https://arm.sputniknews.ru/20210824/mtacum-e-anpoxarineli-e-armen-gevorgyani-pashtpan-inqnabacark-knerkayacni-danibekyanin-28765635.html
«Մտածում է` անփոխարինելի է». Արմեն Գևորգյանի պաշտպանը ինքնաբացարկ կներկայացնի Դանիբեկյանին
«Մտածում է` անփոխարինելի է». Արմեն Գևորգյանի պաշտպանը ինքնաբացարկ կներկայացնի Դանիբեկյանին
Sputnik Արմենիա
Արմեն Գևորգյանի պաշտպան Էրիկ Ալեքսանյանը պահանջում է դատարանից դիմել ՍԴ` լուծելու Արմեն Գևորգյանի` որպես պատգամավոր անձեռնմխելիություն ունենալու, բայց... 24.08.2021, Sputnik Արմենիա
2021-08-24T15:23+0400
2021-08-24T15:23+0400
2021-08-24T16:08+0400
հայաստան
հասարակություն
արմեն գևորգյան
դատ
աննա դանիբեկյան (դատավոր)
https://cdn.am.sputniknews.ru/img/1668/32/16683252_0:78:1048:670_1920x0_80_0_0_249a624138a1af3d32323f719870f4ac.jpg
ԵՐԵՎԱՆ, 24 օգոստոսի - Sputnik․ ՀՀ նախկին փոխվարչապետ, «Հայաստան» դաշինքի պատգամավոր Արմեն Գևորգյանի պաշտպան Էրիկ Ալեքսանյանը Երևանի ընդհանուր իրավասության դատարանի Շենգավիթի նստավայրի բակում լրագրողների հետ զրույցում ասաց, որ պատրաստվում է գրավոր և ծավալուն դիմում ներկայացնել` պահանջելով Հայաստանի երկրորդ նախագահ Ռոբերտ Քոչարյանի և Արմեն Գևորգյանի գործով դատավոր Աննա Դանիբեկյանի ինքնաբացարկը։«Դատավորը հմուտ չէ և չի կողմնորոշվում` ինչպես վարվի։ Աննա Դանիբեկյանը մտածում է երևի, որ անփոխարինելի է», – ասաց պաշտպանը։Նրա խոսքով` խնդիրն այն է, որ դատարանը մինչ օրս չի կողմնորոշվում ինչպես վարվել Արմեն Գևորգյանի` պատգամավոր դառնալու փաստի հետ. վերջինիս պատգամավորական անձեռնմխելիությունը հակասության մեջ է մտնում իր դեմ շարունակվող քրեական հետապնդման հետ։«Նախորդ նիստին դատարանը ասում էր` պետք է սպասել Սահմանադրական դատարանի պատասխանին այս հարցով։ Սակայն խնդիրն այն է, որ «Հայաստան» դաշինքը ՍԴ չի դիմել Արմեն Գևորգյանի հարցով, այլ դիմել է Սյունիքի համայնքապետերի հարցով»,– ասաց Ալեքսանյանը։Պաշտպանը նշեց, որ Ռոբերտ Քոչարյանի պաշտպան Հովհաննես Խուդոյանը պահանջել է կասեցնել Գևորգյանի դեմ քրեական հետապնդումը, բայց հենց իր` Գևորգյանի պաշտպանական կողմը այլ բան է պահանջում։Դատախազն ասաց` ինչպես պետք է բերման ենթարկվի պատգամավոր Արմեն Գևորգյանը«Մենք ասում են` դատարանը դիմի ՍԴ այս հարցի կապակցությամբ։ Մենք հարց ենք տալիս` Գևորգյանն ունի նոր կարգավիճակ, դատարանն այդտեղ արդյո՞ք խնդիր չի տեսնում քրեական հետապնդման հետ կապված։ Սակայն Դանիբեկյանը կրկին հետաձգում է նիստը, ինչը մենք մերժմանը հավասարազոր ենք համարում»,– ասաց Ալեքսանյանը։Դատական նիստը հետաձգվեց, այն կշարունակվի օգոստոսի 31-ին, ժամը 12։00-ին։Հիշեցնենք` սկզբում գործի շրջանակում գործով անցնում էին նաեւ պաշտպանության նախկին նախարար Սեյրան Օհանյանը և ՀԱՊԿ նախկին գլխավոր քարտուղար Յուրի Խաչատուրովը։ ՍԴ-ի կողմից ՔՕ 300.1 հոդվածը Սահմանադրությանը հակասող ճանաչելուց հետո Օհանյանի և Խաչատուրովի մեղադրանքները հանվեցին, քրեական հետապնդումը դադարեցվեց։Ռոբերտ Քոչարյանը եկել էր, Արմեն Գևորգյանը` ոչ. դատական նիստը հետաձգվեցՆույն կերպ դադարեցվեց նշված հոդվածով Քոչարյանի եւ Գևորգյանի քրեական հետապնդումը։ Մնաց միայն կաշառք ստանալու մեղադրանքը Ռոբերտ Քոչարյանի հանդեպ և փողերի լվացման մեջ Արմեն Գևորգյանի մեղադրանքը։ Այս առնչությամբ գլխավոր դատախազությունը դիմել է ՍԴ՝ մեղադրանքի վերաորակավորմանը խոչընդոտող ՔԿՕ դրույթների մասով։
https://arm.sputniknews.ru/20210817/armen-gevorgyany-tuyl-chtvec-iren-berman-entarkel-28694936.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
հայաստան, հասարակություն , արմեն գևորգյան, դատ, աննա դանիբեկյան (դատավոր)
հայաստան, հասարակություն , արմեն գևորգյան, դատ, աննա դանիբեկյան (դատավոր)
«Մտածում է` անփոխարինելի է». Արմեն Գևորգյանի պաշտպանը ինքնաբացարկ կներկայացնի Դանիբեկյանին
15:23 24.08.2021 (Թարմացված է: 16:08 24.08.2021) Արմեն Գևորգյանի պաշտպան Էրիկ Ալեքսանյանը պահանջում է դատարանից դիմել ՍԴ` լուծելու Արմեն Գևորգյանի` որպես պատգամավոր անձեռնմխելիություն ունենալու, բայց զուգահեռաբար քրեորեն հետապնդվելու խնդիրը։
ԵՐԵՎԱՆ, 24 օգոստոսի - Sputnik․ ՀՀ նախկին փոխվարչապետ, «Հայաստան» դաշինքի պատգամավոր Արմեն Գևորգյանի պաշտպան Էրիկ Ալեքսանյանը Երևանի ընդհանուր իրավասության դատարանի Շենգավիթի նստավայրի բակում լրագրողների հետ զրույցում ասաց, որ պատրաստվում է գրավոր և ծավալուն դիմում ներկայացնել` պահանջելով Հայաստանի երկրորդ նախագահ Ռոբերտ Քոչարյանի և Արմեն Գևորգյանի գործով դատավոր Աննա Դանիբեկյանի ինքնաբացարկը։
«Դատավորը հմուտ չէ և չի կողմնորոշվում` ինչպես վարվի։ Աննա Դանիբեկյանը մտածում է երևի, որ անփոխարինելի է», – ասաց պաշտպանը։
Նրա խոսքով` խնդիրն այն է, որ դատարանը մինչ օրս չի կողմնորոշվում ինչպես վարվել Արմեն Գևորգյանի` պատգամավոր դառնալու փաստի հետ. վերջինիս պատգամավորական անձեռնմխելիությունը հակասության մեջ է մտնում իր դեմ շարունակվող քրեական հետապնդման հետ։
«Նախորդ նիստին դատարանը ասում էր` պետք է սպասել Սահմանադրական դատարանի պատասխանին այս հարցով։ Սակայն խնդիրն այն է, որ «Հայաստան» դաշինքը ՍԴ չի դիմել Արմեն Գևորգյանի հարցով, այլ դիմել է Սյունիքի համայնքապետերի հարցով»,– ասաց Ալեքսանյանը։
Պաշտպանը նշեց, որ Ռոբերտ Քոչարյանի պաշտպան Հովհաննես Խուդոյանը պահանջել է կասեցնել Գևորգյանի դեմ քրեական հետապնդումը, բայց հենց իր` Գևորգյանի պաշտպանական կողմը այլ բան է պահանջում։
«Մենք ասում են` դատարանը դիմի ՍԴ այս հարցի կապակցությամբ։ Մենք հարց ենք տալիս` Գևորգյանն ունի նոր կարգավիճակ, դատարանն այդտեղ արդյո՞ք խնդիր չի տեսնում քրեական հետապնդման հետ կապված։ Սակայն Դանիբեկյանը կրկին հետաձգում է նիստը, ինչը մենք մերժմանը հավասարազոր ենք համարում»,– ասաց Ալեքսանյանը։
Դատական նիստը հետաձգվեց, այն կշարունակվի օգոստոսի 31-ին, ժամը 12։00-ին։
Հիշեցնենք` սկզբում գործի շրջանակում գործով անցնում էին նաեւ պաշտպանության նախկին նախարար Սեյրան Օհանյանը և ՀԱՊԿ նախկին գլխավոր քարտուղար Յուրի Խաչատուրովը։ ՍԴ-ի կողմից ՔՕ 300.1 հոդվածը Սահմանադրությանը հակասող ճանաչելուց հետո Օհանյանի և Խաչատուրովի մեղադրանքները հանվեցին, քրեական հետապնդումը դադարեցվեց։
Նույն կերպ դադարեցվեց նշված հոդվածով Քոչարյանի եւ Գևորգյանի քրեական հետապնդումը։ Մնաց միայն կաշառք ստանալու մեղադրանքը Ռոբերտ Քոչարյանի հանդեպ և փողերի լվացման մեջ Արմեն Գևորգյանի մեղադրանքը։ Այս առնչությամբ գլխավոր դատախազությունը դիմել է ՍԴ՝ մեղադրանքի վերաորակավորմանը խոչընդոտող ՔԿՕ դրույթների մասով։
