ՀՀ–ում ԱՄՆ դեսպանն այցելել է Տավուշի մարզ
13:23 24.08.2021 (Թարմացված է: 13:48 24.08.2021)
© Photo : Facebook / ՀՀ Տավուշի մարզպետարան /Tavush Administrative Region RA/Губернатор Тавуша Айк Галумян на встрече с послом США в Армении Линн Трейси
Բաժանորդագրվել
Տավուշի մարզպետի և ԱՄՆ դեսպանի միջև տեղի ունեցած հանդիպման ընթացքում քննարկվել են համագործակցության հնարավոր ուղիները:
ԵՐԵՎԱՆ, 24 օգոստոսի - Sputnik. Տավուշի մարզպետ Հայկ Ղալումյանն այսօր հանդիպել է Հայաստանում ԱՄՆ դեսպան Լին Թրեյսիի հետ: Տեղեկությունը հայտնում է Տավուշի մարզպետարանի մամուլի ծառայությունը։
© Photo : Facebook / ՀՀ Տավուշի մարզպետարան /Tavush Administrative Region RA/Губернатор Тавуша Айк Галумян на встрече с послом США в Армении Линн Трейси
Губернатор Тавуша Айк Галумян на встрече с послом США в Армении Линн Трейси
Մարզպետը ԱՄՆ դեսպանին է ներկայացրել Տավուշի մարզը, վերջին շրջանում մարզում իրականացված աշխատանքները, զարգացման հնարավորություններն ու հեռանկարները: Մարզպետն անդրադարձել է նաև մարզում տուրիզմի զարգացմանը, գյուղատնտեսությանը, արդյունաբերությանը:
Հանդիպման ընթացքում քննարկվել են նաև համագործակցության հնարավոր ուղիները:
© Photo : Facebook / ՀՀ Տավուշի մարզպետարան /Tavush Administrative Region RA/Посол США в Армении Линн Трейси
Посол США в Армении Линн Трейси
«Դեսպան Լին Թրեյսին շնորհակալություն է հայտնել ընդունելության համար, նշել, որ ուրախ է ծանոթանալու այն տեսլականին, որը հնարավորություն կտա աջակցել մարզի զարգացմանը»,–նշված է հաղորդագրության մեջ։
Հանդիպման վերջում հյուրերը փոխանակվել են հուշանվերներով:
Հիշեցնենք` ապրիլի 19-ին ԱՄՆ դեսպան Լին Թրեյսին այցելել էր Սյունիք, հուլիսի 26–ին` ՀՀ ՊՆ ներկայացուցիչների ուղեկցությամբ այցելել էր Գեղարքունիքի մարզ։ Օգոստոսի 9–ին Թրեյսին կրկին այցելել էր Սյունիք, այս անգամ շրջել էր մարզի գեղատեսիլ վայրերով և այցելել Տաթևի վանական համալիր։