https://arm.sputniknews.ru/20210904/fransia-hayastan-xarabax-mirzoyan-28891648.html
Ֆրանսիան ՀՀ-ի կողքին է խաղաղության հասնելու համար. Լը Դրիանը շնորհավորել է Միրզոյանին
Ֆրանսիան ՀՀ-ի կողքին է խաղաղության հասնելու համար. Լը Դրիանը շնորհավորել է Միրզոյանին
Sputnik Արմենիա
Ֆրանսիայի արտաքին քաղաքական գերատեսչության ղեկավարը անդրադարձել է Ղարաբաղյան հակամարտությանն ու նշել, որ որպես Մինսկի խմբի համանախագահ երկիր` Ֆրանսիան... 04.09.2021, Sputnik Արմենիա
2021-09-04T15:53+0400
2021-09-04T15:53+0400
2021-09-04T15:55+0400
աշխարհ
հայաստան
ֆրանսիա
արարատ միրզոյան
https://cdn.am.sputniknews.ru/img/07e5/06/07/27845102_0:0:1600:901_1920x0_80_0_0_e43506724257d5c5233fc6f6ccfbeae1.jpg
ԵՐԵՎԱՆ, 4 սեպտեմբերի –Sputnik. Ֆրանսիայի ԱԳ նախարար Ժան-Իվ Լը Դրիանը շնորհավորական ուղերձ է հղել Արարատ Միրզոյանին՝ ՀՀ ԱԳ նախարարի պաշտոնում նշանակվելու կապակցությամբ։ Տեղեկությունը հայտնում են ՀՀ ԱԳՆ մամուլի ծառայությունից։Ֆրանսիայի արտաքին քաղաքական գերատեսչության ղեկավարը կանխավ գոհունակություն է հայտնել հայ գործընկերոջը սերտորեն և վստահության մթնոլորտում աշխատելու հեռանկարի համար:«Ձեր երկիրը վերջին ամիսներին բախվել է անվտանգային, տնտեսական և առողջապահական մի շարք փորձությունների: Ցանկանում եմ վերահաստատել Ֆրանսիայի լիակատար աջակցությունը դժվարին այս փուլն անցնող հայ ժողովրդին:Ֆրանսիայի և Հայաստանի միջև առկա են պատմական, մշակութային խորը առնչությունների վրա հիմնված և հագեցած օրակարգ ունեցող առանձնաշնորհյալ հարաբերություններ: Հայ-ֆրանսիական քաղաքական երկխոսության որակը մեզ պարտավորեցնում է առավել խորացնել մեր տնտեսական համագործակցությունն` ի նպաստ, մասնավորապես, Հայաստանի տնտեսության ապաշրջափակմանը և բազմազանեցմանը»,–ասել է Ժան-Իվ Լը Դրիանը:Նա վերահաստատել է, որ Ֆրանսիան կշարունակի օժանդակել Հայաստանին` բազմաթիվ մարդկային կորուստների հանգեցրած Լեռնային Ղարաբաղի հակամարտության հետևանքները հաղթահարելու գործում, և որպես Մինսկի խմբի համանախագահ երկիր` հետևողական կմնա հիմնախնդրի տևական կարգավորման ուղիների որոնումներում:Միրզոյանն ու Ֆրանսիայի դեսպանն ընդգծել են ԼՂ բանակցությունների վերսկսման անհրաժեշտությունը«Եթե վերջին ամիսների միջադեպերն ընդգծում են Ձեր երկրի սահմանների սահմանագծման և սահմանազատման ուղղությամբ աշխատելու անհրաժեշտությունը, ապա ցանկանում ենք, որպեսզի ռազմագերիների և ականապատ գոտիների քարտեզների վերջին փոխանակումներով առաջ եկած դրական դինամիկան նպաստի կողմերի միջև վստահության վերականգնմանը: Ֆրանսիան Հարավային Կովկասի տարածաշրջանում հանդես է գալիս որպես խաղաղության դերակատար և Հայաստանի կողքին է այդքան անհրաժեշտ և սպասված խաղաղությանը հասնելու համար»,–ասված է Դրիանի շնորհավորական ուղերձում:Նշենք, որ Արարատ Միրզոյանն արտգործնախարար է նշանակվել օգոստոսի 19-ին` ՀՀ նախագահ Արմեն Սարգսյանի հրամանագրով։ Մինչ այդ նա ՀՀ 7-րդ գումարման Ազգային ժողովի նախագահն էր։
https://arm.sputniknews.ru/20210904/blinken-arart-mirzoyan-xarabax-28888841.html
ֆրանսիա
Sputnik Արմենիա
media@sputniknews.com
+74956456601
MIA „Rosiya Segodnya“
2021
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
Sputnik Արմենիա
media@sputniknews.com
+74956456601
MIA „Rosiya Segodnya“
աշխարհ, հայաստան, ֆրանսիա, արարատ միրզոյան
աշխարհ, հայաստան, ֆրանսիա, արարատ միրզոյան
Ֆրանսիան ՀՀ-ի կողքին է խաղաղության հասնելու համար. Լը Դրիանը շնորհավորել է Միրզոյանին
15:53 04.09.2021 (Թարմացված է: 15:55 04.09.2021) Ֆրանսիայի արտաքին քաղաքական գերատեսչության ղեկավարը անդրադարձել է Ղարաբաղյան հակամարտությանն ու նշել, որ որպես Մինսկի խմբի համանախագահ երկիր` Ֆրանսիան հետևողական կմնա հիմնախնդրի տևական կարգավորման ուղիների որոնումներում:
ԵՐԵՎԱՆ, 4 սեպտեմբերի –Sputnik. Ֆրանսիայի ԱԳ նախարար Ժան-Իվ Լը Դրիանը շնորհավորական ուղերձ է հղել Արարատ Միրզոյանին՝ ՀՀ ԱԳ նախարարի պաշտոնում նշանակվելու կապակցությամբ։ Տեղեկությունը հայտնում են ՀՀ ԱԳՆ
մամուլի ծառայությունից։
Ֆրանսիայի արտաքին քաղաքական գերատեսչության ղեկավարը կանխավ գոհունակություն է հայտնել հայ գործընկերոջը սերտորեն և վստահության մթնոլորտում աշխատելու հեռանկարի համար:
«Ձեր երկիրը վերջին ամիսներին բախվել է անվտանգային, տնտեսական և առողջապահական մի շարք փորձությունների: Ցանկանում եմ վերահաստատել Ֆրանսիայի լիակատար աջակցությունը դժվարին այս փուլն անցնող հայ ժողովրդին:
Ֆրանսիայի և Հայաստանի միջև առկա են պատմական, մշակութային խորը առնչությունների վրա հիմնված և հագեցած օրակարգ ունեցող առանձնաշնորհյալ հարաբերություններ: Հայ-ֆրանսիական քաղաքական երկխոսության որակը մեզ պարտավորեցնում է առավել խորացնել մեր տնտեսական համագործակցությունն` ի նպաստ, մասնավորապես, Հայաստանի տնտեսության ապաշրջափակմանը և բազմազանեցմանը»,–ասել է Ժան-Իվ Լը Դրիանը:
Նա վերահաստատել է, որ Ֆրանսիան կշարունակի օժանդակել Հայաստանին` բազմաթիվ մարդկային կորուստների հանգեցրած Լեռնային Ղարաբաղի հակամարտության հետևանքները հաղթահարելու գործում, և որպես Մինսկի խմբի համանախագահ երկիր` հետևողական կմնա հիմնախնդրի տևական կարգավորման ուղիների որոնումներում:
«Եթե վերջին ամիսների միջադեպերն ընդգծում են Ձեր երկրի սահմանների սահմանագծման և սահմանազատման ուղղությամբ աշխատելու անհրաժեշտությունը, ապա ցանկանում ենք, որպեսզի ռազմագերիների և ականապատ գոտիների քարտեզների վերջին փոխանակումներով առաջ եկած դրական դինամիկան նպաստի կողմերի միջև վստահության վերականգնմանը: Ֆրանսիան Հարավային Կովկասի տարածաշրջանում հանդես է գալիս որպես խաղաղության դերակատար և Հայաստանի կողքին է այդքան անհրաժեշտ և սպասված խաղաղությանը հասնելու համար»,–ասված է Դրիանի շնորհավորական ուղերձում:
Նշենք, որ Արարատ Միրզոյանն
արտգործնախարար է նշանակվել օգոստոսի 19-ին` ՀՀ նախագահ Արմեն Սարգսյանի հրամանագրով։ Մինչ այդ նա ՀՀ 7-րդ գումարման Ազգային ժողովի նախագահն էր։
