«Արան դո՛ւ ես, այ տղա». ԱԺ–ում հերթական իրարանցումը եղավ, ուղիղ եթերը դարձյալ ընդհատվեց

© Sputnik / Asatur YesayantsПотасовка в Парламенте Армении во время очередного заседания (25 августа 2021). Еревaн
Потасовка в Парламенте Армении во время очередного заседания (25 августа 2021). Еревaн - Sputnik Արմենիա, 1920, 25.08.2021
Ազգային ժողովում կրքերը չեն հանդարտվում. հերթական անգամ ընդդիմադիր և իշխանական պատգամավորների միջև քաշքշուկ սկսվեց։
ԵՐԵՎԱՆ, 25 օգոստոսի – Sputnik. Ազգային ժողովում քիչ առաջ հերթական իրարանցումը սկսվեց։ Ամեն ինչ սկսվեց այն բանից հետո, երբ «Հայաստան» խմբակցության պատգամավոր Վահե Հակոբյանն ԱԺ ամբիոնից ելույթի ժամանակ հայտարարեց` կառավարության ծրագրում նշված է, որ ընտրություններից հետո հաջողվեց հանրային համերաշխությունը վերականգնել։
Инцидент в Парламенте Армении во время очередного заседания (25 августа 2021). Еревaн - Sputnik Արմենիա, 1920, 25.08.2021
Սադրել է իշխանությունը. Սեյրան Օհանյանը չհերքեց, որ շշով հարվածել է Հայկ Սարգսյանին
Չնայած դրան, ըստ Հակոբյանի, իշխանությունը բաժանարար գծեր է գծել` հասարակությունը կիսելով նախկինների և ներկաների, ղարաբաղցիների և հայաստանցիների։ Դրանից հետո ԱԺ դահլիճում իրարանցում սկսվեց, իսկ ԱԺ նախագահ Ալեն Սիմոնյանը հորդորեց անուններով խոսել։
«Մենք գնացել, մեռել ու կռիվ ենք տվել թե՛ պատերազմում, թե՛ քաղաքական դաշտում»,–ասաց Սիմոնյանը։
Դրանից հետո չնայած Հակոբյանը շարունակեց ելույթը, բայց ավելի լարվեց մթնոլորտը։
«Դուք երկար չեք կարողանալու պոպուլիզմով, հաճելի բառերով, կենացներով և լոզունգներով ստեղծեք ծրագիր, որը կուրսայինի տպավորություն է թողնում, և կերցնեք նորից ժողովրդին»,–ասաց Հակոբյանը։
Ի պատասխան, ՔՊ–ական պատգամավորներից մեկը տեղից բացականչեց. «Քեզ ենք կերցնելու, արա'»:
Դրան Հակոբյանն արձագանքեց` ասելով. «Արան դո՛ւ ես, այ տղա»։
Հետո դարձյալ լեզվակռիվ և քաշքշուկ սկսվեց, և նիստն ընդմիջվեց ԱԺ նախագահի կարգադրությամբ։
Հիշեցնենք` այսօր հերթական միջադեպը տեղի ունեցավ. «Քաղաքացիական պայմանագիր» խմբակցության պատգամավոր Հայկ Սարգսյանի վրա (ավելի հայտնի որպես «Շիշ բռնող») ընդդիմության ներկայացուցիչները շշեր էին շպրտել։
Սարգսյանը, ակնարկելով «Հայաստան» դաշինքի ղեկավար, ՀՀ պաշտպանության նախկին նախարար Սեյրան Օհանյանին` ասել էր, որ «ոչ մի նախկին ՊՆ ղեկավար, որի օրոք մարդիկ փողով ազատվել են բանակից, իրավունք չունի խոսելու»։
Դրանից հետո Օհանյանը Սարգսյանի ուղղությամբ շիշ էր նետել։ Սարգսյանը վերցրել էր այդ շիշը ու հետ շպրտել։
Այս ամենին զուգահեռ ԱԺ նախագահ Ալեն Սիմոնյանը ներս էր հրավիրում անվտանգության աշխատակիցներին։ Ուղիղ եթերը կրկին ընդհատվեց։
ԱԺ–ում ծեծկռտուքի ժամանակ պատռվեց Արծվիկ Մինասյանի վերնաշապիկը․ տեսանյութ
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала