Հայաստանում ադրբեջանա-թուրքական գործակալնե՞ր են հայտնաբերվել

© Sputnik / Asatur YesayantsСотрудник полиции у здания СНБ Армении (12 ноября 2020). Еревaн
Сотрудник полиции у здания СНБ Армении (12 ноября 2020). Еревaн - Sputnik Արմենիա, 1920, 26.08.2021
ԱՀ նախագահի նախկին խորհրդականը պնդում է, որ ինքը լրտեսական խումբ է հայտնաբերել ու երկու ամիս վերահսկել նրանց գործունեությունը։
ԵՐԵՎԱՆ, 26 օգոստոսի - Sputnik. Հայաստանում գործում է 9 հոգուց բաղկացած լրտեսական խումբ, որն աշխատում է թուրքական և ադրբեջանական հատուկ ծառայությունների համար և երկար ժամանակ կարևոր տեղեկություններ է հավաքում: Այս մասին Sputnik Արմենիային ասաց ԱՀ նախագահի նախկին խորհրդական, գնդապետ Բորիս Ավագյանը։
Молодой человек перед компьютером - Sputnik Արմենիա, 1920, 16.07.2021
Հաքերները լրտեսական ծրագիր են վաճառել կառավարություններին. «զոհեր» են գտել նաև Հայաստանում
«Նրանք Հայաստանի և Ուկրաինայի քաղաքացիներ են, Հայաստանում հանդես են գալիս որպես մեթոդաբաններ,  տեղեկատվություն են հավաքել երկրի քաղաքացիների և շատ կարևոր հարցերի մասին»,- ասաց նա:
Ավագյանը հայտնեց, որ երկու ամիս հետևել է նրանց գործունեությանը և պարզել, որ խումբն ակտիվորեն աշխատում է շուրջ երկու տասնյակ մարդկանց «հավաքագրելու» ուղղությամբ, որոնց հարազատները տարբեր պաշտոններ են զբաղեցնում պետական և իրավապահ մարմիններում:
Լրտեսական խմբի մասին իր հավաքած ամբողջ տեղեկատվությունն Ավագյանը փոխանցել է Ազգային անվտանգության ծառայության ղեկավարներին, գլխավոր դատախազին ու ոստիկանապետին:
Այլ մանրամասներ Բորիս Ավագյանը չցանկացավ հայտնել` հորդորելով սպասել իրավապահ մարմինների հաղորդագրությանը: Իր կողմից նշեց, որ փոխանցված տեղեկատվության վերաբերյալ այժմ ոչ մի արձագանք չի ստացել, բայց կարծում է, որ պետք է քրեական գործ հարուցվի:
Փախել է հոգեբուժական հիվանդանոցից․ Ադրբեջանի ՊՆ-ն՝ Արցախում ձերբակալված զինծառայողի մասին
ՀՀ գլխավոր դատախազությունից Sputnik Արմենիային հաստատեցին, որ ստացել են Ավագյանի հաղորդումը և ուսումնասիրում են այն: Ոստիկանությունից հայտնեցին, որ մեկնաբանություն անելու համար նախ պետք է հանգամանալից ուսումնասիրեն ամբողջ տեղեկատվությունը, իսկ ԱԱԾ-ի հետ կապ հաստատել այդպես էլ չհաջողվեց։
Նշեք, որ Արցախյան 44-օրյա պատերազմից հետո սոցիալական ցանցերում պարբերաբար հաղորդագրություններ են հայտնվում այն մասին, որ քաղաքի փողոցներում ու որոշ մարդաշատ վայրերում ադրբեջաներեն խոսակցություններ են լսվում։
Այս հարցով, ի դեպ, Sputnik Արմենիան գրավոր հարցում է արել Ազգային անվտանգության ծառայությանը և խնդրել պարզաբանել ՝ արդյոք այդ անձինք իրենց վերահսկողության տակ են։ Գերատեսչությունից պատասխանել են, որ ԱԱԾ-ն իրականացնում է օրենքով իրեն վերապահված օպերատիվ-որոնողական միջոցառումները, որոնց արդյունքները հրապարակման ենթակա չեն:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала