Արամ Խաչատրյան համերգասրահում երգիչն իջավ բեմից ու առաջարկություն արեց սիրելիին. տեսանյութ

© Photo : Photo by Korie Cull on UnsplashОбручальное кольцо
Обручальное кольцо - Sputnik Արմենիա, 1920, 04.09.2021
Sputnik Արմենիայի թղթակիցը ճիշտ պահին եղել է ճիշտ տեղում։ Նա արձանագրել է երգչի անձնական կյանքի հանրայնացված պահը։
ԵՐԵՎԱՆ, 4 սեպտեմբերի - Sputnik. Երևանի Արամ Խաչատրյան համերգասրահում Մոսկվայի 874 -ամյակի միջոցառումների շրջանակում այսօր կայացած կոմպոզիտոր Առնո Բաբաջանյանի 100 -ամյակին նվիրված «7 երգ Մոսկվայի մասին» համերգին հայտնի երգիչ Արթուր Աղաջանովը հաճելի ու հուզիչ անակնկալ է մատուցել հանդիսատեսին։
Բաբաջանյանի «Королева красоты» («Գեղեցկության թագուհի») երգը կատարելուց հետո Աղաջանովն ամուսնության առաջարկություն է արել իր ընկերուհուն։
Ամուսնության առաջարկություն Արամ Խաչատրյան համերգասրահում
Ռոմանտիկ այդ պահը տեսանկարահանել է այդ պահին համերգին ներկա Sputnik Արմենիայի թղթակիցը։
«Այսօր ինձ համար առանձնահատուկ օր է: Ոչ միայն այն պատճառով, որ իմ ամենասիրելի քաղաքներից մեկի ծննդյան օրն է, նաև Առնո Բաբաջանյանի տարեդարձը, ում աշխատանքը անքակտելիորեն կապված է ինչպես Մոսկվայի, այնպես էլ Երևանի հետ: Վստահ եմ, որ այժմ դահլիճում շատ գեղեցկության թագուհիներ կան, բայց ինձ համար կա միայն մեկը, որին ցանկանում եմ առաջարկություն անել ձեր ծափահարությունների ներքո»,– ասաց Աղաջանովն ու ծաղկեփունջը ձեռքին մոտեցավ դահլիճում, հանդիսատեսի շարքերում նստած իր «գեղեցկության թագուհուն»:
«Կդառնա՞ս իմ կինը». Սիրասը Անիին ամուսնության առաջարկ է արել Սևանի հատակին. տեսանյութ
Երգիչը ծնկի է իջել ընկերուհու առջև ու նրան մեկնել մատանին, որն աղջիկը սիրով ու հուզված ընդունել է։
Նշենք, որ «7 երգ Մոսկվայի մասին» մեծ համերգը կայացել է Ռուսաստանի մայրաքաղաքի 874-ամյակի առիթով Երևանում կազմակերպված տոնական միջոցառումների շրջանակում` Ազգային ֆիլհարմոնիկ նվագախմբի նվագակցությամբ։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала