Նման իրավիճակը կանխատեսվում էր. Փաշինյանը` Սյունիքում փակված ճանապարհի մասին

ՀՀ վարչապետը հիշեցրեց, որ Սյունիքի Գորիս Կապան ավտոճանապարհի անվտանգությունը Գորիս–Դավիթ Բեկ ճանապարհային հատվածում ապահովում են ռուս սահմանապահները։
ԵՐԵՎԱՆ, 26 օգոստոսի - Sputnik. Ադրբեջանցիները փակել են Սյունիքի ճանապարհի այն հատվածները, որոնք Խորհրդային միության քարտեզներով խորհրդային Հայաստանի տարածքից դուրս են եղել։
Այս մասին այսօր ԱԺ–ում հայտարարեց ՀՀ վարչապետ Նիկոլ Փաշինյանը` խոսելով Սյունքիում ծագած խնդրի ու դրա պատճառների մասին։
«Այն, ինչ տեղի է ունեցել, հակասում է ՊՆ–ի 2020թ–ի դեկտեմբերի 19-ի հայտարարության մեջ նշված պայմանավորվածությանը, որը ձեռք է բերվել ՀՀ–ի և ՌԴ–ի միջև»,– ասաց Փաշինյանը` հիշեցնելով, որ համաձայն ձեռք բերված պայմանավորվածության` Գորիս Կապան ավտոճանապարհի անվտանգությունը Գորիս–Դավիթ Բեկ ճանապարհային հատվածում ապահովում են ռուս սահմանապահները։
Ըստ Փաշինյանի` այս պայմանավորվածությունը հետագայում պետք է ամրագրվեր եռակողմ փաստաթղթով, ինչը, սակայն, տեղի չի ունեցել։
Այդուհանդերձ, ըստ Փաշինյանի, Սյունքի մարզը ներկա պահին Հայաստանից կտրված չէ։
Премьер-министр Никол Пашинян на очередном заседания Парламента (25 августа 2021). Еревaн - Sputnik Արմենիա, 1920, 26.08.2021
«Մե՞նք ենք վիճարկելի դարձրել, ո՛չ». Փաշինյանը Որոտան– Շուռնուխի համար մեղադրեց նախկիններին
«Այնտեղ կա այլ ճանապարհ, մասնավորապես` Կապան–Աղվանի ճանապարհը, որը մեծ տեմպերով ասֆալտպատվում է, նորմալ գրունտային ճանապարհ կա»,– ասաց նա։
ՀՀ վարչապետը հայտնեց, որ իրենք կանխատեսել էին ներկա իրավիճակի հնարավորությունը, ուստի տրանսպորտային երթևեկությունը կարգավորելու համար կառուցվում է այլընտրանքային ճանապարհ։
Հիշեցնենք` ՀՀ ազգային անվտանգության ծառայությունն այսօր հաղորդագրություն էր տարածել այն մասին, որ օգոստոսի 25-ին ժամը 23:00-ի սահմաններում ադրբեջանական կողմը փակել է Կապան-Գորիս միջպետական ճանապարհի Կարմրաքար-Շուռնուխ հատվածը: Նշված հատվածում գտնվող տրանսպորտային միջոցները տարհանվել են: Աշխատանքներ են իրականացվում ճանապարհը բացելու, մարդկանց և տրանսպորտային միջոցների տեղաշարժի բնականոն աշխատանքը վերականգնելու ուղղությամբ:
Ինչու Վարդենիսը, Ծաղկաձորը թուրքերեն անուններ ունեին. նույնկերպ Բաքվի Արմենքենդին էլ ՀՀ է
Հայ-ադրբեջանական սահմանին իրավիճակը սրվել է մայիսի 12-ից։ Ադրբեջանցի զինվորականները գտնվում են Սև լճի շրջանում ՝ փորձելով ամրանալ այստեղ հայկական տարածքների հաշվին։ Նման իրավիճակ է ստեղծվել Գեղարքունիքի մարզում ՝ Վարդենիսի մոտակայքում։
Հայ զինծառայողներն ադրբեջանցի զինծառայողի վրա չեն հարձակվել. ՊՆ-ն հերքում է
Լարվածության ևս մեկ օջախ Արարատի մարզի Երասխ գյուղի մոտակայքում է։ Այդ հատվածներում պարբերաբար տեղի են ունենում միջադեպեր, ինչի հետևանքով կան զոհեր և վիրավորներ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала