Երևանում երիտասարդը սպանել է մորեղբորը. նրան ձերբակալել են

© Pixabay / SkitterphotoСтрельба из пистолета
Стрельба из пистолета - Sputnik Արմենիա, 1920, 04.09.2021
Բաժանորդագրվեք
ՀՀ քննչական կոմիտեում սպանության և ապօրինի զենք կրելու հոդվածներով հարուցվել է քրեական գործ։
ԵՐԵՎԱՆ, 4 սեպտեմբերի – Sputnik. Հրազենի գործադրմամբ սպանություն է տեղի ունեցել այսօր Երևանում։ Ինչպես հայտնում է Shamshyan.com-ը, ժամը 03։10-ի սահմաններում ոստիկանության Շենգավիթի բաժին ահազանգ է ստացվել, որ Ներքին Շենգավիթ 12 փողոցի 2-րդ նրբանցքի տներից մեկի դիմաց տղամարդու դի կա։
Դեպքի վայր ժամանած ոստիկաններն ու քննիչները նշված վայրում հայտնաբերել են 45-ամյա Սամվել Վարդանյանի դին՝ հրազենային 2 վնասվածքով։
Территория памятника Зоравару (Сурб Теодорос) в общине Зораван Котайкской области - Sputnik Արմենիա, 1920, 03.09.2021
Գանձագողություն` Կոտայքի Զորավոր եկեղեցու տարածքում
Նրանք նաև տաք հետքերով պարզել են, որ նշված վայրում տեղի է ունեցել վիճաբանություն, որի ժամանակ էլ ենթադրյալ կասկածյալը՝ 26-ամյա Աշոտ Մկրտչյանը, իր մոտ եղած «Վալտեր» տեսակի ատրճանակով կրակոցներ է արձակել Ս. Վարդանյանի ուղղությամբ, ինչի հետևանքով վերջինս տեղում մահացել է։ Ոստիկաններն ու քննիչները հայտնաբերել են կասկածյալին և բերման ենթարկել ոստիկանության Շենգավիթի բաժին։
Փաստի առթիվ հարուցվել է քրեական գործ ՀՀ քր.օր-ի 104 հոդվածի 1-ին  (սպանություն) և 235 հոդվածի 1-ին մասի (ապօրինի զենք-զինամթերք կրելը, պահելը, օգտագործելը) հատկանիշներով։ Ոստիկաններն ու քննիչները հայտնաբերել են նաև հանցագործության գործիք հրազենը, քննիչի որոշմամբ էլ ենթադրյալ կասկածյալ Ա. Մկրտչյանը ձերբակալվել է։ Ֆոտոլրագրողի տեղեկություններով՝ սպանված Ս. Վարդանյանը կասկածյալ Ա. Մկրտչյանի քեռին էր։ 
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала