Фон для радио  - Sputnik Արմենիա, 1920
ՌԱԴԻՈ

Դատախազությունը ձգտում է ամեն գնով Չարչյանին զրկել ազատությունից. պաշտպանը` բողոքի մասին

© Sputnik / Arsen HakobyanАдвокат Эрик Алексанян в гостях радио Sputnik
Адвокат Эрик Алексанян в гостях радио Sputnik - Sputnik Արմենիա, 1920, 17.08.2021
ԱԺ «Հայաստան» դաշինքի պատգամավոր, «Իզմիրլյան» ԲԿ նախկին տնօրեն Արմեն Չարչյանի պաշտպան Էրիկ Ալեքսանյանը Sputnik Արմենիայի եթերում անդրադարձել է իր պաշտպանյալին կրկին կալանավորելու դատախազության պահանջին։
Էրիկ Ալեքսանյան. «Դատախազի կողմից Չարչյանի գործով Վարաքննիչ ներկայացված բողոքն միանշանակ անհիմն է»
Վերաքննիչ դատարանում Արմեն Չարչյանի գործով դեռ դատական նիստ նշանակված չէ, իսկ դատախազի կողմից Վերաքննիչ ներկայացված բողոքը միանշանակ անհիմն է։ Sputnik Արմենիայի հետ զրույցում տեղեկությունը հայտնեց ԱԺ «Հայաստան» դաշինքի պատգամավոր Արմեն Չարչյանի փաստաբան Էրիկ Ալեքսանյանը։ Նա տեղեկացրեց, որ իրենք համապատասխան փաստարկները դատական նիստի ժամանակ ներկայացնելու են։
«Ի սկզբանե դատախազության նման գործելաոճը եղել է ինքնանպատակ` թե՛ պարոն Չարչյանին կալանավորելու միջնորդություն ներկայացնելը, թե՛ դրան հաջորդած գրավի դիմաց նրան ազատ արձակելուց հետո համապատասխան բողոք ներկայացնելը։ Տրամաբանություն ու դատավարական նպատակ այս գործողությունների մեջ իսկապես պետք չէ փնտրել։ Դատախազությունը ձգտում է ամեն գնով Արմեն Չարչյանին զրկել ազատությունից, ինչը վառ ապացույցն է նրա, որ Չարչյանը ենթարկվում է քաղաքական հետապնդման սույն քրեական գործով»,– ասաց փաստաբանը։
Депутат Армен Чарчян - Sputnik Արմենիա, 1920, 08.08.2021
Ամեն ժողովուրդ արժանի է իր իշխանությանը․ բժիշկ Չարչյանի 1–ին հարցազրույցը որպես պատգամավոր
Ալեքսանյանի համոզմամբ` ընդհանուր իրավասության դատարանը շատ ճիշտ եզրահանգման է եկել, որ գրավը և ստորագրություն չհեռանալու մասին խափանման միջոցներն ի զորու են ապահովել Չարչյանի պատշաճ վարքագիծը գործի քննության ընթացքում և արդեն իսկ իրական կյանքում ակնհայտ է, որ դատարանի համապատասխան որոշումից հետո պարոն Չարչյանը ոչ պատշաճ վարքագիծ չի ցուցաբերել։
Ըստ նրա` Արմեն Չարչյանն ավելի քան մեկ ամիս գտնվում է  ազատության մեջ և ոչ իրավաչափ գործողություն չի կատարել։
Վերաքննիչ քրեական դատարանն ամեն դեպքում պետք է քննարկի ընդհանուր իրավասության դատարանի որոշման օրինականությունը, բայց Վերաքննիչ դատական ատյանը միևնույն ժամանակ պետք է գնահատի յուրաքանչյուր գործոն այս կամ այն հարցի լուծման տեսանկյունից։ Այն չի կարող չգնահատել և անուշադրության մատնել այն հանգամանքը, որն առկա է օբյեկտիվ իրականության մեջ, այսինքն` անձը, գտնվելով ազատության մեջ, պատշաճ վարքագիծ է դրսևորում, հետևաբար հարկադրանքի միջոցի կիրառումը չպետք է լինի ինքնանպատակ։        
Նշենք, որ մեղադրող դատախազ Մարգարյանը վերաքննիչ բողոք է ներկայացրել՝ պահանջելով բեկանել Արմեն Չարչյանի նկատմամբ ընտրված խափանման միջոց կալանավորումը գրավով փոխարինելու մասին դատարանի որոշումը, իսկ Չարչյանի նկատմամբ նախկինում ընտրված խափանման միջոց կալանավորումը համարել հիմնավորված և թողնել անփոփոխ։ Դատախազության կողմից ներկայացված վերաքննիչ բողոքը դատարանի նախագահի կողմից օգոստոսի 10-ին մակագրվել է Վերաքննիչ քրեական դատարանի դատավոր Սևակ Համբարձումյանին։
Հավատքի մարդ եմ, չեմ ուզում Աստծո մոտ գլխիկոր կանգնել. Չարչյանը՝ պատգամավոր դառնալու մասին
Հիշեցնենք, որ Երևանի ընդհանուր իրավասության դատարանը՝ դատավոր Վահե Միսակյանի նախագահությամբ, գործի՝ դատաքննության նախապատրաստման փուլում քննարկել էր Չարչյանի խափանման միջոցի հարցը և հուլիսի 21-ին նրան կալանքից ազատել՝ բավարարելով Արմեն Չարչյանին գրավի դիմաց ազատ արձակելու մասին պաշտպանների միջնորդությունը՝ գրավի չափ սահմանելով 15 մլն ՀՀ դրամը։
Արմեն Չարչյանը հունիսի 20–ին կայացած արտահերթ խորհրդարանական ընտրությունների արդյունքներով «Հայաստան» դաշինքի ցուցակով ընտրվել է ԱԺ պատգամավոր։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала