https://arm.sputniknews.ru/20210831/arsen-torosyan-az-ynddiutyun-ceckrtuq-28835609.html

Արսեն Թորոսյա՞նն է հարվածել Նազարյանի աչքին. ընդդիմադիրները ՀՔԾ–ում անուններ են տվել

Արսեն Թորոսյա՞նն է հարվածել Նազարյանի աչքին. ընդդիմադիրները ՀՔԾ–ում անուններ են տվել

Sputnik Արմենիա

«Ժողովուրդ» օրաթերթին հասած լուրերի համաձայն՝ ՀՔԾ քննիչը «Հայաստան» խմբակցության, ինչպես նաև ՔՊ պատգամավորներին կոնկրետ հարցեր է տվել՝ ինչից սկսվեց կռիվը, ով է... 31.08.2021, Sputnik Արմենիա

2021-08-31T09:50+0400

2021-08-31T09:50+0400

2021-08-31T09:55+0400

հայաստան

արսեն թորոսյան

աժ (ազգային ժողով)

ծեծկռտուք

գեղամ նազարյան

https://cdn.am.sputniknews.ru/img/07e5/08/03/28533229_0:0:1600:901_1920x0_80_0_0_8e81d61282e59d97181814c66b1e4250.jpg

ԵՐԵՎԱՆ, 31 օգոստոսի – Sputnuik. «Հայաստան» խմբակցության պատգամավոր Գեղամ Նազարյանը օգոստոսի 25–ի միջադեպերի առնչությամբ ՀՔԾ–ում հարցաքննության ժամանակ տվել է ԱԺ պատգամավոր, առողջապահության նախկին նախարար Արսեն Թորոսյանի անունը: Ավելին՝ այլ ՔՊ-ական պատգամավորների անուններ ևս տրվել են, և նշվել է, թե նրանք ինչ են արել: Տեղեկությունը հայտնի է դարձել «Ժողովուրդ» օրաթերթին։Նազարյանը պատմել է, որ մտել է նիստերի դահլիճ, առաջին պատկերը, որ տեսել է, եղել է հետևյալը. բորենիների նման չորս-հինգ ՔՊ-ական ընկած են եղել Արթուր Ղազինյանի վրա և հարվածել են նրա գլխին և մարմնի տարբեր մասերին: Հարվածել են այնպես, կարծես հենց նոր իրենց ձեռքն են ընկել Ալիևն ու Էրդողանը:Օրաթերթին հասած լուրերի համաձայն՝ ՀՔԾ քննիչը «Հայաստան» խմբակցության, ինչպես նաև ՔՊ պատգամավորներին կոնկրետ հարցեր է տվել՝ ինչից սկսվեց կռիվը, ով է իրենց հարվածել, ինչ բողոք ունեն, ում դեմ բողոք ունեն:«Հայաստան» խմբակցության հարցաքննված պագամավորները քննիչին ասել են, որ եղել է խմբակային խուլիգանություն, կան տեսաձայնագրություններ, թող նայեն և տեսնեն, թե ով ում ինչպես է հարվածում: Հիշեցնենք, որ օգոստոսի 25–ին ԱԺ–ում մի քանի անգամ քաշքշուկ եղավ։ ՔՊ-ական պատգամավոր Հայկ Սարգսյանի վրա (ավելի հայտնի որպես «Շիշ բռնող») ընդդիմության ներկայացուցիչները շշեր շպրտեցին, քանի որ Սարգսյանը, ակնարկելով «Հայաստան» դաշինքի ղեկավար, ՀՀ պաշտպանության նախկին նախարար Սեյրան Օհանյանին, ասաց, որ «ոչ մի նախկին ՊՆ ղեկավար, որի օրոք մարդիկ փողով ազատվել են բանակից, իրավունք չունի խոսելու»։Դրանից հետո Օհանյանը Սարգսյանի ուղղությամբ շիշ նետեց։ Սարգսյանը վերցրեց այդ շիշն ու հետ շպրտեց։ Ուղիղ եթերն ընդհատվեց։Հետո, «Հայաստան» խմբակցության պատգամավոր Վահե Հակոբյանի ելույթի ժամանակ, երբ նա կառավարության ծրագրի մասին էր խոսում, իշխանության ներկայացուցիչներից մեկը տեղից ասաց. «Այդ ծրագիրը քեզ ենք կերցնելու, արա՛»։ Դրան Հակոբյանն արձագանքեց` ասելով. «Արան դո՛ւ ես, այ տղա»։Հետո դարձյալ լեզվակռիվ և քաշքշուկ սկսվեց, և նիստն ընդմիջվեց ԱԺ նախագահի կարգադրությամբ։Քաշքշուկների արդյունքում ԱԺ «Հայաստան» խմբակցության պատգամավոր Գեղամ Նազարյանին Ազգային ժողովից շտապօգնության մեքենայով տեղափոխեցին հիվանդանոց։ Նա վնասվածք ուներ աչքի շրջանում։Հրաչյա Հակոբյանին անվտանգության աշխատակիցները դուրս բերեցին ԱԺ նիստերի դահլիճից. տեսանյութ

https://arm.sputniknews.ru/20210825/hayk-satgsyan-bacatrec-te-inchic-sksvec-baxum-manukyan-xostacav-anun-haytnel-28775927.html

2021

Լուրեր

am_HY

հայաստան, արսեն թորոսյան, աժ (ազգային ժողով), ծեծկռտուք, գեղամ նազարյան