Գորիսի փոխհամայնքապետներին ձերբակալել են կալանավորելու համար. ՔԿ-ն մանրամասներ է հայտնել

Քննչական կոմիտե - Sputnik Արմենիա, 1920, 17.08.2021
Բաժանորդագրվեք
ՀՀ քննչական կոմիտեն մանրամասներ է հայտնել այսօր ձերբակալությունների առնչությամբ։
ԵՐԵՎԱՆ, 17 օգոստոսի – Sputnik. Գորիս համայնքի ղեկավարի պաշտոնակատար Իրինա Յոլյանը, համայնքի ղեկավարի տեղակալ Մենուա Հովսեփյանը, Գորիսի համայնքապետարանի աշխատակիցներ Արմինե Չոփչյանը և Սուսաննա Սարգսյանը ձերբակալվել են՝ նրանց նկատմամբ կալանավորումը որպես խափանման միջոց ընտրելու համար: Տեղեկությունը հայտնում է ՀՀ քննչական կոմիտեն` մանրամասներ հայտնելով այսօր ձերբակալությունների առնչությամբ։
Сотрудники правоохранительных органов подвергли приводу заместителя главы Гориса Ирину Йолян (17 августа 2021). Горис - Sputnik Արմենիա, 1920, 17.08.2021
Գորիսի երկու փոխքաղաքապետները ձերբակալվել են. լուսանկարներ
Մենուա Հովսեփյանը Քարահունջի վարչական ղեկավարին հարկադրել է ԱԺ արտահերթ ընտրությունների «Հայաստան» դաշինքի`  2021թ. հունիսի 8-ին Գորիսում հրավիրված հանրահավաքին ապահովել 80 անձի մասնակցություն: Բացի այդ, քարոզարշավի ընթացքում Հովսեփյանը համայնքի բնակիչների հետ ունեցել է բազմաթիվ հանդիպումներ, որոնց ընթացքում հայտնել է համայնքի պատրաստակամությունը սոցիալապես անապահով անձանց կարիքները հոգալու հարցում՝ նշելով, որ ցանկացողները կարող են դիմում ներկայացնել համայնքի ղեկավարին:
ՀՀ ԱԺ արտահերթ ընտրություններին առաջադրված «Հայաստան» դաշինքի և դաշինքի պատգամավորության թեկնածու, Գորիսի ղեկավար Առուշ Առուշանյանի օգտին հնարավորինս առավելագույն քվե ապահովելու նպատակով, փոխքաղաքապետներ Մենուա Հովսեփյանը և Իրինա Յոլյանը, համաձայնության են եկել «Սոցիալական և բնակարանային հարցերի ուսումնասիրության» հանձնաժողովի անդամների հետ և 115 բնակիչներից ստացած դրամական աջակցություն խնդրելու վերաբերյալ դիմումները բավարարել։ Սակայն, ըստ ՔԿ–ի, 61 բնակչի կողմից ներկայացված դիմումներն ակնհայտ ենթակա չեն եղել բավարարման:
Այնուհետև Իրինա Յոլյանը համայնքի բյուջեից ելքագրված 6.130.000 դրամից 3.630.000 դրամի չափով դրամական աջակցություն է ցուցաբերվել 61 բնակչի, որոնք չեն հանդիսացել դրամական աջակցություն ցուցաբերելու շահառուներ։
Սիսիանի քաղաքապետ Արթուր Սարգսյանը հրաժարականի դիմում է ներկայացրել
Բացի այդ, Մենուա Հովսեփյանն ԱԺ արտահերթ ընտրություններին ընդառաջ Քարահունջ բնակավայրի վարչական ղեկավարին հանձնարարել է ընտրություններին առաջադրված «Հայաստան» դաշինքի համար Քարահունջ բնակավայրում նախընտրական շտաբի համար տարածք վարձակալել: Այդ նպատակով 100 000 դրամով վարձակալվել է համայնքի բնակչին պատկանող տարածքը, սակայն ընտրություններից հետո համայնքի ղեկավարի տեղակալը այդ գումարը վճարելու համար առաջարկել է քաղաքացուն սոցաջակցություն ստանալու դիմում ներկայացնել համայնքի ղեկավարի անվամբ: Քաղաքացին դիմում է ներկայացրել և նրան 100 000 դրամ են տրամադրել:
Քարահունջի ղեկավար Լուսինե Ավետյանն ազատ է արձակվել. հաշվի են առել ինքնախոստովանությունը
Օգոստոսի 16-ին որոշումներ են կայացվել Գորիս համայնքի ղեկավարի պաշտոնակատար Իրինա Յոլյանին, համայնքապետարանի երկու աշխատակիցներին քրեական օրենսգրքի 179-րդ հոդվածի 3-րդ մասի 1-ին կետով (յուրացնելը կամ վատնելը), իսկ համայնքի ղեկավարի տեղակալ Մենուա Հովսեփյանին՝ քրեական օրենսգրքի 149.1-րդ հոդվածի 2-րդ մասի 1-ին և 2-րդ կետերով (քարոզչություն կատարելուն կամ քարոզչություն կատարելուց հրաժարվելուն հարկադրելը), 179-րդ հոդվածի 3-րդ մասի 1-ին և 179-րդ հոդվածի 2-րդ մասի 1-ին կետերով նախատեսված արարքներ կատարելու համար որպես մեղադրյալներ ներգրավելու մասին:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала