Ալիևը սպառնացել է Հայաստանին և խոստացել «Զանգեզուր վերադարձնել» իր քաղաքացիներին

© Пресс-служба президента Азербайджана / Անցնել ֆոտոբանկПрезидент Азербайджана Ильхам Алиев
Президент Азербайджана Ильхам Алиев  - Sputnik Արմենիա, 1920, 17.08.2021
Ադրբեջանի նախագահ Իլհամ Ալիևը հայտարարել է, որ Հայաստանի Հանրապետության մի շարք տարածքներ իբր պատկանում են Ադրբեջանին:
ԵՐԵՎԱՆ, 17 օգոստոսի – Sputnik. Ադրբեջանի նախագահ Իլհամ Ալիևը հերթական սպառնալիքներն է ուղղել Հայաստանին` հայտարարելով, որ Վարդենիսն ու Սյունիքի մարզը ադրբեջանական հողեր են:
Норайр Дунамалян на пресс-конференции по теме открытия первой  международной научно-образовательной школы в Дилижане - Sputnik Արմենիա, 1920, 16.08.2021
ՌԱԴԻՈ
Իլհամ Ալիևը երեք նպատակ ունի. Դունամալյանը` հայկական դիվանագիտության ու բանակի մասին
Ալիևն այցելել է Քարվաճառ (Քելբաջար), որը 2020 թվականի նոյեմբերի 9-ի եռակողմ հայտարարությունից հետո անցավ Ադրբեջանին։ Հատկանշական է, որ նրա այցից առաջ սահմանի այս ուղղությամբ ինտենսիվ փոխհրաձգություն էր եղել, որի ընթացքում հայ զինծառայող էր զոհվել։ Կորուստներ էր ունեցել նաև ադրբեջանական կողմը՝ երեք զոհ և մեկ վիրավոր ։ Հակառակորդը գնդակոծել էր նաև Կութ և Նորաբակ գյուղերը։
Վարդենիս-Քարվաճառ մայրուղու մոտ Ալիևը հայտարարել է, որ Վարդենիսն «ադրբեջանական հին հող» է։
ՌԴ–ն առաջին անգամ հանդես եկավ հասցեական հայտարարությամբ. ինչո՞ւ է Ալիևը նյարդայնացել
«Սա Գեյչան է, ադրբեջանական հին հող։ 1930 թվականին Հայաստանի տարածքում ստեղծվեց Բասարգեչարի շրջանը, որի բնակիչների բացարձակ մեծամասնությունը ադրբեջանցիներ էին։ Զոդ (Սոթք) գյուղի բնակիչները նույնպես ադրբեջանցիներ էին։ Նրանք արտաքսվել են։ Միայն 1969թ. հունիսին Հայաստանը Բասարգեչարի շրջանը վերանվանեց և կոչեց Վարդենիս։ Ես խնդրում եմ, ռեպորտաժներում և ընդհանրապես մեր բառապաշարում պետք է օգտագործվի ոչ թե Վարդենիսը, այլ պետք է վերականգնվի Բասարգեչար անվանումը», - ասել է նա։
Խոսելով Սյունիքի Սև լճի մոտ տիրող իրավիճակի մասին, որտեղ ադրբեջանական զինված ուժերը մայիսից դիրքեր են գրավել հայկական տարածքի հաշվին, Ալիևը հայտարարել է, որ Երևանի «հավակնություններն» անհիմն են:
Արտակ Բեգլարյան - Sputnik Արմենիա, 1920, 16.08.2021
Արցախի պետնախարարը պատասխանել է Ալիևին
«Այդ սահմանը 30 տարի գտնվել է հայերի ձեռքում, մայիսին՝ ձյան հալչելուց հետո, մենք դուրս եկանք այդ սահմաններ, գրավեցինք մեր դիրքերը։ Տեղավորվել ենք Զանգեզուրում և ամրապնդվում ենք այնտեղ։ Դա մեր հողն է։ Հայկական կողմի հայտարարություններն անհիմն են։ Մենք մեր հողում ենք», - հայտարարել է Ադրբեջանի նախագահը ։
Նա ասել է, որ «Արևմտյան Զանգեզուրը» (նկատի ունի Հայաստանի Հանրապետության Սյունիքի մարզը. խմբ.) այժմ գտնվում է Հայաստանի վերահսկողության տակ, բայց Ադրբեջանը մտադիր է այսպես կոչված «Զանգեզուրի միջանցքի» միջոցով օգտագործել այն և «իր քաղաքացիներին վերադարձնել նախնիների երկիր»։ Ադրբեջանի նախագահը հավելել է, որ այդ խնդիրը թողել է հաջորդ փուլի համար։
Ալիևը խոստովանել է` առանց Թուրքիայի Ադրբեջանը մեծ խնդիրներ կունենար պատերազմում
Հիշեցնենք `Հայաստանի ու Ադրբեջանի սահմանին իրավիճակը սրվեց մայիսի 12-ին։ Ադրբեջանցի զինվորականներն այժմ գտնվում են Սյունիքի մարզի Սև լճի տարածքում և փորձում են ամրապնդվել այնտեղ։ Նման իրավիճակ է ստեղծվել Գեղարքունիքի մարզում՝ Վարդենիսի մոտակայքում։ Լարվածության ևս մեկ օջախ էլ կա Արարատի մարզի Երասխ գյուղի մոտ (Նախիջևանի ուղղություն)։
Այդ հատվածներում պարբերաբար փոխհրաձգություններ են գրանցվում։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала