Մտեք ցանկացած «մոլ», դրանց ներսում Հայաստան չէ. Դավիթ Գյուրջինյան

Давид Гюрджинян - Sputnik Արմենիա, 1920, 13.08.2021
Նույն խնդիրը կոմիտեի ղեկավարը նկատում է նաև ՀՀ քաղաքական դաշտում։ Նրա դիտարկմամբ, քաղաքական գործիչների մեծամասնությունն այսօր ավելի շատ կիրառում է սահմանների «դեմարկացիա» և «դելիմիտացիա» տերմինները, քան հայերեն «սահմանազատում» և «սահմանագծում»։
ԵՐԵՎԱՆ, 13 օգոստոսի - Sputnik. Հայաստանյան տնտեսվարողներն աշխատում են ոչ թե տեղացիների, այլ միայն զբոսաշրջիկների համար։ Նման տեսակետ այսօր կայացած ասուլիսում հայտնեց Լեզվի կոմիտեի նախագահ Դավիթ Գյուրջինյանը։
 Единый экзамен по английскому языку в старшей школе № 29 им. Андраника Маргаряна (2 июля 2020). Еревaн - Sputnik Արմենիա, 1920, 08.07.2021
ԿԳՄՍՆ-ն հերքում է. քանի՞ դիմորդ չի հաղթահարել հայերենի միասնական քննության անցողիկ շեմը
«Մտնում եք սրճարան, ռեստորան, և ձեզ բերում են ճաշացանկը միայն օտար լեզվով։ Այնինչ ՀՀ «Լեզվի մասին օրենքն» ասում է, որ նախ պիտի լինի հայերեն, որովհետև ՀՀ պետական լեզուն հայերենն է, և կարող է զուգակցվել այլ լեզուներով։ Մեր տնտեսվարողները, փաստաբան վարձելով, փորձում են ապացուցել, որ գիտեք, զբոսաշրջիկը հայերեն չի հասկանում։ Բա հայաստանցիները՞»,– ասաց Գյուրջինյանը։
Բացի այդ, ըստ Գյուրջինյանի` հաստատությունների «գլխին տնկում են» հսկայական օտարալեզու ցուցանակներ։ Լեզվի կոմիտեն նաև նոր միտում է նկատել. հաստատությունների անունները գրվում են օտարալեզու և «.ам»–ով` պնդելով, որ դա իրենց էլեկտրոնային հասցեն է։ Դավիթ Գյուրջինյանը փաստում է, որ դա, միևնույն է, «Լեզվի մասին» օրենքի խախտում է։
«Միամիտ չպետք է ձևանալ, և օտարամոլության պարանը բերել-փաթաթել մեր վզին, խեղդել մեզ` ՀՀ քաղաքացիներին, որոնք ուզում են իրենց երկրում իրենց օտար չզգալ,–ասաց նա,– Սա զարգացածության նշան չէ։ Մարդիկ սխալվում են, եթե կարծում են, որ իրենք արևմտյան, եվրոպացի դարձան և այլն։ Մենք ինքնատիպ ենք, հետաքրքիր ենք աշխարհին մեր մշակույթով, մեր լեզվով, մեր տեսակով»։
Հայերեն չիմացող Յուջին ռուսական «Նոր աստղ» մրցույթում հայկական «մանտրաներ» է երգում
Իր բարձրաձայնած խնդրում համոզվելու համար լեզվի կոմիտեի ղեկավարն առաջարկում է այցելել ցանկացած առևտրի կենտրոն։
«Մտեք ցանկացած «մոլ», դրանց ներսում Հայաստան չէ»,– ասաց նա։
Նույն խնդիրը կոմիտեի ղեկավարը նկատում է նաև ՀՀ քաղաքական դաշտում։ Նրա դիտարկմամբ, քաղաքական գործիչների մեծամասնությունն այսօր ավելի շատ կիրառում է սահմանների «դեմարկացիա» և «դելիմիտացիա» տերմինները, քան հայերեն «սահմանազատում» և «սահմանագծում»։
«Սահմանազատումն ու սահմանագծումը հայերենի շնորհքն են, գեղեցկությունը, հրաշքը։ Այս բաղադրիչների միջոցով մենք կարող ենք նույնիսկ բառարան չբացել` տեսնելու, թե ինչ է դա նշանակում, որովհետև բառերը հստակ ասում են` սահմանները գծել և զատել»,– ասաց նա։
Օտար լեզվի քննության թեստերը տալու համար 3000 դոլար կաշառք է վերցրել. ԱԱԾ-ն ձերբակալել է
Դավիթ Գյուրջինյանը հայտնեց նաև, որ 2021թ–ի 7 ամիսների ընթացքում հարուցվել է 65 վարչական վարույթ, որից 18-ն արդեն քննվել է դատարանում։
«Զարմանալի բան պիտի ասեմ` այս 18-ից 7-ի դեպքում մեր պահանջը բավարարվել է, 11-ը` մերժվել տարբեր պատճառներով, ոչ մեր ներկայացրած փաստերի ոչ իրավաչափ լինելու, այլ տարբեր այլ պատճառներով»,– ասաց Դավիթ Գյուրջինյանը։
Մյուս վարույթները դեռ դատաքննության փուլ չեն հասել դատարանների ծանրաբեռնվածության պատճառով։
Այդուհանդերձ, Գյուրջինյանը վստահեցնում է` իրենց խնդիրը ոչ թե տուգանելն է, այլ՝ հայերենի պաշտպանությունը։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала