Արման Թաթոյանի միջնորդությամբ զինվորը վիրահատվել է

© Photo : David Ghagramanyan / Արցախի Տեղեկատվական շտաբ / NKR InfoCenter / НКР ИнфоЦентрВрачи оперируют раненного впоследствии обстрелов Степанакерта (28 октября 2020). Карабах
Врачи оперируют раненного впоследствии обстрелов Степанакерта (28 октября 2020). Карабах - Sputnik Արմենիա, 1920, 16.08.2021
Բաժանորդագրվեք
Դիմումատուի պնդմամբ՝ իր որդու առողջական խնդիրներին ծառայության վայրում հնարավոր չէ տրամադրել պատշաճ բժշկական օգնություն, քանի որ առկա չեն բժիշկ-մասնագետներ և համապատասխան գործիքակազմ։
ԵՐԵՎԱՆ, 16 օգոստոսի -Sputnik. ՀՀ մարդու իրավունքների պաշտպան Արման Թաթոյանի աջակցությամբ ծառայության մեջ գտնվող զինվորը վիրահատվել է։ Տեղեկությունը Facebook–ի իր էջում հայտնել է ՄԻՊ Արման Թաթոյանը։
Քաղաքացին դիմել է Մարդու իրավունքների պաշտպանի գրասենյակ` որդու առողջական բոլոր խնդիրների համար բժշկական հետազոտություններ ու բուժում տրամադրելուն աջակցելու խնդրանքով:
Азербайджанский приграничный пост на границе близ села Ерасх - Sputnik Արմենիա, 1920, 15.08.2021
Ադրբեջանական զինված ուժերը կրակոցներ են արձակել Արավուս գյուղի ուղղությամբ. ՄԻՊ
Զինվորի մայրը դիմումով նշել է, որ իր որդին 2020 թվականի ամառային զորակոչին բժշկական հետազոտությունների ու փորձաքննության հիման վրա սահմանափակումով պիտանի է ճանաչվել զինվորական ծառայության համար և զորակոչվել ՀՀ զինված ուժեր:
«Դիմումատուն նշել է, որ որդին ունի առողջական մի շարք խնդիրներ: Ըստ նրա՝ առողջական խնդիրների կապակցությամբ որդուն վիրահատություն իրականացնելու ցուցում է տրվել, սակայն մարտական գործողություններ սկսվելու պատճառով վիրահատությունը չի իրականացվել»,–գրել է պաշտպանը:
Բողոք ներկայացրած անձի պնդմամբ՝ մարտական գործողություններին մասնակցելուց հետո որդու առողջական վիճակը վատթարացել է: Նա նաև ունի բարձր ջերմություն, հազ, մշտական թուլություն:
«Դիմումատուի պնդմամբ՝ նշված առողջական խնդիրների կապակցությամբ ծառայության վայրում հնարավոր չէ զինվորին տրամադրել պատշաճ բժշկական օգնություն, քանի որ առկա չեն բժիշկ-մասնագետներ և համապատասխան գործիքակազմ»,–գրել է պաշտպանը:
Ադրբեջանական հենակետերը պետք է հեռացվեն բնակավայրերի մոտից. Արցախի ՄԻՊ–ը` սպառնալիքի մասին
Բողոքում բարձրացված հարցի կապակցությամբ պաշտպանը գրություն է հասցեագրել ՀՀ պաշտպանության նախարարություն՝ առաջարկելով ստուգել զինվորի ընթացիկ առողջական վիճակը, ստուգման արդյունքներով պայմանավորված՝ միջոցներ ձեռնարկել նրա առողջական բոլոր խնդիրների կապակցությամբ բժշկական հետազոտություններ իրականացնելու ու բուժում տրամադրելու ուղղությամբ:
Ադրբեջանական զինծառայողները կրակոցներ են արձակում նաև հարբած վիճակում. Արման Թաթոյան
Պաշտպանության նախարարությունից ստացված պատասխանի համաձայն՝ զինվորը մասնագիտական հետազոտման և բուժման նպատակով տեղափոխվել է Կենտրոնական կլինիկական զինվորական հոսպիտալ, որտեղ կատարվել են անհրաժեշտ բոլոր հետազոտությունները և բժիշկ մասնագետների խորհրդատվությունները:
Արդյունքում, զինվորը վիրահատվել է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала