսի 11-ին հայտնել էինք, որ 9 հոգու թունավորմամբ տեղափոխել են «Արմավիր» բժշկական կենտրոն, որտեղ նրանք հայտնել են, որ թունավորվել են ջրից։
Водопроводный кран - Sputnik Արմենիա, 1920, 13.08.2021
Թունավորվածները Խանջյանի բնակիչներ են. խմելու ջրի նմուշառումներ են արվել
«Բնակչության շրջանում կատարվել են իրազեկման աշխատանքներ (զգուշացվել է այդ ջուրը չօգտագործելու մասին)։ Օգոստոսի 12-ին մասնագետների կողմից իրականացված բակային համայցերի արդյունքում՝ աղիքային հիվանդությանը բնորոշ գանգատներով հայտնաբերվել է 31 անձ։ Նրանցից 5-ը ևս հոսպիտալացվել են, իսկ մյուս պացիենտների նկատմամբ սահմանվել է բժշկական հսկողություն»,–նշված է հաղորդագրության մեջ։
Արդյունքում` այսօրվա դրությամբ, «Արմավիր» ԲԿ–ում շարունակում է բուժումը 8 պացիենտ, որոնց առողջական վիճակը գնահատվում է թեթև և միջին ծանրության, դրական դինամիկայով։
Հիշեցնենք, որ քննչական կոմիտեն էլ թունավորման փաստով քրեական գործ է հարուցել ՀՀ քրեական օրենսգրքի 277-րդ հոդվածի 1-ին մասի հատկանիշներով (սանիտարահակահամաճարակային կանոնները խախտելը, որն անզգուշությամբ առաջացրել է մարդկանց զանգվածային հիվանդացում կամ թունավորում):
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала