https://arm.sputniknews.ru/20210825/qaxtexnolog-azgayin-zoxov-28781675.html
«Սա դեռ ժուռնալն է». քաղտեխնոլոգը` Ազգային ժողովում կատարվողի մասին
«Սա դեռ ժուռնալն է». քաղտեխնոլոգը` Ազգային ժողովում կատարվողի մասին
Sputnik Արմենիա
Քաղտեխնոլոգ Կարեն Քոչարյանը Sputnik Արմենիայի եթերում ասաց, որ սերիալային հոգեբանությամբ դատիարակված հասարակությունը խորհրդարան է բերել այդ նույն սերիալի... 25.08.2021, Sputnik Արմենիա
2021-08-25T20:20+0400
2021-08-25T20:20+0400
2021-08-25T20:20+0400
տեսանյութեր
մուլտիմեդիա
աժ (ազգային ժողով)
քաղտեխնոլոգ
ծեծկռտուք
կարեն քոչարյան (քաղտեխնոլոգ)
https://cdn.am.sputniknews.ru/img/07e5/08/19/28780360_0:-1:1275:720_1920x0_80_0_0_f318ef699f0ba67779104906e94abee8.jpg
ԱԺ-ում հաճախակի հնչող փոխադարձ վիրավորանքներն ու հայհոյախառն ռեպլիկները, ծեծկռտուքն ու նիստերի պարտադրված ընդմիջումները միանգամայն սպասելի էին։ Sputnik Արմենիայի հետ զրույցում նման կարծիք հայտնեց քաղտեխնոլոգ Կարեն Քոչարյանը։Ըստ քաղտեխնոլոգի`երբ հասարակությունը սկսում է սերիալային հոգեբանությամբ ապրել, այն էլ այնպիսի անորակ սերիալների, որոնցով ողողված է հայկական եթերը վերջին 10-12 տարիներին, հետագայում այդ նույն սերիալների դերասանները հայտնվում են խորհրդարանում, իսկ հասարակությունը հեշտ է կառավարվում։«ԱԺ պատգամավորները Մարսից, Լուսնից իջած պատգամավորներ չեն։ Նրանք այս հասարակության «պրոդուկտն» են։ Ինչպիսին հասարակությունն է, այնպիսիսն ԱԺ-ն է։ Հասարակությունն է ուզել ունենալ այսպիսի ԱԺ»,- նշեց Քոչարյանը։Նրա խոսքով` 1990-ականների սկզբում, երբ դպրոցականները սկսեցին «սեղանիկներ դնել» և առևտրով զբաղվել, հետո եկավ մի սերունդ, որն ուզում էր ոչ թե գիտնական, տիեզերագնաց կամ բժիշկ դառնալ, այլ հաստավիզ «ախրաննիկ», հետևանքը եղավ այն, որ բովանդակությունն իր տեղը զիջեց ձևին։«Կրթելը նոր սեղանը չէ, դա ատեստատը և դիպլոմը չէ։ Կրթությունն այն որակն է, որը տրվում է` սկսած ընտանիքից, մանկապարտեզից, դպրոցից, որտեղ շեշտը դրվում է բովանդակության և ոչ թե ձևի վրա»,-ընդգծեց քաղտեխնոլոգը։Քոչարյանի կարծիքով` խորը ճգնաժամից դուրս գալու համար համակարգային պետական ծրագիր և տարիներ են անհրաժեշտ, որն այս իշխանությունը ի վիճակի չէ կյանքի կոչել։Նշենք, որ այսօր ԱԺ–ում մի քանի անգամ քաշքշուկ եղավ։ ՔՊ-ական պատգամավոր Հայկ Սարգսյանի վրա (ավելի հայտնի որպես «Շիշ բռնող») ընդդիմության ներկայացուցիչները շշեր շպրտեցին, քանի որ Սարգսյանը, ակնարկելով «Հայաստան» դաշինքի ղեկավար, ՀՀ պաշտպանության նախկին նախարար Սեյրան Օհանյանին, ասաց, որ «ոչ մի նախկին ՊՆ ղեկավար, որի օրոք մարդիկ փողով ազատվել են բանակից, իրավունք չունի խոսելու»։Դրանից հետո Օհանյանը Սարգսյանի ուղղությամբ շիշ նետեց։ Սարգսյանը վերցրեց այդ շիշն ու հետ շպրտեց։ Ուղիղ եթերն ընդհատվեց։Դրանից հետո «Հայաստան» խմբակցության պատգամավոր Վահե Հակոբյանի ելույթի ժամանակ, երբ նա կառավարության ծրագրի մասին էր խոսում, իշխանության ներկայացուցիչներից մեկը տեղից ասաց. «Այդ ծրագիրը քեզ ենք կերցնելու, արա՛»։ Դրան Հակոբյանն արձագանքեց` ասելով. «Արան դո՛ւ ես, այ տղա»։Հետո դարձյալ լեզվակռիվ և քաշքշուկ սկսվեց, և նիստն ընդմիջվեց ԱԺ նախագահի կարգադրությամբ։Հրաչյա Հակոբյանին անվտանգության աշխատակիցները դուրս բերեցին ԱԺ նիստերի դահլիճից. տեսանյութ
https://arm.sputniknews.ru/20210825/normal-chem-hamarum-alen-simonyan-azgayin-zoxov-28779092.html
https://arm.sputniknews.ru/20210825/hh-glxavor-dataxaz-aj-nisti-tesagrutyun-uxarkel-e-hqts-28778737.html
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
տեսանյութեր, մուլտիմեդիա , աժ (ազգային ժողով), քաղտեխնոլոգ, ծեծկռտուք, կարեն քոչարյան (քաղտեխնոլոգ)
տեսանյութեր, մուլտիմեդիա , աժ (ազգային ժողով), քաղտեխնոլոգ, ծեծկռտուք, կարեն քոչարյան (քաղտեխնոլոգ)
«Սա դեռ ժուռնալն է». քաղտեխնոլոգը` Ազգային ժողովում կատարվողի մասին
Քաղտեխնոլոգ Կարեն Քոչարյանը Sputnik Արմենիայի եթերում ասաց, որ սերիալային հոգեբանությամբ դատիարակված հասարակությունը խորհրդարան է բերել այդ նույն սերիալի դերասաններին, որոնք իրենց հատկացված դերերն այժմ էլ խաղում են օրենսդիրում։
ԱԺ-ում հաճախակի հնչող փոխադարձ վիրավորանքներն ու հայհոյախառն ռեպլիկները, ծեծկռտուքն ու նիստերի պարտադրված ընդմիջումները միանգամայն սպասելի էին։
Sputnik Արմենիայի հետ զրույցում նման կարծիք հայտնեց քաղտեխնոլոգ Կարեն Քոչարյանը։
«Իշխանությունների պնդումները, թե Հայաստանում հունիսի 20-ից հետո քաղաքական ճգնաժամը հանգուցալուծվել է` բլեֆ է։ Սա դեռ ժուռնալն է, որը ներկայացվում է որպես աշխատանք։ Դրանից ամենաշատը տուժում է Հայաստան պետությունը։ Թվում է, թե էլ տեղ չկա, բայց ունենք այն ինչ ունենք»,- ասաց նա։
Ըստ քաղտեխնոլոգի`երբ հասարակությունը սկսում է սերիալային հոգեբանությամբ ապրել, այն էլ այնպիսի անորակ սերիալների, որոնցով ողողված է հայկական եթերը վերջին 10-12 տարիներին, հետագայում այդ նույն սերիալների դերասանները հայտնվում են խորհրդարանում, իսկ հասարակությունը հեշտ է կառավարվում։
«ԱԺ պատգամավորները Մարսից, Լուսնից իջած պատգամավորներ չեն։ Նրանք այս հասարակության «պրոդուկտն» են։ Ինչպիսին հասարակությունն է, այնպիսիսն ԱԺ-ն է։ Հասարակությունն է ուզել ունենալ այսպիսի ԱԺ»,- նշեց Քոչարյանը։
Նրա խոսքով` 1990-ականների սկզբում, երբ դպրոցականները սկսեցին «սեղանիկներ դնել» և առևտրով զբաղվել, հետո եկավ մի սերունդ, որն ուզում էր ոչ թե գիտնական, տիեզերագնաց կամ բժիշկ դառնալ, այլ հաստավիզ «ախրաննիկ», հետևանքը եղավ այն, որ բովանդակությունն իր տեղը զիջեց ձևին։
«Կրթելը նոր սեղանը չէ, դա ատեստատը և դիպլոմը չէ։ Կրթությունն այն որակն է, որը տրվում է` սկսած ընտանիքից, մանկապարտեզից, դպրոցից, որտեղ շեշտը դրվում է բովանդակության և ոչ թե ձևի վրա»,-ընդգծեց քաղտեխնոլոգը։
Քոչարյանի կարծիքով` խորը ճգնաժամից դուրս գալու համար համակարգային պետական ծրագիր և տարիներ են անհրաժեշտ, որն այս իշխանությունը ի վիճակի չէ կյանքի կոչել։
Նշենք, որ այսօր ԱԺ–ում մի քանի անգամ քաշքշուկ եղավ։
ՔՊ-ական պատգամավոր Հայկ Սարգսյանի վրա (ավելի հայտնի որպես «Շիշ բռնող») ընդդիմության ներկայացուցիչները շշեր շպրտեցին, քանի որ Սարգսյանը, ակնարկելով «Հայաստան» դաշինքի ղեկավար, ՀՀ պաշտպանության նախկին նախարար Սեյրան Օհանյանին, ասաց, որ «ոչ մի նախկին ՊՆ ղեկավար, որի օրոք մարդիկ փողով ազատվել են բանակից, իրավունք չունի խոսելու»։
Դրանից հետո Օհանյանը Սարգսյանի ուղղությամբ շիշ նետեց։ Սարգսյանը վերցրեց այդ շիշն ու հետ շպրտեց։ Ուղիղ եթերն ընդհատվեց։
Դրանից հետո «Հայաստան» խմբակցության պատգամավոր Վահե Հակոբյանի ելույթի ժամանակ, երբ նա կառավարության ծրագրի մասին էր խոսում, իշխանության ներկայացուցիչներից մեկը տեղից ասաց.
«Այդ ծրագիրը քեզ ենք կերցնելու, արա՛»։ Դրան Հակոբյանն արձագանքեց` ասելով. «Արան դո՛ւ ես, այ տղա»։
Հետո դարձյալ լեզվակռիվ և քաշքշուկ սկսվեց, և նիստն ընդմիջվեց ԱԺ նախագահի կարգադրությամբ։
