Սիսիանի քաղաքապետ Արթուր Սարգսյանը հրաժարականի դիմում է ներկայացրել

© Sputnik / Asatur YesayantsАртур Саркисян на заседании партии "Возрождающаяся Армения" (20 марта 2021). Еревaн
Артур Саркисян на заседании партии Возрождающаяся Армения (20 марта 2021). Еревaн - Sputnik Արմենիա, 1920, 16.08.2021
Բաժանորդագրվեք
НовостиTelegram
Լիազորությունները վաղաժամկետ դադարեցնելու մասին դիմումը ներկայացվել է այսօր Սիսիան համայնքի ավագանու նիստում։
ԵՐԵՎԱՆ, 16 օգոստոսի - Sputnik. Սյունիքի մարզի Սիսիանի համայնքի ղեկավար Արթուր Սարգսյանը հրաժարականի դիմում է ներկայացրել։ Այս մասին հայտնում է նրա փաստաբան Էմին Խաչատրյանը։
Автомобиль патрульной службы на улице Вардананц - Sputnik Արմենիա, 1920, 13.08.2021
Ուժեղացված ծառայություն Սիսիանում. հայտնաբերվել են հրացան, մահակներ
«Ցանկանալով զբաղվել ՀՀ Ազգային ժողովի պատգամավորի լիազորություններից բխող գործունեությամբ` 2021թ. օգոստոսի 16-ին ՀՀ Սյունիքի մարզի Սիսիանի համայնքի ավագանուն ներկայացրել է Սիսիանի համայնքի ղեկավարի լիազորությունները վաղաժամկետ դադարեցնելու մասին դիմում»,– Սարգսյանի հրաժարականի դիմումից մեջբերում է փաստաբանը:
Հիշեցնենք` Արթուր Սարգսյանը պատգամավորական մանդատ էր ստացել «Հայաստան» դաշինքնի ցուցակով արտահերթ ընտրություններին մասնակցության արդյունքում։
Հուլիսի 13-ին ՀՀ գլխավոր դատախազությունը կենտրոնական ընտրական հանձնաժողով միջնորդություն էր ներկայացրել Սիսիանի համայնքապետ Արթուր Սարգսյանին անձեռնմխելիությունից զրկելու համար: Հուլիսի 15-ին ԿԸՀ–ն բավարարել էր միջնորդությունը, և Սարգսյանը ձերբակալվել էր։
Հայտնի է` ինչու են ձերբակալել Սիսիանի համայնքապետին. կալանքի միջնորդություն է ներկայացվել
Ըստ ՀՀ քննչական կոմիտեի` Սարգսյանի դեմ հարուցված քրգործի դեպքն առնչվում է 2016թ. դեկտեմբերին Սիսիանի «էմմա Ասյանի անվան մանկական երաժշտական դպրոցի» շենքում ջեռուցման համակարգի տեղադրման աշխատանքների իրականացմանը: Քննության տվյալներով՝ գնման մրցույթում առավել ցածր գին առաջարկած մասնակցի փոխարեն հաղթող է ճանաչվել բարձր գին առաջարկած, համայնքի ղեկավարի հետ փոխկապակցված ՍՊԸ-ն, Սիսիան համայնքին պատճառվել է 3 631 050 դրամի գույքային վնաս:
Արթուր Սարգսյանին մեղադրանք է առաջադրվել ՀՀ քրեական օրենսգրքի 308-րդ հոդվածի 2-րդ մասով (պաշտոնեական լիազորությունները չարաշահելը) և 314-րդ հոդվածի 1-ին մասով (պաշտոնեական կեղծիքը)։
Նշենք, որ Էմին Խաչատրյանն ավելի վաղ Sputnik Արմենիայի հետ զրույցում ասել էր, որ իր պաշտպանյալը չի ընդունում մեղադրանքը։
Փլուզում Սիսիանում. փրկարարները քաղաքացուն դուրս են բերել հողաշերտի տակից
Լրահոս
0