https://arm.sputniknews.ru/20210816/adrbejani-naxagah-pordzum-e-sep-xrel-hay-rusakan-haraberutyunnerum-qaxaqaget-28682903.html
Ադրբեջանի նախագահը փորձում է սեպ խրել հայ–ռուսական հարաբերություններում. քաղաքագետ
Ադրբեջանի նախագահը փորձում է սեպ խրել հայ–ռուսական հարաբերություններում. քաղաքագետ
Sputnik Արմենիա
«Պոլիտէկոնոմիա» հետազոտական ինստիտուտի քաղաքագետ Բենիամին Մաթևոսյանը Sputnik Արմենիայի եթերում անդրադարձել է Ադրբեջանի նախագահ Իլհամ Ալիևի հայտարարությանը... 16.08.2021, Sputnik Արմենիա
2021-08-16T14:11+0400
2021-08-16T14:11+0400
2021-08-16T14:00+0400
ռադիո
ադրբեջան
բենիամին մաթևոսյան
https://cdn.am.sputniknews.ru/img/07e5/05/07/27457333_0:0:1600:906_1920x0_80_0_0_70903b2edd53db84403cec730c625d40.jpg
«Ադրբեջանի նախագահ Իլհամ Ալիևը փորձում է սեպ խրել հայ–ռուսական հարաբերություններում». Մաթևոսյան
Sputnik Արմենիա
«Ադրբեջանի նախագահ Իլհամ Ալիևը փորձում է սեպ խրել հայ–ռուսական հարաբերություններում». Մաթևոսյան
Հատկանշական է, որ Ալիևը հարցազրույց է տվել հենց CNN Turk լրատվամիջոցին, որովհետև նրա հակառուսական հայտարարությունների հետևում կանգնած է Թուրքիան, Ալիևի շուրթերով խոսում է հենց Թուրքիայի նախագահը` դժգոհություն հայտնելով Մոսկվայից, և այդտեղ ավելի շուտ շոշափվում են Անկարայի, այլ ոչ թե Բաքվի շահերը, Sputnik Արմենիային հետ զրույցում նման տեսակետ հայտնեց քաղաքագետ Բենիամին Մաթևոսյանը։ «Էրդողանը զայրացած է այն հանգամանքից, որ 44-օրյա պատերազմի արդյունքում չհասավ իր գերնպատակներին, այսինքն` Ռուսաստանի գործուն ջանքերի շնորհիվ Ադրբեջանի տարածքում թուրքական ռազմաբազա չտեղակայվեց և Նախիջևանը ցամաքով Ադրբեջանին կապող միջանցք չբացվեց։ Բացի այդ, Թուրքիան զրկվել է նաև ապաշրջափակման ենթակա հաղորդակցական ուղիների նկատմամբ վերահսկողություն հասատատելու հեռանկարից»,– ասաց քաղաքագետը։Մաթևոսյանի դիտարկմամբ` Ադրբեջանն իր անկախության տարիների ընթացքում միշտ փորձել է վարել այնպիսի քաղաքականություն, որպեսզի շատ մեծ կախվածության մեջ չլինի ո՛չ Թուրքիայից, ո՛չ Ռուսաստանից` որոշակի հավասարություն պահպանելով այդ երկրների հետ հարաբերություններում, սակայն 44-օրյա պատերազմի արդյունքում Ադրբեջանը դարձել է Թուրքիայի կցորդը։ Նա հիշեցրեց, որ ամիսներ առաջ Անկարան Բաքվից պահանջում էր ճանաչել «Հյուսիսային Կիպրոսի թուրքական Հանրապետության» անկախությունը, այսինքն`լինելով Թուրքիայից կախվածության մեջ` Ադրբեջանն անելու է քայլեր, որոնք ձեռնտու են Էրդողանին ու նրա վարչակազմին։Ադրբեջանական զինված ուժերը կրակոցներ են արձակել Արավուս գյուղի ուղղությամբ. ՄԻՊ«Քանի որ ՌԴ–ն արցախյան հիմնախնդրի հանգուցալուծման և խաղաղության պահպանման հիմնական շահառուն է, հետևաբար տրամաբանական է, որ Ալիևի դժգոհություններն ուղղված են Ռուասատանին, բայցևայնպես Ալիևը հասկանում է մի շատ կարևոր հանգամանք, որ պատմական հնարավորությունների պատուհանը միշտ կարող է բացվել Հայաստանի համար, և առկա ստատուս–քվոն կարող է փոխվել։ Ալիևը գիտակցում է նաև, որ հիշատակված պատմական հնարավորությունների պատուհանը կարող է բացվել ՌԴ–ի հետ սիմետրիկ գործողությունների արդյունքում, հետևաբար փորձում է սեպ խրել հայ–ռուսական հարաբերություններում` հասնելու նրան, որ հայկական բանակը վերազինելու գործում հիմնական շահառու հանդիսացող Ռուսաստանը չկարողանա այդ ուղղությամբ որևէ գործողություն անել»,– նշեց քաղաքագետը։ Մաթևոսյանի պնդմամբ` հենց այդ համատեքստում Ադրբեջանը շարունակելու է սադրանքների դիմել նաև Արցախում, որտեղ տեղակայված են ռուս խաղաղապահները։Հայաստանի բանակի վերափոխումը. պատասխան` Թուրքիայի և Ադրբեջանի ԶՈւ սերտ համագործակցությանըՀիշեցնենք, որ CNN Turk հեռուստաալիքին տված հարցազրույցում Ադրբեջանի նախագահ Իլհամ Ալիևը նշել էր` Ադրբեջանն ակնկալում է, որ Ռուսաստանը չի զինի Հայաստանին։Հավելենք, որ Ալիևն այդ հարցազրույցի ընթացքում հիշատակել էր ՀՀ և ՌԴ պաշտպանության նախարարների հանդիպումը և անհանգստություն հայտնել մասնավորապես Արշակ Կարապետյանի հայտարարության կապակցությամբ, ըստ որի` վերսկսվել է Ռուաստանի կողմից Հայաստանին զինամթերք և զինտեխնիկա մատակարարելու գործընթացը։
https://arm.sputniknews.ru/20210814/alievy-xostovanel-e-aranc-turqiayi-adrbejany-mets-xndirner-kunenar-paterazmum-28672967.html
ադրբեջան
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
ադրբեջան, բենիամին մաթևոսյան
ադրբեջան, բենիամին մաթևոսյան
Ադրբեջանի նախագահը փորձում է սեպ խրել հայ–ռուսական հարաբերություններում. քաղաքագետ
«Պոլիտէկոնոմիա» հետազոտական ինստիտուտի քաղաքագետ Բենիամին Մաթևոսյանը Sputnik Արմենիայի եթերում անդրադարձել է Ադրբեջանի նախագահ Իլհամ Ալիևի հայտարարությանը, որում վերջինս մտահոգություն է հայտնել Ռուսաստանի կողմից Հայաստանին զինելու կապակցությամբ։
Հատկանշական է, որ Ալիևը հարցազրույց է տվել հենց CNN Turk լրատվամիջոցին, որովհետև նրա հակառուսական հայտարարությունների հետևում կանգնած է Թուրքիան, Ալիևի շուրթերով խոսում է հենց Թուրքիայի նախագահը` դժգոհություն հայտնելով Մոսկվայից, և այդտեղ ավելի շուտ շոշափվում են Անկարայի, այլ ոչ թե Բաքվի շահերը,
Sputnik Արմենիային հետ զրույցում նման տեսակետ հայտնեց քաղաքագետ Բենիամին Մաթևոսյանը։
«Էրդողանը զայրացած է այն հանգամանքից, որ 44-օրյա պատերազմի արդյունքում չհասավ իր գերնպատակներին, այսինքն` Ռուսաստանի գործուն ջանքերի շնորհիվ Ադրբեջանի տարածքում թուրքական ռազմաբազա չտեղակայվեց և Նախիջևանը ցամաքով Ադրբեջանին կապող միջանցք չբացվեց։ Բացի այդ, Թուրքիան զրկվել է նաև ապաշրջափակման ենթակա հաղորդակցական ուղիների նկատմամբ վերահսկողություն հասատատելու հեռանկարից»,– ասաց քաղաքագետը։
Մաթևոսյանի դիտարկմամբ` Ադրբեջանն իր անկախության տարիների ընթացքում միշտ փորձել է վարել այնպիսի քաղաքականություն, որպեսզի շատ մեծ կախվածության մեջ չլինի ո՛չ Թուրքիայից, ո՛չ Ռուսաստանից` որոշակի հավասարություն պահպանելով այդ երկրների հետ հարաբերություններում, սակայն 44-օրյա պատերազմի արդյունքում Ադրբեջանը դարձել է Թուրքիայի կցորդը։ Նա հիշեցրեց, որ ամիսներ առաջ Անկարան Բաքվից պահանջում էր ճանաչել «Հյուսիսային Կիպրոսի թուրքական Հանրապետության» անկախությունը, այսինքն`լինելով Թուրքիայից կախվածության մեջ` Ադրբեջանն անելու է քայլեր, որոնք ձեռնտու են Էրդողանին ու նրա վարչակազմին։
«Քանի որ ՌԴ–ն արցախյան հիմնախնդրի հանգուցալուծման և խաղաղության պահպանման հիմնական շահառուն է, հետևաբար տրամաբանական է, որ Ալիևի դժգոհություններն ուղղված են Ռուասատանին, բայցևայնպես Ալիևը հասկանում է մի շատ կարևոր հանգամանք, որ պատմական հնարավորությունների պատուհանը միշտ կարող է բացվել Հայաստանի համար, և առկա ստատուս–քվոն կարող է փոխվել։ Ալիևը գիտակցում է նաև, որ հիշատակված պատմական հնարավորությունների պատուհանը կարող է բացվել ՌԴ–ի հետ սիմետրիկ գործողությունների արդյունքում, հետևաբար փորձում է սեպ խրել հայ–ռուսական հարաբերություններում` հասնելու նրան, որ հայկական բանակը վերազինելու գործում հիմնական շահառու հանդիսացող Ռուսաստանը չկարողանա այդ ուղղությամբ որևէ գործողություն անել»,– նշեց քաղաքագետը։
Մաթևոսյանի պնդմամբ` հենց այդ համատեքստում Ադրբեջանը շարունակելու է սադրանքների դիմել նաև Արցախում, որտեղ տեղակայված են ռուս խաղաղապահները։
Հիշեցնենք, որ CNN Turk հեռուստաալիքին տված հարցազրույցում Ադրբեջանի նախագահ Իլհամ Ալիևը նշել էր` Ադրբեջանն ակնկալում է, որ Ռուսաստանը չի զինի Հայաստանին։
Հավելենք, որ Ալիևն այդ հարցազրույցի ընթացքում հիշատակել էր ՀՀ և ՌԴ պաշտպանության նախարարների հանդիպումը և անհանգստություն հայտնել մասնավորապես Արշակ Կարապետյանի հայտարարության կապակցությամբ, ըստ որի` վերսկսվել է Ռուաստանի կողմից Հայաստանին զինամթերք և զինտեխնիկա մատակարարելու գործընթացը։
