«Ալեն Սիմոնյանն ամեն ինչ Նիկոլ Փաշինյանի սրտով է անում». Աննա Մկրտչյան

© Sputnik / Asatur YesayantsВыступление Алена Симоняна во время первого заседания парламента Армении 7-го созыва (14 января 2019). Еревaн
Выступление Алена Симоняна во время первого заседания парламента Армении 7-го созыва (14 января 2019). Еревaн - Sputnik Արմենիա, 1920, 24.08.2021
«Պատիվ ունեմ» խմբակցության պատգամավորը մեկնաբանեց իրեն ԱԺ դահլիճից դուրս հրավիրելու դեպքը։
ԵՐԵՎԱՆ, 24 օգոստոսի – Sputnik. ՀՀ ԱԺ «Պատիվ ունեմ» խմբակցության պատգամավոր Աննա Մկրտչյանը վզի, ձեռքերի և ոտքերի հատվածում վնասվածքներ ունի։ Մկրտչյանը լրագրողների հետ զրույցում հայտնեց այդ մասին` անդրադառնալով ԱԺ անվտանգության աշխատակիցների կողմից իրեն ԱԺ նիստերի դահլիճից դուրս բերելու դեպքին։
Пустые стулья на заседании Парламента Армении (24 августа 2021). Еревaн - Sputnik Արմենիա, 1920, 24.08.2021
«Նիկո՛լ, դավաճան». խորհրդարանի նիստում սկսված իրարանցումը վերածվեց ծեծկռտուքի. տեսանյութ
Հայտնել էինք, որ ՀՀ ԱԺ նախագահ Ալեն Սիմոնյանը հրահանգեց ԱԺ դահլիճից հեռացնել «Պատիվ ունեմ» խմբակցության պատգամավոր Աննա Մկրտչյանին։ Դա տեղի ունեցավ այն բանից հետո, երբ Մկրտչյանը վարչապետ Նիկոլ Փաշինյանին հարց ուղղելիս փորձեց ներկայացնել նաև, իր խոսքով, «դահլիճում տիրող իրավիճակը»։ Մկրտչյանն ասել էր, թե «այս անձնավորությունը» (խմբ.– Նիկոլ Փաշինյանը) իր հետ դահլիճ է բերել «ախռաննիկների», որոնք երբևէ ԱԺ չեն մտել։
«Ալեն Սիմոնյանը չի կարող ամեն անգամ ընդդիմադիր պատգամավորներին լռեցնել։ Ես անգամ որակումներ չհնչեցրի Փաշինյանի հասցեին, ուղղակի ասացի, որ ԱԺ–ում առաջին անգամ նստած են «ախռաննիկներ»։ Բնականաբար, բողոքարկելու ենք այս ամեն ինչի դեմ, սակայն հարցն այն է, որ ուզում են ամեն կերպ սահմանափակել իրականության ներթափանցումն այս դահլիճ»,–ասաց Մկրտչյանը։
Առավոտից երեկո աշխատում ենք, բայց արդյունքը չենք տեսնում. ինչ է առաջարկում կառավարությունը
Նրա խոսքով` այդքան մեծ թվով անվտանգության աշխատակիցներ բերելով, ԱԺ իշխանությունն ուզում է ընդդիմադիրներին լրացուցիչ կաշկանդվածության մեջ դնել։
Մկրտչյանը հավելեց` Ալեն Սիմոնյանն ամեն ինչ Նիկոլ Փաշինյանի «սրտով է անում»։
Հիշեցնենք, որ Ալեն Սիմոնյանը պահանջեց, որպեսզի Մկրտչյանը լքի ԱԺ դահլիճը։ Իսկ երբ վերջինս հրաժարվեց անել դա, անվտանգության աշխատակիցներին հրահանգեց պատգամավորին դուրս ուղեկցել։ Այս հայտարարությունից հետ ընդդիմադիր պատգամավորները մոտեցան Աննա Մկրտչյանին` փորձելով թույլ չտալ անվտանգության աշխատակիցներին դուրս հանել նրան։
Դահլիճում սկսված իրարանցումից հետո Ալեն Սիմոնյանը 20 րոպե ընդմիջում հայտարարեց։
«Նիկոլ Փաշինյան, էլ լրագրող չես». ԱԺ օթյակում բողոքի ակցիա էր
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала