Ընթացքի մեջ է. ԳՇ պետը՝ զինծառայողներին սահմանապահներով փոխարինելու մասին. տեսանյութ

Բաժանորդագրվեք
Զինված ուժերը պետք է պատրաստ լինեն իրականացնել իրենց առջև դրված խնդիրները՝ գտնվելով մշտական տեղակայման վայրերում։
ԵՐԵՎԱՆ, 22 օգոստոսի - Sputnik. Զինծառայողներին սահմանապահներով փոխարինելու գործընթացն արդեն ընթացքի մեջ է։ Դիլիջանում «Խաղաղության մարտիկ» մրցախաղի բացման հանդիսավոր արարողության ժամանակ Sputnik Արմենիայի հետ բացառիկ հարցազրույցում ասել է ՀՀ ՊՆ գլխավոր շտաբի պետ Արտակ Դավթյանը։
Мобилизация в Карабахе - Sputnik Արմենիա, 1920, 22.08.2021
Ժամկետային ծառայությունը պետք է պահպանվի. ԳՇ պետը՝ պրոֆեսիոնալ բանակի մասին
«Սահմանը մեկն է՝ կլինի Թուրքիայի, թե մեկ այլ երկրի հետ, և դրանով որոշվում են պետության ինքնիշխանության հատվածները։ Միջոցառումներն արդեն ընթացքի մեջ են։ Արդեն կան սահմանի որոշակի հատվածներ, որտեղ ծառայություն են իրականացնում Ազգային անվտանգության ծառայության սահմանապահ զորքերը։ Ընթանում են համապատասխան գործընթացներ՝ սահմանի որոշակի հատվածներ հանձնելու սահմանապահ ծառայության իրականացման համար»,- նշել է Դավթյանը։
Միաժամանակ ՀՀ ՊՆ ԳՇ պետն ընդգծել է, որ Զինված ուժերը պետք է պատրաստ լինեն իրականացնել իրենց առջև դրված խնդիրները՝ գտնվելով մշտական տեղակայման վայրերում։
Նա հավելել է, որ Զինված ուժերը կատարում են այն խնդիրները, որոնք դրվում են քաղաքական ղեկավարության կողմից։
Արտակ Դավթյանը մեկնաբանել է Ադրբեջանի հետ սահմանին տիրող իրավիճակը
Նշենք, որ օգոստոսի 18-ին ՀՀ վարչապետ Նիկոլ Փաշինյանը, ներկայացնելով կառավարության 2021-2026 թթ.ծրագիրը, ասել էր, որ Հայաստանը նախատեսում է սահմանի որոշ հատվածների պաշտպանությունը փոխանցել սահմանապահ զորքերին:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала