Հրահանգել եմ` ոչ մեկին չքաշքշեն, առավել ևս` զուգարանում. Փաշինյանը` ԱԺ–ի ծեծկռտուքի մասին

© Sputnik / Asatur Yesayants Премьер-министр Никол Пашинян на заседании Парламента Армении (24 августа 2021). Еревaн
 Премьер-министр Никол Пашинян на заседании Парламента Армении (24 августа 2021). Еревaн - Sputnik Արմենիա, 1920, 24.08.2021
Բաժանորդագրվեք
ՀՀ վարչապետը ՀՅԴ–ական ընդդիմադիր պատգամավորին հիշեցրեց նրա կուսակցի մահվան դեպքը, որը տեղի է ունեցել 2001թ–ին «Առագաստ» սրճարանում։
ԵՐԵՎԱՆ, 24 օգոստոսի – Sputnik. ՀՀ վարչապետ Նիկոլ Փաշինյանը քաջալերեց ԱԺ դահլիճում այսօր Պետական պահպանության ծառայության իրականացրած գործողությունները։
ԱԺ–ում ծեծկռտուքի ժամանակ պատռվեց Արծվիկ Մինասյանի վերնաշապիկը - Sputnik Արմենիա, 1920, 24.08.2021
ԱԺ–ում ծեծկռտուքի ժամանակ պատռվեց Արծվիկ Մինասյանի վերնաշապիկը․ տեսանյութ
«Ես հետևել եմ Պետական պահպանության ծառայության գործողություններին ԱԺ դահլիճում։ Եվ ուզում եմ քաջալերել նրանց` շարունակել պահպանել Ազգային ժողովի բնականոն գործունեությունը՝ ԱԺ նախագահի հրահանգներին համապատասխան։ Եվ ուզում եմ շնորհակալություն հայտնել Պետական պահպանության ծառայությանը՝ օրենքով սահմանված պարտականությունները հստակ կատարելու համար»,– ասաց Փաշինյանը` պատասխանելով ԱԺ «Հայաստան» խմբակցության պատգամավոր Արծվիկ Մինասյանի այն հայտարարությանը, թե խորհրդարանի նիստում տեղի ունեցածը հանցագործություն է, որը սադրել են վարչապետն ու ԱԺ նախագահը` ուղիղ ցուցումով։
«Դա պետք է ընդունել, որպես հանցագործության մասին պաշտոնական հաղորդում»,– ասել էր Մինասյանը։
Ի պատասխան ՀՀ վարչապետը հայտարարեց, թե անվտանգության աշխատակիցներին համապատասխան հրահանգներ է տվել։
«Ես ուզում եմ տեղեկացնել, որ նրանց շատ խիստ հրահանգել եմ, որ ոչ մեկի, առավել ևս` զուգարաններում, հանկարծ անզգույշ չքաշքշեն,– ասաց նա, – եթե դուք խոսում եք հանցագործությունների մասին, եթե հիշողությունս չի դավաճանում` հիմա դատական գործընթաց է գնում ձեր կուսակից Պողոս Պողոսյանին անզգույշ քաշքշելու հետևանքով սպանելու գործով։ Եվ ինչքան հիշում եմ` դուք առնվազն տասնքանի տարի այդ հանցագործության մասին չեք էլ բարձրաձայնել, որ ձեր կուսակից ընկերոջը ծեծելով սպանել են «Պապլավոկի» զուգարանում»։
Հիշեցնենք` 2001 թվականի սեպտեմբերի 25-ի լույս 26-ի գիշերը Երևանի «Առագաստ» սրճարանի զուգարանում Պողոս Պողոսյանը Ռոբերտ Քոչարյանի թիկնապահների կողմից դաժան ծեծի էր ենթարկվել, ապա սպանվել, ըստ ականատեսների, «Պրիվետ, Ռոբ» ասելու համար։
Премьер-министр Никол Пашинян на заседании Парламента Армении (24 августа 2021). Еревaн - Sputnik Արմենիա, 1920, 24.08.2021
«Այո՛, մեղավոր եմ». Փաշինյանը պատասխանեց ընդդիմադիր պատգամավորի հարցին
Պաշտոնական վարկածով` ՀՀ երկրորդ նախագահ Ռոբերտ Քոչարյանի թիկնապահ, ՀՀ ազգային անվտանգության նախարարության աշխատակից Աղամալ Հարությունյանին մեղադրանք էր առաջադրվել ՀՀ նախկին քրեական օրենսգրքի 103-րդ հոդվածով այն բանի համար, որ 25.09.2001թ.՝ ժամը 00:30-ի սահմաններում, Երևանի «Առագաստ» սրճարանի զուգարանում վերջինիս և ոգելից խմիչք օգտագործած վիճակում գտնվող Պ.Պողոսյանի միջև տեղի է ունեցել փոխադարձ քաշքշուկ, հասցվել են փոխադարձ հարվածներ, որոնց ընթացքում Պ. Պողոսյանը մեջքի վրա ընկել է, գլխով հարվածել զուգարանի սալիկապատ հատակին, որի հետևանքով ստացած գանգուղեղային ծանր մարմնական վնասվածքից մահացել է:
Այսինքն՝ ըստ մեղադրանքի՝ Աղամալ Հարությունյանը դրսևորել է հանցավոր անփութություն, որով կատարել է անզգույշ սպանություն:
Աղամալ Հարությունյանը մեղավոր է ճանաչվել և դատապարտվել է 2 տարվա ազատազրկման, միաժամանակ նշանակված պատիժը պայմանականորեն չի կիրառվել, Հարությունյանի նկատմամբ սահմանվել է փորձաշրջան՝ 1 տարի ժամանակով:
«Նիկո՛լ, դավաճան». խորհրդարանի նիստում սկսված իրարանցումը վերածվեց ծեծկռտուքի. տեսանյութ
2019 թվականի սեպտեմբերին դատախազություն էր ուղարկվել Սթիվեն Ջոն Նյուտոնի ներկայացուցիչների դիմումը` կից թարգմանված փաստաթղթերով։
Հենց այս դիմումից էլ հայտնի էին դարձել այնպիսի հանգամանքներ, որոնք վկայում են, որ Պ. Պողոսյանը կյանքից զրկվել է ոչ թե անզգուշությամբ, այլ Աղամալ Հարությունյանի և գործով չպարզված այլ անձանց կողմից՝ դիտավորությամբ և խուլիգանական դրդումներով:
«Նիկոլ Փաշինյան, էլ լրագրող չես». ԱԺ օթյակում բողոքի ակցիա էր
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала